2 Timothy 3:4 - Yn Conaant Noa 1810

⁴ Traitooryn, teaymagh, ard‐aignagh, ny s’graihee er eunyssyn y vea shoh na er Jee;

Yn Vible Casherick 1775 1819

⁴ Traitooryn, teaymagh, ard-aignagh, ny s’graihee er eunyssyn y vea shoh na er Jee;

2 Timothy 3:4 ပူးပေါင်းရင်းမြစ်များ

Jannoo 19:36

Fakin eisht nagh vod ny reddyn shoh ve loayrit n’oï, lhisagh shiu ve feagh, as gyn nhee erbee y yannoo er vullagh ching.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro‐laue jeh cheet yn Ercairagh, eh ta shiuish nish er vrah as er ghunverys:

Romanee 11:20

S’feer eh: v’adsyn brisht jeh kyndagh rish mee‐chredjue, as t’ou uss dy hassoo liorish credjue. Ny bee ard‐aignagh, agh gow aggle.

Romanee 16:18

Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t’ad molley creeaghyn yn vooinjer ôney.

1 Timothy 3:6

Cha nee fer gerrit ’sy chredjue, er‐aggle dy bee eh troggit seose lesh moyrn, as dy duitt eh fo briwnys y drogh‐spyrryd.

1 Timothy 5:6

Agh ish ta beaghey ayns reamys neu‐lowal, t’ee marroo ga dy vel ee bio.

1 Timothy 6:17

Cur currym orroosyn ta berchagh ’sy theihll shoh, nagh bee ad ard‐aignagh, ny treishteil ayns berchys neu‐hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

Jude 1:19

Shoh ad ta scarrey ad hene voïn, sleih foalley, fegooish Spyrryd Yee.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.