2 Timothy 3:2 - Yn Conaant Noa 1810

² Son bee ooilley er nyn son oc hene, sayntoilee, boggyssee, mooaralee, oltooanee, mee‐viallagh gys ayraghyn as moiraghyn, neu‐wooisal, mee‐chrauee,

Yn Vible Casherick 1775 1819

² Son bee ooilley er nyn son oc hene, sayntoilee, boggyssee, mooaralee, oltooanee, mee-viallagh gys ayraghyn as moiraghyn, neu-wooisal, mee-chrauee,

2 Timothy 3:2 ပူးပေါင်းရင်းမြစ်များ

Noo Mian 15:6

As nagh lhias da cooney sodjey ’choyrt da e ayr ny e voir. Ta shiu myr shoh jannoo sarey Yee gyn vree liorish ny oardaghyn eu.

Noo Luke 12:15

As dooyrt eh roo, Gow‐jee tastey, as cur‐jee twoaie jeh saynt: son cha vel maynrys bea yn dooinney lhie ayns mooarane e chooid‐seihlt.

Noo Luke 16:14

As cheayll ny Phariseeyn myrgeddin va sayntoilagh, ooilley ny reddyn shoh: as ren ad gannidys er.

Noo Luke 6:35

Agh cur‐jee graih da nyn noidyn, as jean‐jee mie, as eeasee‐jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er‐syrjey: son t’eh dooie da’n vooinjer neu‐wooisal as ny mee‐chrauee.

Jannoo 5:36

Son cha voddey neayr’s dirree magh Theudas, boggyssagh jeh hene dy ve ny ard‐ghooinney ennagh, as huggeysyn v’er ny lhiantyn mysh kiare cheead dooinney: agh v’eshyn er ny varroo, as er whilleen as hast da haink scaa‐lhean as toyrt‐mow.

Romanee 11:18

Ny jean uss oo hene y ymmyrkey dy mooaralagh noi ny banglaneyn: agh my t’ou boggyssagh, cha vel oo gymmyrkey yn fraue, agh y fraue uss.

2 Corinthianee 5:15

As dy dooar eh baase son ooilley, nagh beagh adsyn ta bio, maghey shoh bio daue hene, agh dasyn hooar baase er nyn son, as dirree reesht.

Philippianee 2:21

Son ta ooilley er nyn son hene, cha nee son ny reddyn ta bentyn rish Yeesey Creest.

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

2 Thessalonianee 2:4

Quoi ta soiaghey eh hene seose noi, as troggal eh hene erskyn ooilley ny ta enmyssit Jee, ny ta er ny ooashlaghey; myr shen dy vel eshyn myr Jee soie ayns chiamble Yee, goaill er hene dy ve Jee.

1 Timothy 1:20

Jeu shoh ta Hymenius as Alexander; ad ta mee er livrey gys y drogh spyrryd, dy vod ad gynsaghey dyn dy loayrt goan‐mollaghtagh.

1 Timothy 1:9

Toiggal shoh, nagh vel y leigh jeant cour y dooinney ynrick, agh cour ny mee‐reilltee as ny mee‐viallee, cour ny mee‐chrauee as peccee, cour deiney olk as neu‐chasherick, cour nyn lheid ta coyrt nyn ayraghyn as moiraghyn dy baase, cour dunveryn,

1 Timothy 3:3

Cha nee iuder‐feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

1 Timothy 6:10

Son saynt argid fraue dy chooilley olk: da’n chooid cheddin choud as va paart miandagh er, t’ad er n’gholl er‐shaghryn veih’n chredjue, as er vroddey ad hene trooid lesh mooarane torchaghyn.

1 Timothy 6:4

T’eh moyrnagh, er beggan tushtey, agh branladee mysh questionyn as arganeyn streeuagh, voue ta cheet troo, anvea, oltooan, drogh‐ouryssyn,

2 Timothy 3:4

Traitooryn, teaymagh, ard‐aignagh, ny s’graihee er eunyssyn y vea shoh na er Jee;

Jamys 2:8

My ta shiu cooilleeney yn leigh reooil, cordail rish y scriptyr, Ver oo graih da dy naboo myr dhyt hene, ta shiu jannoo dy mie.

Jamys 4:16

Agh nish ta shiu goaill taitnys ayns y voggyssagh eu: ta ooilley lheid y voggyssagh peccoil.

Jamys 4:6

Agh t’eh coyrt ny smoo dy ghrayse: shen‐y‐fa t’eh gra, Ta Jee cur eddin da ny mooaralee, as coyrt grayse dauesyn ta imlee.

1 Peddyr 5:5

Myrgeddin shiuish sleih aegey bee‐jee arrymagh da’n chenndeeaght: dy jarroo bee‐jee ooilley ayns biallys yn derrey yeh gys y jeh elley, as bee‐jee coamrit lesh injillid aigney: son ta Jee soiaghey eh hene noi’n vooinjer voyrnagh, as t’eh coyrt grayse dauesyn ta imlee.

2 Peddyr 2:10

As erskyn ooilley adsyn ta gimmeeaght lurg yn eill, ’sy taynt dy neu‐ghlennid, as soiaghey beg jeh reiltys: daaney t’ad creoi‐wannallagh, cha vel aggle orroo dy loayrt dy olk jeh ny pooaraghyn syrjey:

2 Peddyr 2:12

Agh ad shoh, myr beiyn feïe gyn resoon dooghyssagh, jeant dy ve shelgit as stroit, t’ad loayrt dy olk jeh ny reddyn nagh vel ad toiggal, as nee ad cherraghtyn dy bollagh ayns y neu‐ghlennid oc hene:

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta beaghey ayns shaghrynys:

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

Jude 1:16

Ta’d shoh sleih ta tallagh, plaiyntee gyn oyr, gimmeeaght lurg nyn yeearreeyn hene; as ta’n beeal oc loayrt focklyn mooarey dy ardail, brynneragh rish persoonyn deiney er graih cosney.

Ashlish 13:1

As hass mee er genniagh ny marrey, as honnick mee beisht troggal ass yn aarkey, lesh shiaght king, as jeih eairkyn, as er e eairkyn jeih attaghyn, as er ny king echey va enmyn mollaghtagh.

Ashlish 16:11

As doltooan ad Jee niau, ayns nyn angaish as nyn jingyn, as cha row arrys orroo son nyn obbraghyn.

Ashlish 16:21

As huitt er deiney claghyn‐sniaghtee mooar garroo veih niau, dy chooilley chlagh mysh trimmid talent: as ren deiney Jee y oltooaney er coontey kerraghey’n sniaghtey‐garroo; son va’n chragh ren eh erskyn towse trome.

Ashlish 16:9

As va deiney losht lesh y chiass mooar, as loayr ad dy mollaghtagh noï ennym Yee, echey ta pooar harrish ny briwnyssyn trome shoh: as cha ghow ad arrys, dy chur gloyr da.