2 Timothy 3:10 - Yn Conaant Noa 1810

¹⁰ Agh t’ou uss dy slane er hoiggal my ynsagh, my aght‐beaghee, my chiarail, my chredjue, my hurranse‐foddey, my ghraih, my veenid,

Yn Vible Casherick 1775 1819

¹⁰ Agh t’ou uss dy slane er hoiggal my ynsagh, my aght-baghee, my chiarail, my chredjue, my hurranse-foddey, my ghraih, my veenid,

2 Timothy 3:10 ပူးပေါင်းရင်းမြစ်များ

Noo Luke 1:3

Ta mish myrgeddin er vakin eh mie, myr ta slane toiggal aym jeh dy chooilley nhee er‐dyn eer toshiaght, dy scrieu hoods ayns order, Theophilus smoo ooasle,

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Jannoo 20:18

As tra v’ad er jeet huggey, dooyrt eh roo, Ta fys eu, er‐dyn chied laa haink mish gys Asia, kys ta mee er n’ymmyrkey mee‐hene ny mast’ eu ee dy chooilley earish,

Jannoo 26:4

My ymmyrkey‐bea veih my aegid, va hoshiaght mastey my ashoon hene ec Jerusalem, ta fys ec ooilley ny Hewnyn er,

Romanee 16:17

Nish ta mee guee erriu, vraaraghyn, gow‐jee tastey jeusyn ta kyndagh jeh anvea as scammyltyn, ta noi’n chredjue ta shiuish er n’ynsaghey; as chea‐jee voue.

2 Corinthianee 1:17

Tra va mee eisht ’syn aigney shoh, row mee er daa ockle? ny shen ta mee kiarail dy yannoo, vel foym dy yannoo eh er oyryn seihltagh, mârym’s dy beagh she, she, as cha nee, cha nee?

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

Philippianee 2:20

Son cha vel dooinney erbee aym wheesh gys m’aigney, vees cha dooghyssagh imneagh er nyn son eu.

Philippianee 2:22

Agh ta prowal er ny ve eu jehsyn, myr mac marish e ayr, dy vel eh er hirveish mârym’s ayns y sushtal.

1 Thessalonianee 1:5

Son cha daink y sushtal ainyn hiu ayns goo ny lomarcan, agh myrgeddin ayns pooar, as ayns y Spyrryd Noo, as ayns slane shickyrys, myr ta fys eu kys ren shin gymmyrkey shin hene nyn mast’ eu, er y choontey eu.

1 Timothy 1:3

Myr ghuee mee ort dy uirriaght kinjagh ec Ephesus, tra hie mee gys Macedonia, dy voddagh oo raaue y choyrt da paart gyn dy ynsaghey sushtal erbee elley,

1 Timothy 4:6

My nee oo ny braaraghyn y choyrt ayns cooinaghtyn jeh ny reddyn shoh, bee oo dty hirveishagh vie dy Yeesey Creest, troggit ayns goan y chredjue, as ynsagh mie, huggey t’ou er roshtyn.

1 Timothy 6:11

Agh uss, O ghooinney dy Yee, chea veih ny reddyn shoh: as eiyr da ynrickys, craueeaght, credjue, graih, surranse, meenid.

2 Timothy 2:22

Chea myrgeddin veih yeearreeyn yn aegid: agh eiyr da ynrickys, credjue, graih, [as] shee, mâroosyn ta geamagh er y Chiarn ass cree glen.

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.

2 Timothy 4:3

Son hig y traa nagh nuillee ad ynsagh slayntoil; agh lesh cleayshyn miandagh, lurg nyn yeearreeyn hene, tayrnee ad huc hene ymmodee fir‐ynsee:

2 Timothy 4:7

Ta mee er chaggey caggey mie, ta mee er chooilleeney my choorse, ta mee er vreayll yn credjue.

Titus 2:7

Ayns dy chooilley nhee jeeaghyn oo hene sampleyr dy obbraghyn mie: ayns ynsagh soilshaghey magh firrinys y chredjue, craueeaght, ynrickys,

Hebrewnee 13:9

Ny bee‐jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.

2 Peddyr 3:11

Fakin eisht dy jean ooilley ny reddyn shoh lheïe ersooyl, cre’n sorch dy phersoonyn lhisagh shiuish y ve ayns dy chooilley ymmyrkey crauee as casherickys!