2 Timothy 2:9 - Yn Conaant Noa 1810

⁹ Er y hon ta mee gymmyrkey seaghyn myr drogh‐yantagh, dy jarroo gys geulaghyn; agh cha vel goo Yee kianlt.

Yn Vible Casherick 1775 1819

⁹ Er y hon ta mee gymmyrkey seaghyn myr drogh-yantagh, dy jarroo gys geulaghyn; agh cha vel goo Yee kianlt.

2 Timothy 2:9 ပူးပေါင်းရင်းမြစ်များ

Noo Luke 23:32

As va myrgeddin daa chimmagh elley er nyn leeideil magh mârish, dy ve er nyn goyrt gy baase.

Jannoo 21:33

Eisht haink yn ard‐chaptan er‐gerrey, as ghow eh eh, as doardee eh eh dy ve kianlt lesh daa gheuley; as dênee eh quoi v’eh hene, as cre v’eh er n’yannoo.

Jannoo 28:31

Preacheil daue reeriaght Yee as gynsaghey ny reddyn va bentyn rish y Chiarn Yeesey Creest lesh slane dunnallys, as gyn lhiettal erbee.

Jannoo 9:16

Son soilshee‐yms da, cre ny seaghyn mooarey shegin da y hurranse son my ennym’s.

Ephesianee 3:1

Son yn oyr shoh, ta mish Paul, pryssoonagh Yeesey Creest er y choontey euish Ashoonyn‐quaagh;

Philippianee 1:17

Agh y jeh elley trooid graih, myr ta fys oc dy vel mee er my phointeil son fendeilys y tushtal.

Philippianee 1:7

Dy jarroo myr te jesh dooys yn smooinaghtyn shoh y ve aym mychione eu ooilley, er‐y‐fa dy vel shiu aym ec my chree, ayns wheesh as chammah ayns my gheulaghyn, as ayns fendeil as niartaghey yn sushtal, ta shiu ooilley paarteeassyn mârym jeh grayse.

Colossianee 4:18

My vea as slaynt hiu fo my laue hene Paul. Cooinee‐jee er my gheulaghyn. Grayse dy row mêriu. Amen.

Colossianee 4:3

Marish shoh, goaill padjer myrgeddin er nyn son ainyn, dy jinnagh Jee fosley dooin dorrys dy ghlare vreeoil, dy loayrt folliaght Chreest, er y hon ta mish myrgeddin ayns geulaghyn:

1 Thessalonianee 1:8

Son veueish hie feiyr goo yn Chiarn magh, cha nee ny lomarcan ayns Macedonia as Achaia; agh myrgeddin ayns dy chooilley voayl ta’n credjue euish ayns Jee er ny skeayley dy lhean, myr shen nagh lhiass dooin cheet harrish.

2 Thessalonianee 3:1

Ny sodjey, vraaraghyn, gow‐jee padjer er nyn son, dy vod goo’n Chiarn roie dyn lhiettal, as ve er ny ghloyraghey dy jarroo myr te nyn mast’ euish;

2 Timothy 1:12

Er‐yn‐oyr cheddin ta mee myrgeddin surranse ny reddyn shoh, ny‐yeih cha vel nearey orrym: son shione dou eshyn ayn ta mee er credjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

2 Timothy 1:16

Dy der y Chiarn myghin da lught‐thie Onesiphorus; son ren eh dy mennick m’y ooraghey, as cha row nearey er jeh my gheuley.

2 Timothy 1:8

Ny bee nearey ort er‐y‐fa shen jeh recortys nyn Jiarn, ny jeem’s e phryssoonagh: agh gow uss ayrn mârym’s ayns seaghyn y tushtal, cordail rish pooar Yee;

2 Timothy 2:3

Jean uss er‐y‐fa shen creoghys y hurranse, myr sidoor dunnal dy Yeesey Creest.

2 Timothy 4:17

Ny‐yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh‐yantee, dy vod ad liorish ny obbraghyn mie eu ver ad my‐ner, Jee y ghloyraghey ayns laa yn chooilleen.

1 Peddyr 2:14

Ny gys kiannoortyn, myr dauesyn t’er nyn goyrt ayns pooar fo, son kerraghey drogh‐yantee, as son y moylley ocsyn ta jannoo dy mie.

1 Peddyr 3:16

Freayll cooinsheanse vie; son wheesh as dy vel ad goltooaney shiuish myr drogh‐yantee, dy vod ad nearey ’ghoaill ta cassid dy foalsey yn ymmyrkey‐bea vie eu ayns Creest.

1 Peddyr 4:15

Agh ny lhig da fer erbee eu surranse myr dunver, ny myr maarliagh, ny myr drogh‐yantagh, ny myr fer boiragh ayns cooishyn deiney elley.