2 Timothy 2:3 - Yn Conaant Noa 1810

³ Jean uss er‐y‐fa shen creoghys y hurranse, myr sidoor dunnal dy Yeesey Creest.

Yn Vible Casherick 1775 1819

³ Jean uss er-y-fa shen creoghys y hurranse, myr sidoor dunnal dy Yeesey Creest.

2 Timothy 2:3 ပူးပေါင်းရင်းမြစ်များ

Jannoo 23:31

Eisht ghow ny sidooryn Paul myr va’d oardrit, as hug ad lhieu eh ayns yn oie gys Antipatris.

1 Corinthianee 13:7

Fuillaghtyn dagh nhee, credjal dagh nhee, treishteil dagh nhee, surranse dy chooilley nhee,

1 Corinthianee 9:7

Quoi ta goll dy chaggey traa erbee er e chost hene? quoi ta soiaghey garey‐feeyney, as nagh vel gee jeh’n vess echey? ny quoi ta bochillagh shioltane as nagh vel giu jeh bainney’n chioltane?

2 Corinthianee 1:6

As edyr shin ve seaghnit, te son y gerjagh as y saualtys euish, ta breeoil ayns gymmyrkey ny surranseyn cheddin mârin: ny edyr shin ve er nyn gherjaghey, te son y gerjagh as y saualtys eu.

1 Timothy 1:18

Yn currym shoh ta mee dy hreishteil hood, vac Timothy, cordail rish y phadeyrys va jeant ro‐laue my‐dty‐chione, dy vod oo liorish shen prowal oo hene dty hidoor mie,

2 Timothy 1:1

Paul ostyl Yeesey Creest liorish aigney Yee, cordail rish gialdyn y vea, ayns Creest Yeesey;

2 Timothy 1:8

Ny bee nearey ort er‐y‐fa shen jeh recortys nyn Jiarn, ny jeem’s e phryssoonagh: agh gow uss ayrn mârym’s ayns seaghyn y tushtal, cordail rish pooar Yee;

2 Timothy 2:10

Shen‐y‐fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.

2 Timothy 2:9

Er y hon ta mee gymmyrkey seaghyn myr drogh‐yantagh, dy jarroo gys geulaghyn; agh cha vel goo Yee kianlt.

2 Timothy 3:11

Yn tranlaase, as y seaghyn haink orrym ec Antioch, ec Iconium, ec Lystra: cre’n tranlaase hie mee ny hrooid; agh assdoo ooilley ren y Chiarn my livrey.

2 Timothy 4:5

Agh bee uss er dty arrey ayns dy chooilley nhee, bee surransagh fo seaghyn, cooilleen obbyr sushtallagh, cur slane prowal jeh dty oik.

Philemon 1:2

As gys nyn gaarjyn ennoil Apphia, as Archippus nyn sheshey‐sidoor, as gys y cheshaght‐chreestee ta ayns dty hie:

Hebrewnee 10:32

Agh cooinee‐jee er ny laghyn t’er n’gholl shaghey, ayndoo tra haink shiu gys soilsheyn’n tushtal, chum shiu rish dy dunnal fo’n laad trome dy heaghyn.

Hebrewnee 11:27

Liorish credjue daag eh Egypt, gyn aggle er roish jymmoose y ree: son ren eh gymmyrkey eh dy dunnal, myr ’sy chilley echeysyn ta ass fakin.

Hebrewnee 6:15

As myr shen lurg da v’er hurranse dy meen, hooar eh cooilleen yn ghialdyn.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.