2 Timothy 2:21 - Yn Conaant Noa 1810

²¹ My nee dooinney er‐y‐fa shen freayll eh hene seyr voue shoh, bee eh ny haagh son ooashley, casherick, as cooie son ymmyd y vainshter, as aarloo cour dy chooilley obbyr vie.

Yn Vible Casherick 1775 1819

²¹ My nee dooinney er-y-fa shen freayll eh-hene seyr voue shoh, bee eh ny haagh son ooashley, casherick, as cooie son ymmyd y vainshter, as aarloo cour dy chooilley obbyr vie.

2 Timothy 2:21 ပူးပေါင်းရင်းမြစ်များ

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

1 Corinthianee 5:7

Glen‐jee magh er‐y‐fa shen yn chenn soorid, dy vod shiu ve nyn dheayst noa; myr ta shin hene gyn soorid. Son ta Creest yn Eayn‐caisht ain er ny ouralley er nyn son:

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

2 Corinthianee 9:8

As ta Jee abyl dy chur er dy chooilley ghrayse bishaghey diu; ayns slane sonnys eu jeh dy chooilley nhee, dy vod shiu bishaghey ayns dy chooilley obbyr vie:

Ephesianee 2:10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro‐laue dy jinnagh shin gimmeeaght ayndoo.

1 Timothy 6:11

Agh uss, O ghooinney dy Yee, chea veih ny reddyn shoh: as eiyr da ynrickys, craueeaght, credjue, graih, surranse, meenid.

2 Timothy 2:16

Agh chea veih glare mee‐chrauee as fardalagh; son hed ad er nyn doshiaght gys mee‐chraueeaght smoo.

2 Timothy 2:20

Agh ayns thie mooar cha vel ny lomarcan siyn airh, as argid, agh myrgeddin siyn fuygh, as cray; as paart son ooashley, as paart son mee‐ooashley.

2 Timothy 3:17

Dy vod y dooinney dy Yee ve slane schleïoil, dy fondagh coamrit son dy chooilley obbyr vie.

2 Timothy 4:11

Luke ny lomarcan ta mârym. Gow Mark, as cur lhiat mayrt eh, son t’eh vondeishagh dooys ayns [obbyr] y chirveish.

Titus 3:1

Cur ad ayns cooinaghtyn dy ve biallagh gys ard‐reilltee as pooaraghyn, dy ve ammyssagh da fir‐oik, dy ve arryltagh gys dy chooilley obbyr vie,

Titus 3:14

As lhig d’an vooinjer ainyn myrgeddin gynsaghey dy choyrt rish obbraghyn mie son ymmydyn ymmyrchagh, nagh bee ad neu‐vessoil.

Titus 3:8

Shoh raa firrinagh, as ny reddyn shoh saillym oo kinjagh, dy hionney orroo, dy vod adsyn ta er chredjal ayns Jee, ve kiaralagh dy hoilshaghey magh obbraghyn mie: ta ny reddyn shoh mie as vondeishagh da deiney.

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

1 Ean 3:3

As ta dy chooilley ghooinney ta’n treishteil shoh echey ayn hene, glenney eh hene, dy jarroo myr t’eshyn glen.