2 Timothy 2:19 - Yn Conaant Noa 1810

¹⁹ Ny‐yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee‐chraueeaght.

Yn Vible Casherick 1775 1819

¹⁹ Ny-yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee-chraueeaght.

2 Timothy 2:19 ပူးပေါင်းရင်းမြစ်များ

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 28:19

Immee‐jee er‐y‐fa shen, as ynsee‐jee dy chooilley ashoon, as bashtee‐jee ad ayns ennym yn Ayr, as y Vac, as y Spyrryd Noo:

Noo Mian 7:23

As eisht neem’s fockley‐magh orroo, Cha row aym rieau ainjys erbee erriu: reu‐jee voym, O shiuish ghrogh‐yantee.

Noo Mian 7:25

As haink y fliaghey neose, as dhatt ny thooillaghyn, as heid ny geayghyn, as cheau ad er y thie shen: as cha huitt eh, son dy row yn undin echey er creg.

Noo Mark 12:16

As hug ad lhieu eh: as dooyrt eh roo, Quoi gys ta’n cowrey as y screeu shoh bentyn? As dooyrt adsyn rish, Gys Cesar.

Noo Mark 13:22

Son nee Creestyn foalsey, as phadeyryn foalsey girree, as cowraghyn as yindyssyn y hoilshaghey, dy volley, my oddagh eh ve, yn eer chloan reiht.

Noo Luke 13:27

Agh jir eshyn, Ta mee ginsh diu, nagh nione dou shiu, cre veih ta shiu: ersooyl‐jee voym ooilley shiuish grogh‐yantee.

Noo Luke 6:48

T’eh er ny hoylaghey rish dooinney ren thie y hroggal, as chleiy dy dowin, as hoie yn undin er creg: as tra dhatt yn ushtey, vrish yn thooilley stiagh dy trome er y thie shen, agh cha yiarg eh er y chraa eh; er‐yn‐oyr dy row yn undin echey er creg.

Noo Ean 10:14

Mish y bochilley mie, as ta enney aym er my chirree, as ta enney ocsyn orrym’s.

Noo Ean 13:18

Cha vel mee loayrt j’iu ooilley; ta fys aym quoi ta mee er reih: agh dy vod y scriptyr ve cooilleenit, T’eshyn ta gee arran mârym, er hroggal e voyn m’oï.

Noo Ean 3:33

Eshyn t’er n’yannoo soiaghey jeh’n eanish echey, t’eh er chur y seal echey huggey, dy vel Jee firrinagh.

Jannoo 11:26

As haink eh gy‐kione dy duirree ad choud as bleïn ayns shen ayns sheshaght ny hagglish, as dy dynsee ad ymmodee dy leih; as va ny credjuee enmyssit Creesteenyn hoshiaght ayns Antioch.

Jannoo 15:17

Dy vod y Chiarn v’er ny hirrey magh liorish y chooid elley jeh deiney [Israel] as liorish ooilley ny Ashoonee, ta enmyssit orrym, ta’n Chiarn gra, ta jannoo dy chooilley nhee jeu shoh.

Jannoo 9:14

As ayns shoh ta pooar echey veih ny ard‐saggyrtyn, dy gheuley ooilley ny ta geamagh er dty ennym’s.

Romanee 11:2

Cha vel Jee er hilgey jeh e phobble hene bione da ro‐laue. Nagh vel fys eu cre ta’n scriptyr dy ghra mychione Elias? kys t’eh jannoo accan gys Jee noi Israel, gra,

Romanee 12:9

Lhig da graih ve fegooish foalsaght. Cur‐jee dwoaie da shen ta olk, lhiann‐jee gys shen ta mie.

Romanee 15:20

As te er ve my yeearree jeean dy phreacheil y sushtal, cha nee raad va Creest hannah er ny enmys, son nagh jinnin troggal er undin dooinney elley:

Romanee 15:9

As dy voddagh ny Ashoonyn‐quaagh Jee y ghloyraghey son e vyghin; myr te scruit, Son yn oyr shoh ver‐yms moylley dhyt mastey ny Ashoonyn‐quaagh, as nee’m arrane y ghoaill gys dty ennym.

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

Romanee 9:11

(Son roish my daink y chloan er y theihll, chamoo v’ad er n’yannoo mie ny sie, dy voddagh oardagh Yee cordail rish e reih arryltagh shassoo, cha nee liorish obbraghyn, agh veihsyn ta geamagh)

1 Corinthianee 1:2

Gys agglish Yee ta ec Corinth, hucsyn t’er nyn gasherickey ayns Creest Yeesey, er nyn eam dy ve nyn nooghyn mâroosyn ooilley ta ayns dy chooilley ynnyd geamagh er ennym Yeesey Creest, chammah yn Chiarn ocsyn as ainyn.

1 Corinthianee 8:3

Agh my ta dooinney erbee graihagh er Jee, ta’n fer cheddin er ny ghoaill rish liorishyn.

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

Galatianee 4:9

Agh nish erreish da enney ve eu er Jee, er‐nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearee dy ve reesht ayns bondiaght?

Ephesianee 2:20

As troggit er undin ny ostyllyn as phadeyryn, Yeesey Creest hene yn ard chlagh‐chorneilagh;

Ephesianee 3:15

Jehsyn ta’n slane lught‐thie ayns niau as er y thalloo er ny enmys.

Ephesianee 4:30

As ny cur‐jee corree er Spyrryd casherick Yee, liorish ta shiu cowrit gys laa yn livrey‐ys eu.

1 Timothy 3:15

Agh my uirr‐ym foddey, dy vod fys ve ayd kys lhisagh uss oo hene y ymmyrkey ayns thie Yee, ta agglish yn Jee bio, yn pillar as undin yn irriney.

1 Timothy 6:19

Coyrt seose ayns stoyr nyn gour oc hene undin mie ry‐hoï yn traa ta ry heet, dy vod ad greme y ghoaill er y vea veayn.

Hebrewnee 11:10

Son v’eh jerkal rish ard‐valley er undinyn [shickyr], jeant as troggit liorish Jee.

2 Peddyr 3:14

Shen‐y‐fa, chaarjyn, fakin dy vel shiu jerkal rish lheid ny reddyn, bee‐jee imneagh dy bee shiu er nyn gheddyn liorishyn ayns shee, fegooish foill, as gyn loght.

1 Ean 2:19

Hie ad magh voïn, agh cha row ad j’in: son dy beagh ad j’inyn, v’ad dyn dooyt er hannaghtyn mârin: agh hreig ad shin, dy voddagh enney v’er ny choyrt orroo, nagh row ad ooilley j’inyn.

Ashlish 17:8

Yn veisht honnick oo, ta, as cha vel eh; as hed eh seose ass y diunid gyn‐grunt, as hed eh gys toyrt mow: as gowee cummaltee’n thallooin yindys (ny enmyn oc nagh row scruit ayns lioar y vea er‐dy hoshiaght y theihll) tra ver ad my‐ner yn veisht va, as nagh vel, as foast ta.

Ashlish 2:13

Shione dou dty obbraghyn, as dty chummal, dy jarroo raad ta stoyl‐reill Noid‐ny‐hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh‐spyrryd cummal.

Ashlish 21:14

As va ec voalley yn ard‐valley daa undin yeig, as ayndoosyn enmyn daa ostyl yeig yn Eayn.

Ashlish 22:4

As hee ad yn eddin echey: as bee’n ennym echey scruit er glaare nyn eddinyn.

Ashlish 3:8

Shione dou dty obbraghyn: cur‐my‐ner, ta mee er hoiaghey royd dorrys foshlit, as cha vod dooinney y yeigh eh: son ta red beg dy vree aynyd, as t’ou er vreayll my ghoo, as cha vel oo er obbal my ennym.