2 Timothy 2:11 - Yn Conaant Noa 1810

¹¹ Te raa firrinagh. Son my ta shin er ve marroo mârish, bee mayd myrgeddin bio mârish:

Yn Vible Casherick 1775 1819

¹¹ Te raa firrinagh. Son my ta shin er ve marroo mârish, bee mayd myrgeddin bio mârish:

2 Timothy 2:11 ပူးပေါင်းရင်းမြစ်များ

Noo Ean 14:19

Foast tammylt beg, as cha vel y seihll dy my akin ny smoo; agh ta shiuish dy my akin: er‐yn‐oyr dy vel mish bio, bee shiuish bio myrgeddin.

Romanee 6:5

Son my ta shin er ve soit cooidjagh ayns co‐chaslys e vaase, bee mayd myrgeddin ayns co‐chaslys yn irree‐seose‐reesht echey:

Romanee 6:8

Nish my ta shin marroo mârish Creest, ta shin credjal dy bee mayd myrgeddin bio marish:

2 Corinthianee 13:4

Son ga dy row eh er ny chrossey trooid annooinid, ny‐yeih t’eh bio liorish pooar Yee: Son ta shinyn myrgeddin annoon aynsyn, agh bee mayd bio mârishyn liorish pooar Yee soilshit diuish.

2 Corinthianee 4:10

Dy kinjagh gymmyrkey mygeayrt‐y‐mooin ayns y chorp, baase y Chiarn Yeesey, dy voddagh bioys Yeesey ve myrgeddin jeant cronnal ayns y chorp ainyn.

1 Thessalonianee 4:17

Eisht vees shinyn ta bio, as er‐mayrn, goit seose cooidjagh mâroosyn ayns ny bodjallyn, dy gholl quail y Chiarn ayns yn aer: as myr shen bee mayd dy bragh marish y Chiarn.

1 Thessalonianee 5:10

Hur baase er nyn son, edyr shin ve dooisht ny nyn gadley, dy vod shin ve bio cooidjagh mârishyn.

1 Timothy 1:15

Ta shoh raa firrinagh, as feeu ard‐soiagh ve jeant jeh, dy daink Yeesey Creest gys y theihll dy hauaill peccee; jeu ta mish yn ard er.

1 Timothy 3:1

Ta shoh raa firrinagh, my ta dooinney geearree oik aspick, t’eh geearree obbyr vie.

Titus 3:8

Shoh raa firrinagh, as ny reddyn shoh saillym oo kinjagh, dy hionney orroo, dy vod adsyn ta er chredjal ayns Jee, ve kiaralagh dy hoilshaghey magh obbraghyn mie: ta ny reddyn shoh mie as vondeishagh da deiney.