2 Timothy 1:9 - Yn Conaant Noa 1810

⁹ Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er‐dy hoshiaght y theihll,

Yn Vible Casherick 1775 1819

⁹ Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er-dy hoshiaght y theihll,

2 Timothy 1:9 ပူးပေါင်းရင်းမြစ်များ

Noo Mian 1:21

As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

Noo Luke 10:21

Ayns yn oor cheddin ghow Yeesey boggey ayns e spyrryd, as dooyrt eh, Ta mee cur booise dhyt, O Ayr, Hiarn niau as thalloo, dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn: shen dy jarroo myr te, Ayr, son shen myr ve mie ayns dty hilley’s.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

Noo Ean 17:9

Ta mee guee ort er nyn son: cha vel mee guee son y theihll, agh er ny son ocsyn t’ou er choyrt dou, son she lhiat hene ad.

Noo Ean 6:37

Hig adsyn ooilley hym’s ta’n Ayr dy chur dou; as eshyn ta cheet hym, cha jeanym er aght erbee y yiooldey voym.

Jannoo 15:18

Ec Jee ta fys er ooilley e obbraghyn hene, er‐dy hoshiaght y theihll.

Jannoo 2:47

Cur moylley da Jee, as ayns ard‐ghoo rish ooilley yn pobble. As va’n Chiarn cur stiagh gys yn agglish gagh‐laa lheid as va shirrey son saualtys.

Romanee 11:14

My she shen dy voddym liorish saase erbee greinnaghey adsyn ta m’eill hene, dy heet stiagh gys y chredjue, as paart jeu y hauail.

Romanee 11:29

Son ta giootyn graysoil as eam Yee gyn caghlaa.

Romanee 16:25

Nish dasyn ta pooaral dy niartaghey shiu cordail rish yn sushtal aym’s, as preacheil Yeesey Creest, (cordail rish soilshaghey yn folliaght, v’er ny cheiltyn er dy hoshiaght y theihll,

Romanee 3:20

Shen‐y‐fa liorish obbraghyn y leigh cha bee dooinney erbee er ny heyrey ayns e hilley: son liorish y leigh ta toiggal ain jeh peccah.

Romanee 9:11

(Son roish my daink y chloan er y theihll, chamoo v’ad er n’yannoo mie ny sie, dy voddagh oardagh Yee cordail rish e reih arryltagh shassoo, cha nee liorish obbraghyn, agh veihsyn ta geamagh)

Romanee 9:24

Dy‐jarroo shinyn t’eh er n’eam, cha nee jeh ny Hewnyn ny‐lomarcan, agh jeh ny Ashoonee myrgeddin.

1 Corinthianee 1:18

Son ta preacheil y chrosh ommijys dauesyn ta cherraghtyn; agh dooinyn t’er nyn sauail te pooar Yee.

Ephesianee 1:11

Ayn myrgeddin ta shin er gheddyn eiraght, myr va shin pointit ro‐laue cordail rish y chiarail echeysyn ta gobbraghey dy chooilley nhee lurg coyrle e aigney hene:

Ephesianee 1:9

As er hoilshaghey dooin folliaght e aigney hene, cordail rish e haitnys mie, ren eh ’chiarail ayn hene:

Ephesianee 2:5

Dy jarroo tra va shin marroo ayns peccaghyn, t’eh er vioghey shin cooidjagh marish Creest (liorish grayse ta shiu er nyn sauail)

Ephesianee 3:11

Cordail rish e phointeil ro‐laue chiare eh er‐dy‐rieau ayns Creest Yeesey nyn Jiarn:

Philippianee 3:14

Ta mee chionney gys y vark, son leagh yn eam hug Jee dou veih’n yrjid ayns Creest Yeesey.

1 Thessalonianee 4:7

Son cha vel Jee er n’eamagh orrin gys neu‐ghlennid, agh gys casherickys.

1 Timothy 1:1

Paul ostyl Yeesey Creest liorish oardagh Yee nyn saualtagh, as y Chiarn Yeesey Creest, eh ta nyn dreishteil;

2 Timothy 1:1

Paul ostyl Yeesey Creest liorish aigney Yee, cordail rish gialdyn y vea, ayns Creest Yeesey;

Titus 1:2

Ayns treishteil jeh’n vea veayn, ren Jee nagh vod breg y insh, gialdyn roish my row’n seihll er ny chroo;

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

1 Peddyr 1:20

Va dy firrinagh er ny oardaghey ro‐laue er‐dy hoshiaght y theihll, agh er ny hoilshaghey ayns ny traaghyn s’jerree shoh er y ghraih euish.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 17:8

Yn veisht honnick oo, ta, as cha vel eh; as hed eh seose ass y diunid gyn‐grunt, as hed eh gys toyrt mow: as gowee cummaltee’n thallooin yindys (ny enmyn oc nagh row scruit ayns lioar y vea er‐dy hoshiaght y theihll) tra ver ad my‐ner yn veisht va, as nagh vel, as foast ta.