2 Timothy 1:4 - Yn Conaant Noa 1810

⁴ Dy jeean goaill foddiaght dy dty akin, cooinaghtyn er dty yeir, dy voddym ve er my lhieeney lesh gerjagh:

Yn Vible Casherick 1775 1819

⁴ Dy jeean goaill foddiaght dy dty akin, cooinaghtyn er dty yeïr, dy voddym ve er my lhieeney lesh gerjagh:

2 Timothy 1:4 ပူးပေါင်းရင်းမြစ်များ

Noo Ean 16:22

As ta nish er‐y‐fa shen trimshey euish: agh hee‐yms shiu reesht, as gowee yn cree eu boggey, as y boggey eu cha gow dooinney erbee veue.

Noo Ean 16:24

Cha vel shiu foast er hirrey nhee erbee ayns yn ennym aym’s: shir‐jee, as yiow shiu, dy vod y boggey eu v’er ny yannoo magh.

Jannoo 20:19

Shirveish y Chiarn lesh dy chooilley injillid aigney, as lesh mooarane jeïr, as seaghyn haink my raad, liorish kialgyn [goanlyssagh] ny Hewnyn:

Jannoo 20:31

Bee‐jee er‐y‐fa shen er nyn arrey, as cooinee‐jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

Romanee 1:11

Son ta foddiaght orrym dy akin shiu, dy voddym gioot ennagh spyrrydoil y hirveish erriu, dy vod shiu ve er ny niartaghey;

Philippianee 1:8

Son Jee my eanish, cre cha jeean as ta mee goaill foddeeaght nyn yeï eu ooilley ayns meiyghys Yeesey Creest.

Philippianee 2:26

Son ghow eshyn foddiaght ny yeï eu ooilley, as v’eh lane dy hrimshey, er‐yn‐oyr dy row clashtyn eu dy row eh er ny ve ching.

1 Thessalonianee 2:17

Agh myr va shin, vraaraghyn, er nyn scarrey veue son tammylt, ayns persoon, cha nee ayns cree, va shin ny s’aggindee lesh yeearree jeean dy akin yn eddin eu.

2 Timothy 4:21

Jean dy chooilley hiyr dy heet roish y gheurey. Ta Eubulus cur bea as slaint hood, as Pudens, as Linus, as Claudia, as ooilley ny braaraghyn.

2 Timothy 4:9

Jean dy chooilley hiyr dy heet hym’s dy gerrit:

1 Ean 1:4

As ny reddyn shoh ta shin scrieu hiuish, dy vod yn boggey euish ve jeant magh.

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.

Ashlish 7:17

Son nee’n Eayn ta ayns mean y stoyl‐reeoil, faasaghey ad, as leeidee eh ad gys farraneyn dy ushtey bio: as nee Jee niee ersooyl dy chooilley yeïr veih nyn sooillyn.