2 Timothy 1:3 - Yn Conaant Noa 1810

³ Ta mee cur booise gys Jee, eh ta mee dy hirveish veih my henn‐ayraghyn lesh cooinsheanse ghlen, dy vel mee cooinaghtyn dy kinjagh ort ayns my phadjeryn oie as laa:

Yn Vible Casherick 1775 1819

³ Ta mee cur booise gys Jee, eh ta mee dy hirveish veih my henn-ayraghyn lesh cooinsheanse ghlen, dy vel mee cooinaghtyn dy kinjagh ort ayns my phadjeryn oie as laa:

2 Timothy 1:3 ပူးပေါင်းရင်းမြစ်များ

Noo Luke 2:37

As v’ee ny ben‐treoghe mysh kiare‐feed as kiare bleeaney dy eash, as v’ee dy kinjagh taaghey yn chiamble, shirveish Jee lesh trostey as padjeryn oie as laa.

Jannoo 22:3

Ta mish dy firrinagh my ghooinney ta my Hew, ruggyr ayns Tarsus, ard‐valley ayns Cilicia, agh va mee troggit ayns yn ard‐valley shoh, ec cassyn Ghamaliel, as ynsit lurg aght s’ynrick leigh nyn shenn‐ayryn, ayns graih jeean gys Jee, myr t’euish ooilley jiu.

Jannoo 23:1

As yeeagh Paul dy gyere er y choonceil, as dooyrt eh, Gheiney as vraaraghyn, Ta mee er n’ymmyrkey mee‐hene fenish Jee lesh cooinsheanse slane ynrick gys y laa t’ayn jiu.

Jannoo 24:14

Agh shoh ta mee goaill‐rish hood’s, lurg yn aght t’adsyn genmys shaghrynys veih’n chredjue, dy nee shen myr ta mish cur ooashley da Jee my ayraghyn, credjal dagh nhee ta scruit ayns y leigh as ny phadeyryn:

Jannoo 24:16

As er‐yn‐oyr shoh ta mee er my chliaghtey hene, dy reayll kinjagh cooinsheanse gyn loght gys Jee as gys deiney.

Jannoo 26:4

My ymmyrkey‐bea veih my aegid, va hoshiaght mastey my ashoon hene ec Jerusalem, ta fys ec ooilley ny Hewnyn er,

Jannoo 27:23

Son hass liorym’s noght ainle Yee, quoi s’lesh mee, as eh ta mee dy hirveish,

Romanee 9:1

Ta mee gra’n irriney ayns Creest, cha vel mee jannoo breg, my chooinsheanse myrgeddin gymmyrkey feanish lhiam ayns y Spyrryd Noo.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

Galatianee 1:14

As ayns credjue ny Hewnyn va mee ynsit erskyn ymmodee my choasanyn ayns my ashoon hene, shassoo jeean son cliaghtaghyn m’ayraghyn.

Ephesianee 1:16

Cha vel mee scuirr dy chur booise er nyn son, jannoo imraa j’iu ayns my phadjeryn;

1 Thessalonianee 3:10

Oie as laa goaill padjer erskyn towse jeean dy akin yn eddin eu, as dy yannoo magh shen ny ta dy laccal ayns nyn gredjue?

1 Timothy 1:19

Freaylley credjue, as cooinsheanse vie: liorish scarrey roo shoh ta paart dy bollagh er stroie nyn gredjue.

1 Timothy 1:5

Nish ta graih lhieeney yn anney, ayns cree glen, as cooinsheanse vie, as credjue firrinagh:

1 Timothy 5:5

Nish t’ee shen ta dy jarroo ny ben‐treoghe, as treigit, treishteil ayns Jee, as tannaghtyn ayns aghinyn as padjeryn oie as laa.

2 Timothy 1:5

Tra ta mee tayrn gys cooinaghtyn yn credjue ynrick t’aynyd’s, va hoshiaght ayns dty warree Lois, as dty voir Eunice; as ta mee dy shickyr credjal dy ve aynyd’s myrgeddin.

2 Timothy 3:15

As neayr’s v’ou dty lhiannoo dy vel oo er ve ynsit ayns ny scriptyryn casherick, oddys oo y yannoo creeney gys saualtys, trooid credjue ayns Creest Yeesey.

Hebrewnee 13:8

Yeesey Creest yn er cheddin jea, as jiu, as son dy bragh.