2 Timothy 1:13 - Yn Conaant Noa 1810

¹³ Cumm shickyr bun ny goan slayntoil, t’ou er chlashtyn voym’s, ayns credjue as graih ta ayns Creest Yeesey.

Yn Vible Casherick 1775 1819

¹³ Cum shickyr bun ny goan slayntoil, t’ou er chlashtyn voym’s, ayns credjue as graih ta ayns Creest Yeesey.

2 Timothy 1:13 ပူးပေါင်းရင်းမြစ်များ

Romanee 2:20

Coyrleyder yn vooinjer vee‐hushtagh, fer‐ynsee oikanyn, ayd ta cummey jeh’n tushtey as y firrinys t’ayns y leigh.

Romanee 6:17

Agh booise dy row gys Jee, son wheesh as dy row shiu roïe sharvaantyn peccah; dy vel shiu nish er choyrt biallys veih’n chree da’n cummey dy ynsagh v’er ny livrey diu.

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

Philippianee 4:9

Ny reddyn shen ta shiu chammah er n’ynsaghey as er n’ghoaill roo, as er chlashtyn, as er vakin aynym’s, jean‐jee ad y chooilleeney: as bee Jee yn chee mêriu.

Colossianee 1:4

Er‐dyn traa cheayll shin jeh’n chredjue eu ayns Creest Yeesey, as jeh’n ghraih t’eu da ooilley ny nooghyn;

1 Thessalonianee 5:21

Prow‐jee dy chooilley nhee: cum‐jee shickyr shen ta mie.

1 Timothy 1:10

Cour maarderee, ny chour ocsyn ta cur rish peccah neu‐ghooghyssagh, ny chour ocsyn ta geid deiney, cour breageryn, cour persoonyn oaiagh, as my ta red erbee elley ta noi ynsagh follan,

1 Timothy 1:14

As va grayse nyn Jiarn erskyn towse orrym, lesh credjue, as graih ta ayns Creest Yeesey.

1 Timothy 6:3

My ta dooinney erbee gynsaghey er aght elley, as nagh vel eh geiyrt da goan slayntoil, dy jarroo goan nyn Jiarn Yeesey Creest, as da’n ynsagh ta cordail rish craueeaght;

2 Timothy 1:1

Paul ostyl Yeesey Creest liorish aigney Yee, cordail rish gialdyn y vea, ayns Creest Yeesey;

2 Timothy 1:14

Yn gioal mie shen v’er ny choyrt fo dty chiarail, freill liorish y Spyrryd Noo ta beaghey aynin.

2 Timothy 2:2

As ny reddyn t’ou er chlashtyn voym’s roish ymmodee feanishyn, cur uss ayns treishteil deiney firrinagh, vees fondagh dy ynsaghey feallagh elley myrgeddin.

2 Timothy 3:14

Agh tannee uss ayns ny reddyn t’ou er n’ynsaghey, as er chredjal dy shickyr, toiggal quoi veih t’ou er n’ynsaghey ad;

2 Timothy 4:3

Son hig y traa nagh nuillee ad ynsagh slayntoil; agh lesh cleayshyn miandagh, lurg nyn yeearreeyn hene, tayrnee ad huc hene ymmodee fir‐ynsee:

Titus 1:9

Cummal shickyr yn goo firrinagh, myr te er ve ynsit da, dy vod eh ve abyl liorish ynsagh fondagh, chammah dy choyrlaghey as dy choyrt nyn dhost adsyn ta loayrt noi’n chredjue.

Titus 2:1

Agh loayr uss ny reddyn ta cordail rish ynsagh slayntoil:

Titus 2:8

Glare breeoil nagh vod ve loayrit n’oï; dy vod eshyn ta shassoo magh nearey ’ghoaill, gyn veg yn olk echey dy choyrt gys nyn lieh.

Hebrewnee 10:23

Lhig dooin cummal shickyr goaill rish nyn gredjue fegooish scughey; (son t’eshyn firrinagh ta er ghialdyn:)

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

Jude 1:3

Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.

Ashlish 2:25

Agh cum‐jee shickyr shen ny t’eu hannah, derrey hig‐ym.

Ashlish 3:11

Cur‐my‐ner, ta mee cheet dy tappee: cum shickyr ny t’ayd, son nagh gow dooinney erbee dty attey voïd.

Ashlish 3:3

Cooinee, er‐y‐fa shen, kys t’ou er gheddyn as er chlashtyn, as cum shickyr, as gow arrys. Mannagh bee oo er‐y‐fa shen er dty arrey, hig‐ym ort myr maarliagh, as cha bee fys ayd cre’n oor hig‐ym ort.