2 Thessalonianee 3:6 - Yn Conaant Noa 1810

⁶ Nish ta shin cur sarey diu, vraaraghyn, ayns ennym nyn Jiarn Yeesey Creest, dy jean shiu scarrey shiu hene voish dy chooilley vraar ta gymmyrkey eh hene dy mee‐reilltagh, as cha nee cordail rish yn ynsagh hooar eh voïnyn.

Yn Vible Casherick 1775 1819

⁶ Nish ta shin cur sarey diu, vraaraghyn, ayns ennym nyn Jiarn Yeesey Creest, dy jean shiu scarrey shiu hene voish dy chooilley vraar ta gymmyrkey eh-hene dy mee-reiltagh, as cha nee cordail rish yn ynsagh hooar eh voïnyn.

2 Thessalonianee 3:6 ပူးပေါင်းရင်းမြစ်များ

2 Thessalonianee 3:7

Son ta fys eu hene cre’n aght lhisagh shiu geiyrt orrin: son cha ren shin gymmyrkey shin hene dy mee‐reilltagh nyn mast’ eu,

Romanee 16:17

Nish ta mee guee erriu, vraaraghyn, gow‐jee tastey jeusyn ta kyndagh jeh anvea as scammyltyn, ta noi’n chredjue ta shiuish er n’ynsaghey; as chea‐jee voue.

1 Thessalonianee 5:14

Nish ta shin guee erriu, vraaraghyn, cur‐jee raaue dauesyn ta mee‐reiltagh, jean‐jee gerjaghey adsyn ta lhag‐chreeagh, ymmyrk‐jee lesh ny annooinee, bee‐jee surransagh rish dy chooilley ghooinney.

2 Thessalonianee 2:15

Shen‐y‐fa, vraaraghyn, shass‐jee shickyr, as cum‐jee gys ny oardaghyn ta shiu er n’ynsaghey, lhig eh ve liorish goan, ny’n screeuyn ain.

1 Thessalonianee 4:1

Ny‐sodjey na shoh, ta shin guee erriu, vraaraghyn, as coyrlaghey shiu liorish yn Chiarn Yeesey, ’naght myr ta shiu er n’ynsaghey voïnyn kys lhisagh shiu nyn mea y ymmyrkey, as Jee y wooiys, myr shen dy jinnagh shiu bishaghey ny smoo as ny smoo.

Colossianee 3:17

As cre‐erbee ta shiu gra ny jannoo, jean‐jee ooilley ayns ennym y Chiarn Yeesey, coyrt booise da Jee dy jarroo yn Ayr ny hrooidsyn.

2 Timothy 3:5

Goaill orroo caslys dy chraueeaght, agh jannoo noi’n phooar [vreeoil] echey: veih nyn lheid chyndaa ersooyl.

1 Thessalonianee 4:11

As dy jean shiu kiarail y ghoaill dy ve feagh, as dy yannoo nyn obbyr hene, as dy laboragh lesh ny laueyn hene (myr ta shin er harey shiu)

1 Corinthianee 11:2

Nish ta mee moylley shiu, vraaraghyn, dy vel shiu cooinaghtyn orrym ayns dy chooilley nhee, as freayll ny oardaghyn myr livrey mee ad diu.

Ephesianee 4:17

Shoh ta mee gra eisht, as gymmyrkey feanish er lieh yn Chiarn, nagh jean shiu veih shoh magh gimmeeaght myr ta’n chooid elley jeh ny Ashoonyn‐quaagh gimmeeaght ayns fardail nyn aignaghyn;

1 Corinthianee 5:4

[Ayns ennym nyn Jiarn Yeesey Creest, tra vees shiuish er nyn jaglym cooidjagh, as y spyrryd aym’s, lesh pooar nyn Jiarn Yeesey Creest,]

Noo Mian 18:17

As mannagh der eh geill dauesyn, insh eh da’n agglish: agh mannagh der eh geill da’n agglish, jeeagh er myr an‐chreestee as myr publican.

2 Timothy 4:1

Ta mee cur currym ort er‐y‐fa shen ayns fenish Yee, as y Chiarn Yeesey Creest, nee briwnys ny bio as ny merriu ec y cheet echey, as ec e reeriaght:

1 Timothy 6:5

Pleadeilyn camlâgagh deiney dy aignaghyn neu‐ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

2 Corinthianee 2:10

Dasyn ta shiuish leih nhee erbee, ta mish leih myrgeddin: son my leih mee red erbee, dasyn ren mish y leih eh, ve er y ghraih euish ayns lieh Chreest;

1 Timothy 5:21

Ta mee cur currym ort fenish Yee, as y Chiarn Yeesey Creest, as ny ainleyn reiht, dy der oo tastey da ny reddyn shoh fegooish soiaghey jeh persoon erskyn persoon elley, jannoo dy chooilley nhee lesh kiartys.

1 Corinthianee 5:9

Hug mee screeuyn hiu, dyn dy reayll sheshaght rish maarderee.

2 Ean 1:10

My hig fer erbee hiu, as nagh vel cur lesh mârish yn ynsagh shoh, ny cur‐jee room thie da, chamoo bannee‐jee da.