2 Thessalonianee 2:8 - Yn Conaant Noa 1810

⁸ As eisht vees y fer peccoil shen er ny hoilshaghey, eh nee’n Chiarn y choyrt mow liorish ennal e veeal, as stroie lesh soilshey gloyroil y cheet echey:

Yn Vible Casherick 1775 1819

⁸ As eisht vees y fer peccoil shen er ny hoilshaghey, eh nee’n Chiarn y choyrt mow liorish ennal e veeal, as stroie lesh soilshey gloyroil y cheet echey:

2 Thessalonianee 2:8 ပူးပေါင်းရင်းမြစ်များ

Noo Mian 13:19

Quoi‐erbee ta clashtyn goo yn reeriaght, as nagh vel dy hoiggal eh, ta’n drogh‐er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Noo Mian 13:38

Yn magher yn seihll: yn rass mie cloan y reeriaght: agh y coggyl cloan y drogh‐er:

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 16:28

Dy firrinagh ta mee gra, riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

1 Corinthianee 1:28

As reddyn fardalagh y theihll, as reddyn nagh vel soiagh jeant jeu, ta Jee er reih, as reddyn nagh vel, dy chur mow ny reddyn t’ayn:

2 Thessalonianee 2:3

Ny lhig da dooinney erbee liorish saaseyn erbee shiu y volley: son cha jig y laa shen mannagh jig hoshiaght tuittym ersooyl [veih’n chredjue], as dy bee’n dooinney shen dy pheccah er ny hoilshaghey, yn mac dy hoyrt‐mow;

1 Timothy 6:14

Dy vreill oo yn sarey shoh slane, gyn‐foill, derrey cheet nyn Jiarn Yeesey Creest:

2 Timothy 1:10

Agh ta nish er ny hoilshaghey liorish cheet nyn Saualtagh Yeesey Creest, ta er stroie yn baase, as er choyrt lesh bea as bioys son dy bragh gys soilshey, liorish y sushtal:

2 Timothy 4:1

Ta mee cur currym ort er‐y‐fa shen ayns fenish Yee, as y Chiarn Yeesey Creest, nee briwnys ny bio as ny merriu ec y cheet echey, as ec e reeriaght:

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Hebrewnee 10:27

Agh farkiaght agglagh son briwnys, as jymmoose aileagh, nee adsyn y stroie ta shassoo magh.

1 Ean 2:13

Ta mee scrieu hiuish, ayraghyn, er‐y‐fa dy vel enney eu ersyn ta er‐dyn toshiaght. Ta mee scrieu hiu, gheiney aegey, er‐yn‐oyr dy dooar shiu yn varriaght er y drogh‐er. Ta mee scrieu hiu, chloan veggey, er‐yn‐oyr dy vel enney er ve eu er yn Ayr.

1 Ean 3:12

Cha nee myr va Cain, va jeh’n drogh‐er shen, as varr e vraar: As cre’n‐fa varr eh eh? Er‐yn‐oyr dy row ny obbraghyn echey hene olk, as obbraghyn e vraarey cairagh.

1 Ean 5:18

Ta fys ain quoi‐erbee ta ruggit jeh Jee, nagh vel eh cur rish peccah; agh eshyn ta er ny ghientyn jeh Jee, t’eh freayll arrey er hene, as cha vel yn drogh‐er bentyn rish.

Ashlish 1:16

As va echey ayns e laue yesh shiaght rollageyn: as magh ass e veeal haink cliwe geyre lesh daa foyr: as va e eddin myr y ghrian tra t’eh soilshean ayns e niart.

Ashlish 13:5

As va beeal er ny choyrt da, loayrt reddyn mooaralagh as mollaghtagh; as va pooar echey dy hannaghtyn daa vee as da‐eed.

Ashlish 19:15

As magh ass e veeal ta goll cliwe gyere dy woalley ny ashoonyn lesh: as nee eh reill ad lesh lorg yiarn: as t’eh stampey press‐feeyney jeh dewilys as jymmoose Yee ooilley‐niartal.

Ashlish 2:16

Gow arrys; er‐nonney hig‐ym hood dy tappee; as nee’m caggey nyn ’oï oc lesh cliwe my veeal.

Ashlish 20:10

As va’n jouyl ren ad y volley, er ny hilgey ayns y logh dy aile as brimstone, raad ta’n veisht as y phadeyr foalsey, as bee ad er nyn dorchaghey oie as laa son dy bragh as dy bragh.