2 Thessalonianee 2:3 - Yn Conaant Noa 1810

³ Ny lhig da dooinney erbee liorish saaseyn erbee shiu y volley: son cha jig y laa shen mannagh jig hoshiaght tuittym ersooyl [veih’n chredjue], as dy bee’n dooinney shen dy pheccah er ny hoilshaghey, yn mac dy hoyrt‐mow;

Yn Vible Casherick 1775 1819

³ Ny lhig da dooinney erbee liorish saaseyn erbee shiu y volley: son cha jig y laa shen mannagh jig hoshiaght tuittym ersooyl [veih’n chredjue], as dy bee’n dooinney shen dy pheccah er ny hoilshaghey, yn mac dy hoyrt-mow;

2 Thessalonianee 2:3 ပူးပေါင်းရင်းမြစ်များ

Noo Ean 17:12

Choud as va mee mâroo ayns y theihll, dreill mee ad ayns dty ennym’s: adsyn hug oo dou dreill mee, as cha vel unnane oc caillit, mannagh vel mac y toyrt‐mow: dy voddagh yn scriptyr ve cooilleenit.

1 Corinthianee 6:9

Nagh vel fys eu nagh vow ny mee‐chrauee eiraght ayns reeriaght Yee? Ny bee‐jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey‐poosey, ny ny soailtee, ny adsyn ta cur rish peccah noi dooghys,

Ephesianee 5:6

Ny lhig da dooinney erbee shiu y volley lesh goan fardalagh: son kyndagh rish ny reddyn shoh ta corree Yee cheet er cloan y vee‐viallys.

1 Ean 2:18

Chloan veggey, shoh’n traa s’jerree: as myr ta shiu er chlashtyn dy jig yn an‐chreestee, dy jarroo nish ta ymmodee an‐chreesteenyn ayn; liorish shoh ta fys ain dy nee shoh’n traa s’jerree.

1 Ean 4:3

As dy chooilley spyrryd nagh vel goaill‐rish dy vel Yeesey Creest er jeet ayns yn eill, cha vel eh jeh Jee: as shoh spyrryd yn an‐chreestee shen, my‐e‐chione ta shiu er chlashtyn, dy row eh ry hoi cheet, as dy jarroo nish hene t’eh hannah ’sy theihll.

Ashlish 17:11

As y veisht va, as nagh vel, t’eh shoh dy jarroo yn hoghtoo, as t’eh jeh’n chiaght, as goll dys toyrt‐mow.

Ashlish 17:8

Yn veisht honnick oo, ta, as cha vel eh; as hed eh seose ass y diunid gyn‐grunt, as hed eh gys toyrt mow: as gowee cummaltee’n thallooin yindys (ny enmyn oc nagh row scruit ayns lioar y vea er‐dy hoshiaght y theihll) tra ver ad my‐ner yn veisht va, as nagh vel, as foast ta.