2 Thessalonianee 1:9 - Yn Conaant Noa 1810

⁹ Vees er nyn gerraghey lesh toyrt‐mow dy bragh farraghtyn veih fenish y Chiarn, as veih gloyr e phooar.

Yn Vible Casherick 1775 1819

⁹ Vees er nyn gerraghey lesh toyrt-mow dy bragh farraghtyn veih fenish y Chiarn, as veih gloyr e phooar.

2 Thessalonianee 1:9 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 22:13

Eisht dooyrt y ree rish ny sharvaantyn, Kiangle‐jee eh laue as cass, as gow‐jee eh ersooyl, as tilg‐jee eh ayns y dorraghys sodjey‐mooie: shen‐y‐raad vees keayney as snaggeraght feeacklyn.

Noo Mian 24:30

As eisht bee cowrey Mac y dooinney er ny akin ayns yn aer: as ec y traa shen nee ooilley sheelogheyn y thallooin dobberan, as hee ad yn Mac dooinney cheet ayns bodjallyn yn aer, lesh pooar as gloyr vooar.

Noo Mian 25:41

Eisht jir eh roosyn myrgeddin er y laue chiare, Immee‐jee voym, chloan churstey gys yn aile dy bragh farraghtyn, kiarit son y drogh‐spyrryd as e ainleyn.

Noo Mian 25:46

As hed ad shoh ersooyl gys y kerraghey dy bragh farraghtyn: agh y chloan chairagh gys y vea veayn.

Noo Mian 26:24

Ta Mac y dooinney goll, myr te scruit jeh: agh smerg da’n dooinney shen liorish vees Mac y dooinney er ny vrah: s’mie veagh eh son y dooinney shen mannagh row eh rieau er jeet er y theihll.

Noo Mian 7:23

As eisht neem’s fockley‐magh orroo, Cha row aym rieau ainjys erbee erriu: reu‐jee voym, O shiuish ghrogh‐yantee.

Noo Luke 13:27

Agh jir eshyn, Ta mee ginsh diu, nagh nione dou shiu, cre veih ta shiu: ersooyl‐jee voym ooilley shiuish grogh‐yantee.

Noo Ean 5:14

Ny lurg shen hooar Yeesey eh ayns y chiamble, as dooyrt eh rish, Cur‐my‐ner, t’ou er dty laanaghey: ny jean peccah ny smoo, er‐aggle dy jig red smessey ort.

Philippianee 3:19

Ta’n jerrey oc toyrt‐mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)

1 Thessalonianee 5:3

Son tra jir ad, Shee as sauchys; eisht hig toyrt‐mow orroo doaltattym, myr ta pian cheet er ben tra t’ee er‐troailt; as cha jean ad scapail.

2 Thessalonianee 2:8

As eisht vees y fer peccoil shen er ny hoilshaghey, eh nee’n Chiarn y choyrt mow liorish ennal e veeal, as stroie lesh soilshey gloyroil y cheet echey:

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Hebrewnee 10:29

Cre’n kerraghey foddey s’trimmey, ta shiuish smooinaghtyn, t’eshyn dy hoilchin, t’er stampey fo chosh Mac Yee, as ta er choontey fuill yn chonaant liorish v’eh er ny chasherickey, ny red neu chasherick, as er hassoo magh dy olkyssagh noi’n Spyrryd dy ghrayse?

2 Peddyr 2:17

T’ad shoh chibbraghyn fegooish ushtey, bodjallyn eebrit lesh doirrin, nyn gour ta’n chay dy ghorraghys freilt er son dy bragh.

2 Peddyr 3:7

Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry‐hoi laa ny briwnys, as toyrt‐mow deiney mee‐chrauee.

Jude 1:13

Tonnyn freaynagh yn aarkey, keshal magh yn nearey oc hene; rollageyn rouail, daue ta kiarit yn dooid dy ghorraghys son dy bragh.

Ashlish 20:11

As honnick mee stoyl‐reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry‐gheddyn er nyn son.

Ashlish 20:14

As va’n baase as yn oaie er nyn dilgey ayns y loght dy aile: Shoh’n nah vaase.

Ashlish 21:8

Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu‐mooie ta moddee, as fir‐obbee, as maarderee, as dunveryn, as adsyn ta cur ooashley da jalloonyn, as quoi erbee shynney lesh as ta jannoo breg.