2 Thessalonianee 1:7 - Yn Conaant Noa 1810

⁷ As diuish ta seaghnit, fea mârin, traa vees y Chiarn Yeesey er ny hoilshaghey veih niau marish e ainleyn niartal.

Yn Vible Casherick 1775 1819

⁷ As diuish ta seaghnit, fea mârin, tra vees y Chiarn Yeesey er ny hoilshaghey veih niau marish e ainleyn niartal.

2 Thessalonianee 1:7 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 16:28

Dy firrinagh ta mee gra, riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

Noo Mian 25:31

Tra hig Mac y dooinney ayns e ghloyr, as ooilley e ainleyn casherick mârish shen y traa hoie‐ys eh er stoyl‐reeoil e ghloyr.

Noo Mian 25:41

Eisht jir eh roosyn myrgeddin er y laue chiare, Immee‐jee voym, chloan churstey gys yn aile dy bragh farraghtyn, kiarit son y drogh‐spyrryd as e ainleyn.

Noo Mian 26:64

Dooyrt Yeesey rish, T’ou uss er ghra eh: ny‐yeih ta mish gra riu, Ny lurg shoh hee shiu Mac y dooinney ny hoie er laue‐yesh yn phooar, as cheet ayns bodjallyn yn aer.

Noo Mark 14:62

As dooyrt Yeesey, She shen mee: as hee shiuish Mac y dooinney ny hoie er laue yesh y phooar, as cheet ayns bodjallyn yn aer.

Noo Mark 8:38

Quoi‐erbee er‐y‐fa shen ghoys nearey roym’s, as roish my ghoan, ayns y cheeloghe foalsey as peccoil shoh, roishyn myrgeddin ghoys Mac y dooinney nearey, tra hig eh ayns gloyr e Ayrey, as ny ainleyn casherick mârish.

Noo Luke 16:25

Agh dooyrt Abraham, Vac, cooinee uss ayns earish dty vea dy row ayd’s dy chooilley nhee mie, as myrgeddin ec Lazarus cha row monney agh seaghyn: agh nish t’eshyn er ny gherjaghey, as t’ou uss er dty horchaghey.

Noo Luke 17:30

Eer er yn aght cheddin vees eh er y laa vees yn Mac dooinney er ny hoilshaghey.

Noo Ean 1:3

Liorishyn va dy chooilley nhee er ny yannoo; as n’egooish cha row nhee erbee jeant va er ny yannoo;

Noo Ean 1:51

As dooyrt eh rish, Dy firrinagh firrinagh ta mee gra riu, Ny lurg shoh hee shiu niau foshlit, as ainleyn Yee gooll seose as cheet neose er Mac y dooinney.

Jannoo 1:11

Dooyrt myrgeddin, Gheiney Ghalilee, cre’n‐fa ta shiuish nyn shassoo blakey seose syn aer? nee Yeesey shoh t’er ny ghoaill veue gys niau, cheet reesht er yn aght cheddin ta shiu er n’akin eh goll seose gys niau.

Jannoo 3:19

Gow‐jee arrys er‐y‐fa shen, as chyndaa‐jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Romanee 8:17

As my she cloan shin, eisht eiraghyn; eiraghyn dy Yee, as co‐eiraghyn marish Creest: my she shen dy vel shin surranse mârishyn, dy vod mayd myrgeddin ve cooidjagh er nyn ghloyraghey.

1 Corinthianee 3:13

Bee obbyr dy chooilley ghooinney er ny hoilshaghey: son ver yn laa lesh eh gys soilshey, er‐yn‐oyr dy bee eh er ny hoilshaghey liorish aile; as nee’n aile obbyr dy chooilley ghooinney y hrial, cre’n sorch te jeh.

2 Corinthianee 4:17

Son ta’n seaghyn eddrym ain, nagh vel agh son shallid, gobbraghey nyn gour towse erskyn earroo foddey smoo as dy bragh farraghtyn dy ghloyr;

Ephesianee 1:2

Grayse dy row hiu, as shee veih Jee nyn Ayr, as veih’n Chiarn Yeesey Creest.

Colossianee 1:16

Son liorishyn va dy chooilley nhee er nyn groo t’ayns niau, as er y thalloo, ayns fakin as gyn fakin, edyr ad y ve stuill‐reeoil, ny chiarnyssyn, ny rheamyn, ny pooaraghyn: va dy chooilley nee er nyn groo liorishyn, as er e hon:

1 Thessalonianee 3:13

Gys y jerrey dy vod eh niartaghey ny creeaghyn eu gyn‐loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

2 Timothy 2:12

My ta shin surranse, nee mayd myrgeddin reill mârish: my ta shin dy obbal eh, nee eshyn myrgeddin shinyn y obbal.

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Hebrewnee 10:27

Agh farkiaght agglagh son briwnys, as jymmoose aileagh, nee adsyn y stroie ta shassoo magh.

Hebrewnee 12:29

Son ta’n Jee ainyn myr aile ta coyrt mow.

Hebrewnee 4:1

Lhig dooin er‐y‐fa shen aggle y ghoaill, erreish da gialdyn ve faagit dooin dy gholl stiagh ’syn ea echey, dy darragh veg jiu giare jeh.

Hebrewnee 4:11

Lhig dooinyn er‐y‐fa shen streeu dy gholl stiagh ayns y fea shen er‐aggle dy duitt dooinney erbee lurg y sampleyr cheddin dy vee‐viallys.

Hebrewnee 4:9

Ta laa dy ea er‐y‐fa shen cour pobble Yee.

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.

2 Peddyr 3:7

Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry‐hoi laa ny briwnys, as toyrt‐mow deiney mee‐chrauee.

Jude 1:7

Dy jarroo myr ta Sodom as Gomorrha as ny ard‐valjyn mygeayrt y moo, ren er yn aght cheddin ad hene y choyrt seose gys maarderys, as geiyrt er feill neu‐ghooghyssagh, er nyn soiaghey magh son sampleyr, surranse kerraghey dowil yn aile dy bragh farraghtyn.

Ashlish 1:7

Cur‐my‐ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Ashlish 14:10

Nee’n fer cheddin giu jeh feeyn corree Yee, er ny lhieeney da gyn meenaghey dy vyghin, ayns cappan e yymmoose; as bee eh er ny horchaghey lesh aile as brimstone, kionfenish ny ainleyn casherick, as kiongoyrt rish yn Eayn:

Ashlish 14:13

As cheayll mee coraa veih niau, gra rhym, Scrieu, Veih shoh magh, bannit ta ny merriu ta geddyn baase ayns y Chiarn: Dy jarroo myr shen ta’n Spyrryd dy ghra, son t’ad ec fea veih nyn seaghyn; as ta nyn obbraghyn geiyrt daue.

Ashlish 20:11

As honnick mee stoyl‐reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry‐gheddyn er nyn son.

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.

Ashlish 22:16

Ta mish Yeesey er choyrt my ainle dy ve feanish diu jeh ny reddyn shoh ayns ny kialteenyn. Mish fraue as sluight Ghavid, as rollage sollys y voghrey.

Ashlish 22:6

As dooyrt eh rhym, Ta ny raaghyn shoh firrinagh as ynrick. As ta’n Chiarn Jee jeh ny phadeyryn casherick er choyrt e ainle dy hoilshaghey da e harvaantyn ny reddyn shegin dy gerrit ve’r nyn gooilleeney.

Ashlish 22:9

Eisht dooyrt eh rhym, Jeeagh nagh jean oo: son ta mish dty heshey‐harvaant, as jeh dty vraaraghyn ny phadeyryn, as jeusyn ta freayll raaghyn y lioar shoh: cur ooashley da Jee.

Ashlish 6:11

As va coamraghyn gial er ny choyrt da dagh unnane oc, as ve er ny ghra roo, dy row ad dy ghoaill fea foast son tammylt derrey veagh traa nyn sheshaghyn‐sharvaant myrgeddin, as nyn mraaraghyn va dy hurranse baase myr ren adsyn, cooilleenit.