2 Peddyr 3:17 - Yn Conaant Noa 1810

¹⁷ Fakin er‐y‐fa shen, chaarjyn, dy vel fys eu er ny reddyn shoh ro‐laue, cur‐jee twoaie nagh jean shiuish myrgeddin, cleaynit lesh shaghrynys ny mee‐chrauee, tuittym ersooyl veih’n shickyrys eu ’sy chredjue.

Yn Vible Casherick 1775 1819

¹⁷ Fakin er-y-fa shen, chaarjyn, dy vel fys eu er ny reddyn shoh ro-laue, cur-jee twoaie nagh jean shiuish myrgeddin, cleaynit lesh shaghrynys ny mee-chrauee, tuittym ersooyl veih’n shickyrys eu ’sy chredjue.

2 Peddyr 3:17 ပူးပေါင်းရင်းမြစ်များ

Noo Mian 16:11

Kys te nagh vel shiu goaill eu hene, nagh nee er arran va mee cheet, agh shiu dy ghoaill twoaie jeh soorid ny Phariseeyn as ny Sadduceeyn?

Noo Mian 16:6

Eisht dooyrt Yeesey roo, Gow‐jee twoaie, as bee‐jee er nyn arrey noi soorid ny Phariseeyn as ny Sadduceeyn.

Noo Mian 7:15

Bee‐jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu‐sthie t’ad nyn moddee‐oaldey jollyssagh.

Noo Ean 16:4

Agh ny reddyn shoh ta mish er n’insh diu, tra hig yn earish, dy vod shiu cooinaghtyn dy dinsh mee diu jeu. As ny goan shoh cha loayr mee riu ec y toshiaght, er‐y‐fa dy row mee mêriu.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Romanee 16:18

Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t’ad molley creeaghyn yn vooinjer ôney.

1 Corinthianee 10:12

Shen‐y‐fa lhig dasyn ta smooinaghtyn dy vel eh ny hassoo, kiarail y ghoaill nagh duitt eh.

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

2 Corinthianee 11:3

Agh ta aggle orrym, myr ren yn ard‐nieu Aue y volley liorish e chialgyn, myr shen dy beagh ny aignaghyn cuish liorish saaseyn erbee er nyn gleaynaghey veih’n ônid shen t’ayns Creest.

Galatianee 5:4

Cha vel Creest jeh veg y foays diu, quoi‐erbee eu ta jerkal dy v’er ny heyrey liorish y leigh; ta shiu er duittym veih grayse.

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

Philippianee 3:2

Cur‐jee twoaie jeh moddee, cur‐jee twoaie jeh drogh‐yantee, cur‐jee twoaie jeh’n cowrey‐foalley.

Colossianee 2:5

Son ga dy vel mee veue ’syn eill, ny‐yeih ta mee mêriu ayns y spyrryd, goaill boggey as cur‐my‐ner nyn stayd, as shickyrys nyn gredjue ayns Creest.

Colossianee 2:8

Bee‐jee er nyn dwoaie nagh gow dooinney erbee vondeish erriu trooid ynsagh foalsey as molteyraght, lurg cliaghtaghyn deiney, lurg ynsagh annoon y theill, as cha nee lurg Creest:

2 Timothy 4:15

Jehsyn bee uss er dty hwoaie, son t’eh dy roonagh er hassoo noi ny goan ain.

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

1 Peddyr 5:9

N’oï shass‐jee dy shickyr ayns y chredjue; myr ta toiggal eu dy vel ny seaghyn cheddin er ny ymmyrkey liorish ny braaraghyn eu t’ayns y theihll.

2 Peddyr 2:7

As livrey eh Lot yn dooinney cairagh, seaghnit lesh ymmyrkey‐bea feohdagh ny mee‐chrauee:

2 Peddyr 3:1

Yn nah screeuyn shoh, chaarjyn graihagh, ta mee nish scrieu hiuish; ayndoo ny neesht ta mee greinnaghey ny aignaghyn ynrick eu gys cooinaghtyn:

Ashlish 2:5

Cooinee er‐y‐fa shen cre voish t’ou er duittym, as gow arrys, as jean dty chied obbraghyn; er‐nonney higym hood dy tappee, as scugh‐ym dty chainleyr ass e ynnyd, mannagh gow arrys.