2 Peddyr 3:15 - Yn Conaant Noa 1810

¹⁵ As smooinee‐jee dy vel surranse‐foddey nyn Jiarn saualtys; dy jarroo myr ta nyn mraar graihagh Paul myrgeddin, cordail rish y chreenaght er ny choyrt da, er scrieu hiu;

Yn Vible Casherick 1775 1819

¹⁵ As smooinee-jee dy vel surranse-foddey nyn Jiarn saualtys; dy jarroo myr ta nyn mraar graihagh Paul myrgeddin, cordail rish y chreenaght er ny choyrt da, er scrieu hiu;

2 Peddyr 3:15 ပူးပေါင်းရင်းမြစ်များ

Noo Luke 21:15

Son ver‐yms diu beeal as creenaght, nagh bee ooilley nyn noidyn son loayrt ny shassoo magh n’oï.

Jannoo 15:25

Ta shinyn (lesh un aigney er nyn jaglym cooidjagh) er vakin eh mie, dy chur deiney reiht hiuish, marish nyn mraaraghyn graihagh Barnabas as Paul;

Jannoo 7:10

As livrey eh eh veih ooilley e heaghyn, as hug eh da foayr as creenaght ayns shilley Pharoah ree Egypt; as ren eh eh ny chiannoort er Egypt, as ooilley e hie.

Jannoo 9:17

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.

Romanee 2:4

Ny vel oo soiaghey beg jeh berchys e vieys, as e veenid, as surranse‐foddey, gyn toiggal dy vel mieys Yee dy dty leeideil gys arrys?

1 Corinthianee 12:8

Son da fer ta er ny choyrt liorish y Spyrryd, yn goo dy chreenaght; da fer elley yn goo dy hushtey liorish y Spyrryd cheddin;

1 Corinthianee 2:13

Ny reddyn cheddin ta shinyn neesht soilshaghey, cha nee ayns ny goan ta creenaght dooinney dy ynsaghey, agh shen ny ta’n Spyrryd Noo dy choyrt roïn; soylaghey reddyn spyrrydoil rish reddyn spyrrydoil.

1 Corinthianee 3:10

Cordail rish grayse Yee t’er ny choyrt dooys, myr ard‐vasoonagh creeney, ta mee er hoiaghey yn undin, as ta fer elley troggal er. Agh lhig da dy chooilley ghooinney kiarail y ghoaill kys t’eh troggal er.

Ephesianee 3:3

Kys liorish ashlish ren eh soilshaghey dooys yn folliaght (myr scrieu mee roïe ayns focklyn giarey.

1 Timothy 1:16

Ny‐yeih, er‐yn‐oyr shoh hooar mee myghin, ayn‐yms dy voddagh Yeesey Creest hoshiaght soilshaghey magh dy chooilley hurranse‐foddey, son sampleyr dauesyn yinnagh ny lurg shoh credjal aynsyn gys bea dy bragh farraghtyn.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

1 Peddyr 3:20

Va roish nish mee‐viallagh, tra ren surranse‐foddey Yee farkiagh ayns laghyn Noah, choud as va’n arg dy hroggal; ayn‐jee va beggan‐beg, ta shen, hoght anmeenyn, er nyn sauail liorish ushtey.

2 Peddyr 3:2

Dy vod shiu freayll ayns nyn aigney ny goan v’er nyn loayrt roish nish liorish ny phadeyryn casherick, as yn oardagh ainyn ostyllyn y Chiarn as Saultagh:

2 Peddyr 3:9

Cha vel y Chiarn moal mychione e ghialdynys, (myr ta paart dy gheiney coontey meillid) agh jeh surranse‐foddey dooinyn, neu‐wooaiagh dy jinnagh unnane erbee cherraghtyn, agh dy darragh ooilley gys arrys.