2 Peddyr 3:14 - Yn Conaant Noa 1810

¹⁴ Shen‐y‐fa, chaarjyn, fakin dy vel shiu jerkal rish lheid ny reddyn, bee‐jee imneagh dy bee shiu er nyn gheddyn liorishyn ayns shee, fegooish foill, as gyn loght.

Yn Vible Casherick 1775 1819

¹⁴ Shen-y-fa, chaarjyn, fakin dy vel shiu jerkal rish lheid ny reddyn, bee-jee imneagh dy bee shiu er nyn gheddyn liorishyn ayns shee, fegooish foill, as gyn loght.

2 Peddyr 3:14 ပူးပေါင်းရင်းမြစ်များ

Noo Mian 24:26

Shen‐y‐fa my jir ad riu, T’eh ayns yn aasagh, ny gow‐jee magh: cur‐my‐ner, t’eh ayns ny shamyryn follit, ny cred‐jee eh.

Noo Mian 25:7

Eisht dirree ooilley ny moidynyn shen, as hooar ad aarloo nyn lampyn.

Noo Luke 12:43

’Smaynrey yn charvaant cheddin, yiow e hiarn tra hig eh jannoo myr shen.

Noo Luke 2:29

Hiarn nish t’ou cur kied da dty harvaant paartail ayns shee, cordail rish dty ghoo.

1 Corinthianee 1:8

Nee myrgeddin shiuish y niartaghey gys y jerrey, dy vod shiu ve gyn loght ayns laa nyn Jiarn Creest.

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

Philippianee 1:10

Dy vod shiu lowal jeh ny reddyn smoo ooasle, dy vod shiu ve ynrick, as shickyr gys laa Creest;

Philippianee 2:15

Dy vod shiu ve gyn loght as ôney, cloan dy Yee, fegooish oghsan ayns mean sheeloghe camlaagagh as roonagh, ny vud oc ta shiu lossey myr soilshaghyn ’sy theihll:

Philippianee 3:20

Son ta cairys cummaltee ain ayns niau, veih ta shin myrgeddin jeaghyn son yn Saualtagh, yn Chiarn Yeesey Creest:

1 Thessalonianee 3:13

Gys y jerrey dy vod eh niartaghey ny creeaghyn eu gyn‐loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

1 Thessalonianee 5:23

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest.

1 Timothy 6:14

Dy vreill oo yn sarey shoh slane, gyn‐foill, derrey cheet nyn Jiarn Yeesey Creest:

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane‐treoghe ayns nyn seaghyn, as dy reayll eh hene glen veih broïd y theihll.

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

2 Peddyr 3:1

Yn nah screeuyn shoh, chaarjyn graihagh, ta mee nish scrieu hiuish; ayndoo ny neesht ta mee greinnaghey ny aignaghyn ynrick eu gys cooinaghtyn:

2 Peddyr 3:16

Myr t’eh myrgeddin ayns ooilley ny screeunyn echey, loayrt ayndoo jeh ny reddyn shoh: nyn mast’ oc ta paart jeu doillee dy ve er nyn doiggal, t’adsyn ta mee‐hushtagh as lhag‐chredjuagh cassey, myr t’ad myrgeddin ny scriptyryn elley, gys y toyrt‐mow oc hene.

1 Ean 3:3

As ta dy chooilley ghooinney ta’n treishteil shoh echey ayn hene, glenney eh hene, dy jarroo myr t’eshyn glen.