2 Peddyr 2:21 - Yn Conaant Noa 1810

²¹ Son ny baare veagh eh daue gyn tushtey er ve oc jeh raad yn ynrickys, na lurg daue v’er doiggal eh, dy hyndaa veih yn anney casherick hie er livrey daue.

Yn Vible Casherick 1775 1819

²¹ Son ny bare veagh eh daue gyn tushtey er ve oc jeh raad yn ynrickys, na lurg daue v’er doiggal eh, dy hyndaa veih yn anney casherick hie er livrey daue.

2 Peddyr 2:21 ပူးပေါင်းရင်းမြစ်များ

Noo Mian 21:32

Son haink Ean hiuish ayns raad y chairys, as cha chred shiu eh: agh chred ny publicanee as ny drogh‐vraane eh. As ga dy vaik shiu shoh, cha ghow shiu arrys ny lurg shen, dy chredjal ayn.

Noo Luke 12:47

As y charvaant shen va toiggal aigney e hiarn, as nagh dooar eh hene aarloo, as nagh ren cordail rish e aigney, s’mooar vees y kerraghey echey.

Noo Ean 15:22

Mannagh beign’s er jeet as er loayrt roo, cha beagh peccah er ve oc: agh nish cha vel leshtal oc son nyn beccah.

Noo Ean 9:41

Dooyrt Yeesey roo, Dy beagh shiu doal, cha beagh peccah eu: agh nish ta shiu gra, Ta shin fakin; shen‐y‐fa ta nyn beccah tannaghtyn erriu.

Romanee 7:12

Myr shen ta’n leigh casherick; as ta’n anney casherick, as cairagh, as mie.

Galatianee 6:2

Ymmyrk‐jee erraghyn y cheilley, as myr shoh lhieen‐jee yn leigh.

1 Thessalonianee 4:2

Son ta fys eu cre ny saraghyn hug shin diu liorish y Chiarn Yeesey.

1 Timothy 6:14

Dy vreill oo yn sarey shoh slane, gyn‐foill, derrey cheet nyn Jiarn Yeesey Creest:

Hebrewnee 10:26

Son my nee mayd peccah jeh nyn yoïn, lurg dooin v’er gheddyn toiggal jeh’n irriney, cha vel nyn gour oural arragh son peccaghyn,

Jamys 4:17

Shen‐y‐fa eshyn ta fys echey dy yannoo mie, as nagh vel dy yannoo eh, dasyn te peccah.

2 Peddyr 3:2

Dy vod shiu freayll ayns nyn aigney ny goan v’er nyn loayrt roish nish liorish ny phadeyryn casherick, as yn oardagh ainyn ostyllyn y Chiarn as Saultagh:

Jude 1:3

Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.