2 Peddyr 2:2 - Yn Conaant Noa 1810

² As eiyree ymmoodee da ny raaidyn mollaghtagh oc, kyndagh roosyn bee raad yn irriney er ny oltooaney.

Yn Vible Casherick 1775 1819

² As eiyree ymmodee da ny raaidyn mollaghtagh oc, kyndagh roosyn bee raad yn irriney er ny oltooaney.

2 Peddyr 2:2 ပူးပေါင်းရင်းမြစ်များ

Noo Mian 22:16

As hug ad magh huggey shiartanse jeusyn v’ad hene er n’ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ’syn ynrickys, chamoo t’ou ayns aggle roish dooinney erbee: son cha vel oo soiaghey jeh persoon deiney.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 7:14

Er‐yn‐oyr dy nee chion ta’n giat, as coon ta’n raad ta leeideil gys bea, as s’tiark ad ta dy haaghey eh.

Noo Mark 12:14

As tra v’ad er jeet, dooyrt ad rish, Vainshter, ta fys ain dy vel oo firrinagh, as nagh vel oo ayns imnea roish dooinney erbee; son cha vel oo soiaghey jeh persoon deiney, agh gynsaghey raad Yee ayns firrinys: vel eh lowal keesh y choyrt da Cesar, mannagh vel?

Noo Mark 13:22

Son nee Creestyn foalsey, as phadeyryn foalsey girree, as cowraghyn as yindyssyn y hoilshaghey, dy volley, my oddagh eh ve, yn eer chloan reiht.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Jannoo 13:10

As dooyrt eh, O uss ta lane jeh dy chooilley chialgeyrys as dy olkys, vac noid ny hanmey, noid dy chooilley chairys, nagh naag oo jeh dy chassey raaidyn jeeragh y Chiarn?

Jannoo 14:2

Agh ghreinnee ny Hewnyn mee‐chredjuagh ny Ashoonee, as physhoon ad ny aignaghyn oc noi ny braaraghyn.

Jannoo 16:17

Deiyr ee shoh er Paul as orrinyn, gyllagh as gra, Ny deiney shoh sharvaantyn y Jee smoo ard, ta soilshaghey dooin raad y taualtys.

Jannoo 18:26

As ren eh toshiaght dy loayrt lesh dunnallys ayns y synagogue. Agh tra va Aquila as Priscilla er chlashtyn eh, ghow ad stiagh eh, as hug ad ynsaghey sodjey as s’diuney da ayns raad Yee.

Jannoo 19:9

Agh tra daase shiartanse jeu roonagh, as mee‐chredjuagh, loayrt dy lûnagh noi yn credjue shen kiongoyrt rish y pobble, hug eh cooyl roo, as scarrey ny Creesteenyn voue, dynsee eh gagh laa ayns schoill fer va enmyssit Tyrannus.

Jannoo 22:4

As ren mee tranlaase er y chredjue shoh gys y baase, kiangley as livrey gys pryssoonyn chammah deiney as mraane.

Jannoo 24:14

Agh shoh ta mee goaill‐rish hood’s, lurg yn aght t’adsyn genmys shaghrynys veih’n chredjue, dy nee shen myr ta mish cur ooashley da Jee my ayraghyn, credjal dagh nhee ta scruit ayns y leigh as ny phadeyryn:

Romanee 2:24

Son ta ennym Yee oltooanit mastey ny Ashoonee, kyndagh riuish, myr te scruit.

1 Timothy 5:14

Saillym er‐y‐fa shen dy jean ny mraane saa poosey, cloan y ymmyrkey, yn thie y reill, gyn veg yn oyr y choyrt da’n noid dy loayrt dy scammyltagh.

Titus 2:5

Dy ve tastagh, glen‐aignagh, freayll ec y thie, dy ve dooie, biallagh da ny sheshaghyn oc hene, nagh bee goo Yee loayrit dy olk jeh.

Titus 2:8

Glare breeoil nagh vod ve loayrit n’oï; dy vod eshyn ta shassoo magh nearey ’ghoaill, gyn veg yn olk echey dy choyrt gys nyn lieh.

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh‐yantee, dy vod ad liorish ny obbraghyn mie eu ver ad my‐ner, Jee y ghloyraghey ayns laa yn chooilleen.

2 Peddyr 2:12

Agh ad shoh, myr beiyn feïe gyn resoon dooghyssagh, jeant dy ve shelgit as stroit, t’ad loayrt dy olk jeh ny reddyn nagh vel ad toiggal, as nee ad cherraghtyn dy bollagh ayns y neu‐ghlennid oc hene:

2 Peddyr 2:15

T’er dreigeil yn raad cair, as er n’gholl er‐shaghryn, geiyrt da raad Balaam mac Bosor, hug saynt da’n leagh dy neu‐ynrickys;

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta beaghey ayns shaghrynys:

2 Peddyr 2:21

Son ny baare veagh eh daue gyn tushtey er ve oc jeh raad yn ynrickys, na lurg daue v’er doiggal eh, dy hyndaa veih yn anney casherick hie er livrey daue.

2 Peddyr 2:7

As livrey eh Lot yn dooinney cairagh, seaghnit lesh ymmyrkey‐bea feohdagh ny mee‐chrauee:

Jude 1:10

Agh t’ad shoh loayrt dy olkyssagh jeh ny reddyn shen nagh vel ad dy hoiggal: agh shen ny t’ad toiggal dy dooghyssagh, myr beiyn gyn resoon; ayndoo shen t’ad stroie ad hene.

Jude 1:15

Dy chooilleeney briwnys orroo ooilley, as dy gheyrey ooilley ny mee‐chrauee ny vud oc, son ooilley nyn obbraghyn mee‐chrauee, t’ad dy mee‐chrauee er n’yannoo, as son ooilley ny goan lûnagh ta peccee mee‐chrauee er loayrt n’oï.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Jude 1:7

Dy jarroo myr ta Sodom as Gomorrha as ny ard‐valjyn mygeayrt y moo, ren er yn aght cheddin ad hene y choyrt seose gys maarderys, as geiyrt er feill neu‐ghooghyssagh, er nyn soiaghey magh son sampleyr, surranse kerraghey dowil yn aile dy bragh farraghtyn.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 13:14

As t’eh molley adsyn ta cummal er y thalloo, liorish ny mirrillyn shen va pooar echey dy yannoo ayns shilley’n veisht, gra rish cummaltee’n thallooin dy yannoo jalloo da’n veisht va lhottit liorish y chliwe, as va bio.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.