2 Peddyr 1:9 - Yn Conaant Noa 1810

⁹ Agh eshyn ta nyn vegooish, t’eh giare‐hooillagh, as cha vod eh fakin foddey jeh, as er yarrood dy row eh er ny ghlenney veih e henn pheccaghyn.

Yn Vible Casherick 1775 1819

⁹ Agh eshyn ta nyn vegooish, t’eh giare-hooillagh, as cha vod eh fakin foddey jeh, as er yarrood dy row eh er ny ghlenney veih e henn pheccaghyn.

2 Peddyr 1:9 ပူးပေါင်းရင်းမြစ်များ

Noo Mark 10:21

Eisht Yeesey, jeeaghyn dy ennoil er, dooyrt rish, Ta un red ort foast dy yannoo: immee royd, as creck ny t’ayd, as cur eh da ny boghtyn, as bee berchys ayd ayns niau; as tar, trog y chrosh, as eiyr orrym’s.

Noo Luke 18:22

Nish tra cheayll Yeesey shoh, dooyrt eh rish, Ta foast ort un red y yannoo: creck as rheynn ooilley ny t’ayd er ny boghtyn, as bee berchys ayd ayns niau: as tar, as eiyr orrym’s.

Romanee 6:11

Ayns yn aght cheddin jeeagh‐jee shiuish neesht erriu hene dy ve marroo dy jarroo gys peccah; agh bio gys Jee, trooid Yeesey Creest nyn Jiarn.

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean‐jee yn reamys shoh leshtal son yn eill, agh ayns graih shirveish‐jee yn derrey yeh yn jeh elley.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Ephesianee 5:26

Dy voddagh eh ee y chasherickey as y ghlenney lesh niee dy ushtey, liorish y goo.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Hebrewnee 9:14

Cre‐woad smoo nee fuill Chreest, ren eh hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?

1 Peddyr 3:21

Yn co‐soylaghey jeh shoh, dy jarroo bashtey, ta nish myrgeddin sauail shin, (cha nee liorish cur ersooyl broïd yn eill, agh liorish yn ansoor dy chooinsheanse vie gys Jee,) trooid irree‐seose reesht Yeesey Creest:

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

Ashlish 3:17

Son dy vel oo gra, Ta mee berchagh, as er vishaghey ayns cooid, as nagh vel mee feme nhee erbee; as cha vel oo goaill hood hene dy vel oo treih, as seaghnit, as boght, as doal, as rooisht.