2 Peddyr 1:8 - Yn Conaant Noa 1810

⁸ Son my ta ny reddyn shoh ayndiu, as bishaghey, ver ad erriu nagh bee shiu liastey ny neu‐vessoil ayns tushtey jeh nyn Jiarn Yeesey Creest.

Yn Vible Casherick 1775 1819

⁸ Son my ta ny reddyn shoh ayndiu, as bishaghey, ver ad erriu nagh bee shiu liastey ny neu-vessoil ayns tushtey jeh nyn Jiarn Yeesey Creest.

2 Peddyr 1:8 ပူးပေါင်းရင်းမြစ်များ

Noo Mian 13:22

Eshyn myrgeddin ghow yn rass mastey ny drineyn, yn fer ta chlashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu‐vessoil.

Noo Mian 20:3

As hie eh magh mysh y trass oor, as honnick eh feallagh elley shassoo nyn daaue ’syn ynnyd margee,

Noo Mian 20:6

As mysh yn un oor jeig, hie eh magh, as hooar eh feallagh elley shassoo nyn daaue, as dooyrt eh roo, Cre’n‐fa ta shiu nyn shassoo ayns shoh fey ny laa nyn daaue?

Noo Mian 25:26

Dreggyr e hiarn, as dooyrt eh rish, Harvaant vee‐chairagh as neu‐harroogh, va fys ayd’s dy row mish buinn raad nagh ren mee cuirr, as chaglym raad nagh ren mee skeayley.

Noo Ean 15:2

Dy chooilley vanglane aynym’s nagh vel gymmyrkey mess, t’eh dy ghoaill ersooyl: as dy chooilley vanglane ta gymmyrkey mess, t’eh dy phollal, dy vod eh ve ny s’messoil.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Noo Ean 5:42

Agh ta toiggal aym jiuish, nagh vel graih Yee ayndiu.

Romanee 12:11

Cha nee liastey ayns obbyr; agh jeean ayns spyrryd; shirveish y Chiarn:

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

2 Corinthianee 13:5

Feysht‐jee shiu hene, vel shiu ayns y chredjue; prow‐jee shiu hene: nagh vel fys euish shiu hene, dy vel Yeesey Creest ayndiu; mannagh vel, ta shiu mee‐lowit?

2 Corinthianee 8:2

Kys fo prowal gyere dy heaghyn, ren yrjid y voggey oc, as nyn moghtynid hrome, bishaghey gys berchys nyn ghiastyllys.

2 Corinthianee 8:7

Shen‐y‐fa myr ta shiu jeant magh ayns dy chooilley nhee, ayns credjue, ayns goan, as tushtey, as ayns dy chooilley chiarail, as ayns nyn ghraih er nyn son; jeeagh‐jee dy jean shiu bishaghey ayns y grayse shoh myrgeddin.

2 Corinthianee 9:14

As liorish ny padjeryn ocsyn er nyn son, myr t’ad goaill foddeeaght ny lurg eu er coontey ard ghrayse Yee ayndiu,

Philippianee 1:9

As shoh ta mee guee, dy vod y ghraih eu bishaghey foast ny smoo as ny smoo ayns fysseree, as ayns dy chooilley vriwnys:

Philippianee 2:5

Lhig da’n aigney shoh ve ayndiuish, va myrgeddin ayns Creest Yeesey:

Philippianee 3:8

As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,

Colossianee 1:10

Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;

Colossianee 2:7

Fraueit as troggit seose aynsyn, as er nyn niartaghey ayns y chredjue, myr ta shiu er ve ynsit, bishaghey ayn lesh toyrt‐booise.

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn moyllee as spyrrydoil, goaill arrane lesh grayse ayns nyn greeaghyn gys y Chiarn.

1 Thessalonianee 3:12

As dy der y Chiarn erriuish gaase as bishaghey ayns graih yn derrey yeh da’n jeh elley, as da dy chooilley gooinney, dy jarroo myr ta shin diuish:

1 Thessalonianee 4:1

Ny‐sodjey na shoh, ta shin guee erriu, vraaraghyn, as coyrlaghey shiu liorish yn Chiarn Yeesey, ’naght myr ta shiu er n’ynsaghey voïnyn kys lhisagh shiu nyn mea y ymmyrkey, as Jee y wooiys, myr shen dy jinnagh shiu bishaghey ny smoo as ny smoo.

2 Thessalonianee 1:3

Ta shin kianlt dy choyrt booise kinjagh gys Jee er nyn son eu, vraaraghyn, myr te cooie, son dy vel y credjue eu cheet er‐ash ny smoo as ny smoo, as graih dagh unnane eu dy cheilley bishaghey.

1 Timothy 5:13

As marish shoh t’ad gynsaghey dy ve litcheragh, rouail veih thie gy thie; as cha nee ynrycan litcheragh, agh tutleryn neesht, as peeikeyryn ayns cooishyn sleih elley, loayrt reddyn nagh lhisagh ad.

Titus 3:14

As lhig d’an vooinjer ainyn myrgeddin gynsaghey dy choyrt rish obbraghyn mie son ymmydyn ymmyrchagh, nagh bee ad neu‐vessoil.

Philemon 1:6

Dy vod yn ayrn t’ayd’s mârin ’sy chredjue cadjin ve breeoil, gys goaill‐rish dy chooilley, nhee mie, ta nyn mast’ eu ayns Creest Yeesey.

Hebrewnee 6:12

Nagh bee shiu lhag‐chreeagh, agh eiyrtyssee orroosyn, ta trooid credjue as meenid er chosney ny gialdynyn.

2 Peddyr 1:2

Grayse as shee dy row er ny vishaghey erriu trooid tushtey dy Yee, as Yeesey nyn Jiarn,

2 Peddyr 1:3

Cordail myr ta e phooar flaunyssagh er choyrt dooin dy chooilley nhee ta bentyn gys bea as craueeaght, trooid y tushtey jehsyn ta er n’eamagh shin gys gloyr as bea spyrrydoil:

2 Peddyr 2:20

Son lurg daue ve er haghney broïd y theihll trooid tushtey jeh’n Chiarn as Saualtagh Yeesey Creest, my t’ad reesht goit ’sy ribbey, as yn varriaght er ny gheddyn orroo; ta’n jerrey oc ny smessey na’n toshiaght.

2 Peddyr 3:18

Agh aase‐jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.