2 Peddyr 1:17 - Yn Conaant Noa 1810

¹⁷ Son hooar eh veih Jee yn Ayr, onnor as gloyr, tra haink lheid y coraa huggeysyn veih’n ashlish ghloyroil, Shoh my Vac graihagh, jeh ta mee dy mooar soiaghey.

Yn Vible Casherick 1775 1819

¹⁷ Son hooar eh veih Jee yn Ayr, onnor as gloyr, tra haink lheid y coraa huggeysyn veih’n ashlish ghloyroil, Shoh my Vac graihagh, jeh ta mee dy mooar soiaghey.

2 Peddyr 1:17 ပူးပေါင်းရင်းမြစ်များ

Noo Mian 12:18

Cur‐my‐ner, my hirveishagh hene ta mee er reih, my er‐graihagh hene, eer taitnys my anmey: ver‐yms yn spyrryd aym’s ersyn, as soilshee eh briwnys da ny Ashoonee.

Noo Mian 17:3

As cur‐my‐ner, honnick ad Moses as Elias taggloo rish.

Noo Mian 17:5

Choud as v’eh foast loayrt, ren bodjal sollys skeayley harrystoo: as cur‐my‐ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht‐jee rishyn.

Noo Mian 28:19

Immee‐jee er‐y‐fa shen, as ynsee‐jee dy chooilley ashoon, as bashtee‐jee ad ayns ennym yn Ayr, as y Vac, as y Spyrryd Noo:

Noo Mian 3:17

As cur‐my‐ner, coraa veih niau gra, Shoh my vac ennoil, jeh ta mee dy mooar soiaghey.

Noo Mark 1:11

As haink coraa veih niau, gra, Oo my vac ennoil, jeed ta mee dy mooar soiaghey.

Noo Mark 9:7

As ren bodjal scadoo y hilgey harrystoo: as haink coraa ass y vodjal, gra, Shoh my vac ennoil; eaisht‐jee rish.

Noo Luke 10:22

Ta dy chooilley nhee er ny livrey dooys liorish my Ayr: as cha vel fys ec unnane erbee quoi yn Mac, agh yn Ayr; ny quoi yn Ayr, agh yn Mac, as eshyn da nee yn Mac eh y hoilshaghey.

Noo Luke 3:22

As haink y Spyrryd Noo neose er, myr ayns cummey dooghyssagh calmane, as haink coraa veih niau, gra, Oo my vac ennoil, jeed ta mee dy mooar soiaghey.

Noo Ean 10:15

Myr ta enney ec yn Ayr orrym’s, shen myr ta enney aym’s er yn Ayr: as ta mee scarrey rish my vioys son ny kirree.

Noo Ean 10:36

Vel shiu gra mychionesyn ta’n Ayr er chasherickey, as er choyrt gys y theihll, T’ou loayrt goan‐mollaghtagh; er‐yn‐oyr dy dooyrt mee, She Mac Yee mee?

Noo Ean 14:11

Cred‐jee mish, dy vel mee ayns yn Ayr, as yn Ayr aynym’s: er‐nonney cred‐jee mee er graih ny eer obbraghyn.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Noo Ean 17:21

Dy vod ad ooilley ve unnane, myr t’ou uss ayr aynym’s, as mish aynyd’s; dy vod adsyn myrgeddin ve unnane ayninyn: dy vod y seihll credjal dy ren oo my choyrt.

Noo Ean 20:17

Dooyrt Yeesey r’ee, ’Ny benn rhym; son cha vel mee foast er gholl seose gys myr Ayr; agh gow gys my vraaraghyn, as abbyr roo, Ta mee goll seose gys my Ayr’s as yn Ayr euish, as gys my Yee’s as y Jee euish.

Noo Ean 3:35

Ta’n Ayr graihagh er y Mac, as t’eh er chur dy chooilley nhee fo yn laue echey.

Noo Ean 5:20

Son ta’n Ayr graihagh er y Mac, as t’eh soilshaghey da dy chooilley nhee t’eh hene dy yannoo: as soilshee eh da obbraghyn smoo na ad shoh, dy vod shiu yindys y ghoaill.

Noo Ean 5:26

Son ’naght myr ta ec yn Ayr bioys ayn hene; myr shen t’eh er choyrt da’n Mac bioys y ve echey ayn hene;

Noo Ean 6:27

Ny bee‐jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.

Noo Ean 6:37

Hig adsyn ooilley hym’s ta’n Ayr dy chur dou; as eshyn ta cheet hym, cha jeanym er aght erbee y yiooldey voym.

Noo Ean 6:39

As shoh aigney yn Ayr ta er my choyrt, jeh ooilley ny hug eh dou nagh gaillin veg, agh dy droggin eh seose reesht ec y laa jerrinagh.

Romanee 15:6

Dy vod shiu lesh un aigney as un veeal Jee y ghloyraghey, dy jarroo Ayr nyn Jiarn Yeesey Creest.

2 Corinthianee 1:3

Bannit dy row Jee, eer Ayr nyn Jiarn Yeesey Creest, yn Ayr dy vyghinyn, as Jee dy chooilley gherjagh;

2 Corinthianee 11:31

Ec Jee as Ayr nyn Jiarn Yeesey Creest, ta bannit son dy bragh, ta fys nagh vel mish jannoo breg.

Hebrewnee 1:3

Myr v’eh sollyssid e ghloyr, as eer co‐chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard‐ooashley ayns yn yrjid:

2 Ean 1:3

Grayse dy row mêriu, myghin as shee veih Jee yn Ayr, as veih’n Chiarn Yeesey Creest, Mac yn Ayr, ayns ynrickys as graih.

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam: