2 Peddyr 1:16 - Yn Conaant Noa 1810

¹⁶ Son cha vel shin er n’eiyrt da skeeallyn troggit dy croutagh, tra ren shin soilshaghey diu pooar as cheet nyn Jiarn Yeesey Creest, agh va shin feanishyn sooilley jeh e ard‐ooashley.

Yn Vible Casherick 1775 1819

¹⁶ Son cha vel shin er n’eiyrt da skeeallyn troggit dy croutagh, tra ren shin soilshaghey diu pooar as cheet nyn Jiarn Yeesey Creest, agh va shin feanishyn sooilley jeh e ard-ooashley.

2 Peddyr 1:16 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 16:28

Dy firrinagh ta mee gra, riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

Noo Mian 17:1

As ec kione shey laa, ghow Yeesey Peddyr, as Jamys, as Ean e vraar, as hug eh lesh ad er‐lheh seose er slieau ard,

Noo Mian 24:27

Son myr ta’n tendreil cheet ass y shiar, as cur soilshey choud as gys y sheear: myr shen neesht vees cheet Mac y dooinney.

Noo Mian 24:3

As myr v’eh ny hoie er cronk ny Oliveyn, haink e ostyllyn huggey er‐lheh, gra, Insh dooin, cuin vees ny reddyn shoh? as cre’n cowrey vees jeh’n cheet ayd, as jeh jerrey yn theihll?

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Mark 13:26

As eisht hee ad Mac y dooinney cheet ayns ny bodjallyn, lesh pooar as ard‐ghloyr.

Noo Mark 14:62

As dooyrt Yeesey, She shen mee: as hee shiuish Mac y dooinney ny hoie er laue yesh y phooar, as cheet ayns bodjallyn yn aer.

Noo Luke 1:2

Eer myr hoilshee ad dooinyn ad, va er‐dyn toshiaght nyn veanishyn sooilley as nyn shirveishee jeh’n ghoo.

Noo Luke 9:43

As va’d ooilley ayns ard‐yindys jeh pooar niartal Yee: Agh choud as va dy chooilley unnane ayns ard‐imnea mychione dagh nhee va Yeesey er n’yannoo, dooyrt eh rish e ostyllyn,

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 17:2

Myr t’ou er chur da pooar harrish ooilley sheelnaue, dy vod eh yn vea veayn y choyrt da whilleen as t’ou er chur da.

Romanee 1:4

As soilshit dy ve Mac Yee lesh pooar, cordail rish y spyrryd dy chasherickys, liorish yn irree‐seose‐reesht veih ny merriu;

1 Corinthianee 1:17

Son cha row eh [wheesh] er my churrym veih Creest dy vashtey, as dy phreacheil yn sushtal: cha nee lesh creenaght goan, er‐aggle dy beagh crosh Chreest gyn veg y vree.

1 Corinthianee 1:23

Agh ta shinyn preacheil Creest v’er ny chrossey, da ny Hewnyn, scammylt, as da ny Greekyn, ommijys;

1 Corinthianee 1:7

Myr shen nagh vel shiu cheet er‐gooyl ayns gioot erbee; farkiagh son cheet y Chiarn Yeesey Creest;

1 Corinthianee 2:1

As tra haink mish hiu, vraaraghyn, cha nee lesh yrjid dy ghlare floaoil haink mee, ny creenaght seihltagh, soilshaghey diu recortys Yee.

1 Corinthianee 2:4

As va my ghlare as my phreacheil, cha nee lesh goan vrynneragh dy chreenaght dooinney, agh ayns bree yn Spyrryd, as pooar:

1 Corinthianee 5:4

[Ayns ennym nyn Jiarn Yeesey Creest, tra vees shiuish er nyn jaglym cooidjagh, as y spyrryd aym’s, lesh pooar nyn Jiarn Yeesey Creest,]

2 Corinthianee 2:17

Son cha vel shin myr ymmodee, ta soiaghey magh goo Yee dy molteyragh: agh myr jeh’n ynrickys agh myr jeh Jee, ayns shilley Yee ta shin loayrt ayns Creest.

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

Philippianee 3:21

Nee caghlaa yn corp marvaanagh ain dy vod eh ve er ny chummey casley rish e chorp gloyroil hene, cordail rish y phooar niartal liorish t’eh abyl dy jarroo dy injillaghey dy chooilley nhee huggey hene.

1 Thessalonianee 2:19

Son cre ta nyn dreishteil, ny nyn moggey, ny nyn attey dy ghennallys? nagh nee dy jarroo shiuish kionfenish nyn Jiarn Yeesey Creest, ec y cheet echey?

2 Thessalonianee 2:9

Dy jarroo eshyn ta’n cheet echey cordail rish gobbraghey Satan, lesh dy chooilley phooar, as cowraghyn, as yindyssyn breagagh,

1 Timothy 1:4

Chamoo dy chur geill da raaghyn fardalagh, as coontey fegooish bun ny baare er sheelogheyn, ta doostey questionyn [streeuagh], ny smoo na ynsagh crauee, ta ayns credjue.

1 Timothy 4:7

Agh raaghyn mee‐chrauee shenn vraane cur dy lhiattee, as gow myr reih dy gholl er dty hoshiaght ayns craueeaght.

Titus 1:14

Nagh der ad geill da skeeallyn Hewagh, as oardaghyn deiney, ta chyndaa veih’n ynrickys.

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

1 Ean 4:14

As ta shin er vakin, as ta shin gymmyrkey feanish dy vel yn Ayr er choyrt yn Mac dy ve Saualtagh y theihll.

Jude 1:14

As ren Enoch myrgeddin, yn chiaghtoo jeh kynney Adam phadeyrys mychione oc shoh, gra, Cur‐my‐ner ta’n Chiarn cheet lesh jeih thousaneyn jeh e nooghyn, casherick,

Ashlish 1:7

Cur‐my‐ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.