2 Peddyr 1:11 - Yn Conaant Noa 1810

¹¹ Son myr shoh bee fosley gloyroil jeant er nyn son, gys reeriaght dy bragh farraghtyn nyn Jiarn as Saualtagh Yeesey Creest.

Yn Vible Casherick 1775 1819

¹¹ Son myr shoh bee fosley gloyroil jeant er nyn son, gys reeriaght dy bragh farraghtyn nyn Jiarn as Saualtagh Yeesey Creest.

2 Peddyr 1:11 ပူးပေါင်းရင်းမြစ်များ

Noo Mian 25:34

Eisht jir y ree roosyn er e laue‐yesh, Tar‐jee chloan vannit my Ayrey, gow‐jee eiraght ’sy reeriaght ta kiarit diu er‐dy hoshiaght y theihll.

Noo Ean 10:10

Cha vel y maarliagh cheet agh dy gheid, as dy varroo as dy stroie: haink mish dy voddagh bea y ve oc, as dy voddagh eh y ve oc ayns mooarane palchey.

Romanee 2:4

Ny vel oo soiaghey beg jeh berchys e vieys, as e veenid, as surranse‐foddey, gyn toiggal dy vel mieys Yee dy dty leeideil gys arrys?

1 Corinthianee 15:24

Eisht ta’n jerrey cheet, tra vees eh er livrey seose yn reeriaght gys Jee, dy jarroo yn Ayr; erreish da v’er choyrt sheese dy chooilley reill, as dy chooilley ’torrity as pooar.

2 Corinthianee 5:1

Son ta fys ain, dy beagh y thie thallooinagh ain jeh’n chabbane shoh er ny choyrt naardey, dy vel ynnyd‐vaghee ain veih Jee, thie nagh vel jeant lesh laueyn, dy bragh farraghtyn ayns ny niaughyn.

Ephesianee 3:20

Nish huggeysyn ta abyl dy yannoo foddey erskyn ooilley ny ta shin geearree ny smooinaghtyn, cordail rish y phooar ta gobbraghey dy niartal aynin,

1 Timothy 6:17

Cur currym orroosyn ta berchagh ’sy theihll shoh, nagh bee ad ard‐aignagh, ny treishteil ayns berchys neu‐hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

2 Timothy 4:18

As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh: huggey dy row gloyr son dy bragh as dy bragh. Amen.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.

Hebrewnee 6:17

Shen‐y‐fa myr va Jee booiagh er yn aght s’troshey dy hoilshaghey da eiraghyn y ghialdyn shickyrys gyn‐caghlaa e aigney, ren eh shoh y niartaghey lesh loo:

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

2 Peddyr 1:5

As marish shoh, lesh slane imnea, cur‐jee gys nyn gredjue, dunnallys; as gys dunnallys, tushtey;

2 Peddyr 2:20

Son lurg daue ve er haghney broïd y theihll trooid tushtey jeh’n Chiarn as Saualtagh Yeesey Creest, my t’ad reesht goit ’sy ribbey, as yn varriaght er ny gheddyn orroo; ta’n jerrey oc ny smessey na’n toshiaght.

2 Peddyr 3:18

Agh aase‐jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.

Ashlish 3:21

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.

Ashlish 5:10

As t’ou er n’yannoo shin da’n Jee ain, reeaghyn as saggyrtyn: as nee mayd reill er y thalloo.