2 Peddyr 1:10 - Yn Conaant Noa 1810

¹⁰ Shen‐y‐fa, vraaraghyn, bee‐jee ny s’kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh:

Yn Vible Casherick 1775 1819

¹⁰ Shen-y-fa, vraaraghyn, bee-jee ny s’kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh:

2 Peddyr 1:10 ပူးပေါင်းရင်းမြစ်များ

Noo Mian 22:14

Son shimmey t’er nyn eam, agh s’tiark t’er nyn reih.

Romanee 11:29

Son ta giootyn graysoil as eam Yee gyn caghlaa.

2 Timothy 2:19

Ny‐yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee‐chraueeaght.

Hebrewnee 6:11

As ta shin geearree dy jean dagh unnane eu soilshagey yn imnea cheddin, son y slane shickyrys dy hreishteil gys y jerrey:

Hebrewnee 6:19

Yn treishteil shen t’ain myr aker ny hanmey, shickyr as gyn scughey, as ta gentreil gys yn ayrn er cheu‐sthie jeh’n ynnyd smoo casherick,

Jamys 2:10

Son quoi‐erbee nee freayll yn slane leigh, as ny yeih ta foiljagh ayns un phoint, t’eh kyndagh jeu ooilley.

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

1 Peddyr 1:5

Ta er nyn vendeil liorish pooar Yee trooid credjue gys saualtys, aarloo dy ve er ny hoilshaghey ec y laa jerrinagh.

2 Peddyr 1:3

Cordail myr ta e phooar flaunyssagh er choyrt dooin dy chooilley nhee ta bentyn gys bea as craueeaght, trooid y tushtey jehsyn ta er n’eamagh shin gys gloyr as bea spyrrydoil:

2 Peddyr 1:5

As marish shoh, lesh slane imnea, cur‐jee gys nyn gredjue, dunnallys; as gys dunnallys, tushtey;

2 Peddyr 3:14

Shen‐y‐fa, chaarjyn, fakin dy vel shiu jerkal rish lheid ny reddyn, bee‐jee imneagh dy bee shiu er nyn gheddyn liorishyn ayns shee, fegooish foill, as gyn loght.

2 Peddyr 3:17

Fakin er‐y‐fa shen, chaarjyn, dy vel fys eu er ny reddyn shoh ro‐laue, cur‐jee twoaie nagh jean shiuish myrgeddin, cleaynit lesh shaghrynys ny mee‐chrauee, tuittym ersooyl veih’n shickyrys eu ’sy chredjue.

Jude 1:24

Nish huggeysyn ta abyl dy reayll shiu veih tuittym as dy hebbal shiu gyn loght kionfenish e ghloyr lesh boggey erskyn towse,

Ashlish 22:14

Bannit t’adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard‐valley.