2 Ean 1:3 - Yn Conaant Noa 1810

³ Grayse dy row mêriu, myghin as shee veih Jee yn Ayr, as veih’n Chiarn Yeesey Creest, Mac yn Ayr, ayns ynrickys as graih.

Yn Vible Casherick 1775 1819

³ Grayse dy row mêriu, myghin, as shee veih Jee yn Ayr, as veih’n Chiarn Yeesey Creest, Mac yn Ayr, ayns ynrickys as graih.

2 Ean 1:3 ပူးပေါင်းရင်းမြစ်များ

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

1 Timothy 1:14

As va grayse nyn Jiarn erskyn towse orrym, lesh credjue, as graih ta ayns Creest Yeesey.

1 Timothy 1:2

Gys Timothy, my vac hene ayns y chredjue: Grayse, myghin, as shee veih Jee nyn Ayr, as Yeesey Creest nyn Jiarn.

2 Timothy 1:13

Cumm shickyr bun ny goan slayntoil, t’ou er chlashtyn voym’s, ayns credjue as graih ta ayns Creest Yeesey.

1 Ean 4:10

Ayns shoh ta graih, cha nee dy dug shin graih da Jee, agh dy dug eshyn graih dooin, as dy ren eh e Vac y choyrt dy ve lhiassaghey son nyn beccaghyn.

2 Ean 1:1

Yn ostyl shinney gys y lady ooasle, as e cloan, shynney lhiam ayns yn irriney; as cha nee mish my lomarcan, agh myrgeddin adsyn ooilley ta toiggal oc jeh’n irriney;