2 Ean 1:1 - Yn Conaant Noa 1810

¹ Yn ostyl shinney gys y lady ooasle, as e cloan, shynney lhiam ayns yn irriney; as cha nee mish my lomarcan, agh myrgeddin adsyn ooilley ta toiggal oc jeh’n irriney;

Yn Vible Casherick 1775 1819

¹ Yn ostyl shinney gys y lady ooasle, as e cloan, shynney lhiam ayns yn irriney; as cha nee mish my-lomarcan, agh myrgeddin adsyn ooilley ta toiggal oc jeh’n irriney;

2 Ean 1:1 ပူးပေါင်းရင်းမြစ်များ

Noo Luke 1:3

Ta mish myrgeddin er vakin eh mie, myr ta slane toiggal aym jeh dy chooilley nhee er‐dyn eer toshiaght, dy scrieu hoods ayns order, Theophilus smoo ooasle,

Noo Ean 8:32

As bee toiggal eu jeh’n irriney, as nee yn irriney shiu y heyrey.

Jannoo 11:30

As shen myr ren ad neesht, as hug ad eh gys y chanstyr liorish laueyn Barnabas as Saul.

Romanee 16:13

Bannee‐jee Rufus reiht liorish y Chiarn, as y voir echeysyn as aym’s.

Galatianee 2:14

Agh tra honnick mee nagh row ad gymmyrkey ad hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t’ou uss, ta dty Hew, gymmyrkey oo hene myr ny Ashoonee, as cha nee myr ny Hewnyn, cre’n‐fa t’ou uss gêginaghey ny Ashoonee dy veaghey myr ny Hewnyn?

Galatianee 2:5

Agh daue shoh cha dug shin raad choud as un oor dy ve foue; dy voddagh firrinys y tushtal tannaghtyn mêriu.

Galatianee 3:1

O Ghalatianee vee‐hushtagh, quoi ta er chleaynaghey shiu, nagh vel shiu biallagh gys yn irriney, kiongoyrt rish nyn sooillyn hene ta Yeesey Creest dy baghtal er ny ve soit magh, er ny chrossey nyn mast’ eu.

Galatianee 5:7

Hie shiu er nyn doshiaght dy mie, quoi ren shiu y lhiettal veih biallys ’choyrt da’n irriney?

Colossianee 1:5

Son y treishteil ta tashtit nyn gour ayns niau, jeh ta shiu roïe er chlashtyn ayns goo firrinys y tushtal;

1 Timothy 2:4

Eh saillish dy chooilley ghooinney dy ve er nyn sauail, as dy heet gys tushtey jeh’n irriney.

Hebrewnee 10:26

Son my nee mayd peccah jeh nyn yoïn, lurg dooin v’er gheddyn toiggal jeh’n irriney, cha vel nyn gour oural arragh son peccaghyn,

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

1 Peddyr 5:1

Ny shanstyryn ta ny mast’ eu ta mee coyrlaghey, ta mee hene myrgeddin my hanstyr, as feanish jeh surranseyn Chreest, as myrgeddin parteeas jeh’n ghloyr vees er ny hoilshaghey:

1 Peddyr 5:13

Ta’n agglish ta ec Babylon, reiht cooidjagh mêriuish, cur bea as slaynt hiu, as myrgeddin Marcus my vac.

1 Ean 2:21

Cha vel mee er scrieu hiu, er‐yn‐oyr nagh vel fys eu er yn irriney: agh er‐yn‐oyr dy vel fys eu er, as nagh vel breg erbee jeh’n irriney.

1 Ean 3:18

My chloan veggey, ny lhig dooin graih y choyrt ayns raa, ny ayns glare; agh ayns jannoo as ayns firrinys.

2 Ean 1:13

Ta cloan dty huyr reiht cur bea as slaynt hood. Amen.

2 Ean 1:5

As nish ta mee guee ort, lady, cha nee myr dy beign scrieu hood anney noa, agh shen ny v’ain veih’n toshiaght, dy der mayd graih yn derrey yeh da’n jeh elley.

3 Ean 1:1

Yn ostyl shinney gys my charrey graihagh Gaius, shynney lhiam ayns yn irriney.