2 Corinthianee 8:9 - Yn Conaant Noa 1810

⁹ Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

Yn Vible Casherick 1775 1819

⁹ Son shione diu grayse nyn Jiarn Yeesey Creest, ga dy row eh berchagh, ny-yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

2 Corinthianee 8:9 ပူးပေါင်းရင်းမြစ်များ

Noo Mian 17:27

Ny‐yeih, son nagh bee cômys er ny chur hooin, immee uss gys y cheayn, as lhig sheese dooan, as trog y chied eeast hig hood: as tra vees oo er vosley e veeal yiow peesh dy argid ayn; shen gow, as eeck eh er my hon’s as er dty hon hene.

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Noo Mian 8:20

As dooyrt Yeesey rish, Ta tuill ec ny shynnee, as idd ec eeanlee yn aer, agh cha vel ec mac y dooinney wheesh boayl aaght son e chione.

Noo Mark 6:3

Nagh nee shoh yn seyir, mac Voirrey, braar Yamys as Yoses as Juda as Simon, as nagh vel ny shayraghyn echey ayns shoh mârin? as ghow ad cômys rish.

Noo Luke 16:11

Mannagh vel shiu er‐y‐fa shen er ve ynrick ayns y mammon molteyragh, quoi ver yn verchys firrinagh fo nyn gurrym?

Noo Luke 2:7

As hug ee son y theihll yn ynrycan vac rug jee, as hoïll ee eh ayns aanrityn soillee, as hug ee eh ny lhie ayns manjoor, er‐y‐fa nagh row room er nyn son ayns y thie‐oast.

Noo Luke 8:3

As Joanna ben Chusa stiurt Herod, as Susanna, as ymmodee elley, v’er hirveish er jeh nyn gooid.

Noo Luke 9:58

As dooyrt Yeesey rish, Ta tuill ec ny shynnee, as idd ec eeanlee yn aer, agh ec Mac yn dooinney cha vel boayl, ayn dy chur e chione fo.

Noo Ean 1:10

V’eh ayns y theihll, as va’n seihll er ny yannoo liorishyn, as y seihll cha dug enney er.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 1:17

Son va’n leigh er ny choyrt liorish Moses, agh haink grayse as firrinys liorish Yeesey Creest.

Noo Ean 12:30

Dreggyr Yeesey ad, as dooyrt eh, Cha daink y coraa shoh er y choontey aym’s, agh er y choontey euish.

Noo Ean 16:15

Ta dy chooilley nhee t’ec yn Ayr lhiam’s: shen‐y‐fa dooyrt mee, dy gow eh jeh ny ta lhiam’s as dy soilshee eh diuish eh.

Noo Ean 17:19

As er y graih ocsyn ta mish dy chasherickey mee hene, dy vod adsyn myrgeddin v’er nyn gasherickey gys yn irriney.

Romanee 11:12

Nish, my ta’n tuittym ocsyn berchys y theihll, as y coayl oc cosney ny Hashoonee; cre‐woad smoo vees yn slane cheet stiagh oc [gys y chredjue?]

Romanee 15:3

Son dy jarroo cha ren Creest eh hene y wooiys; agh myr te scruit, Ta ny oltooanyn ocsyn ren dty oltooaney, er duittym orrym’s.

Romanee 5:8

Agh ta Jee soilshaghey magh e ghraih hooinyn, choud as va shin foast nyn beccee, hur Creest baase er nyn son.

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

1 Corinthianee 1:4

Ta mee cur booise da my Yee dy kinjagh ayns y lieh eu, son grayse Yee t’er ny choyrt diu ayns Yeesey Creest;

1 Corinthianee 15:47

Va’n chied dooinney jeh’n thalloo, thallooinagh: ta’n nah ghooinney yn Chiarn veih niau.

2 Corinthianee 13:14

Grayse nyn Jiarn Yeesey Creest, as graih Yee, as sheshaght y Spyrryd Noo, dy row mêriu ooilley. Amen.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

Ephesianee 2:7

Ayns ny earishyn ta ry heet dy voddagh eh soilshaghey berchys erskyn‐towse e ghrayse, ayns e chenjallys dooinyn, trooid Creest Yeesey.

Ephesianee 3:19

As dy hoiggal graih Chreest, ta erskyn tushtey, dy vod shiu ve jeant magh lesh ooilley laanid Yee.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

Colossianee 1:24

Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

1 Timothy 6:18

Dy jean ad mie, dy bee ad berchagh ayns obbraghyn mie, aignagh dy rheynn, arryltagh dy choyrt da ny boghtyn;

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phonteil ny eirey er dy chooilley nhee, liorish myrgeddin chroo eh ny seihllyn.

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

Ashlish 2:9

Shione dou dty obbraghyn, as dty heaghyn, as dty voghtynid (agh t’ou berchagh), as ta fys aym er yn oltooan ocsyn ta gra dy nee Hewnyn ad, as nagh vel, agh keeill y Drogh spyrryd.

Ashlish 21:7

Yiow eshyn ta geddyn y varriaght, eiraght ayns dy chooilley nhee, as beem’s y Jee echeysyn, as bee eshyn yn mac aym’s.

Ashlish 3:18

Ta mee cur coyrle dhyt dy chionnaghey voym airh er ny phrowal ’syn aile, dy vod oo ve berchagh; as coamrey gial, dy vod oo ve coodit, as nagh bee dty nearey er ny akin; as jean dty hooillyn y ooillaghey lesh shelliu‐sooilley, dy vod oo fakin.