2 Corinthianee 7:4 - Yn Conaant Noa 1810

⁴ S’mooar ta reamys my ghlare hiuish, s’mooar ta my voggyssagh jiuish: ta mee lhieent lesh gerjagh, ta mee goaill boggey erskyn towse ayns ooilley yn seaghyn ain.

Yn Vible Casherick 1775 1819

⁴ S’mooar ta reamys my ghlare hiuish, s’mooar ta my voggyssagh jiuish: ta mee lhieent lesh gerjagh, ta mee goaill boggey erskyn towse ayns ooilley yn seaghyn ain.

2 Corinthianee 7:4 ပူးပေါင်းရင်းမြစ်များ

Jannoo 5:41

As hie ad magh veih fenish y choonceil, goaill boggey dy row ad coontit feeu dy hurranse nearey son yn ennym echey.

Romanee 5:3

As cha nee ynrycan shen, agh ta shin goaill boggey ayns seaghyn myrgeddin, toiggal dy vel seaghyn gobbraghey meenid;

1 Corinthianee 1:4

Ta mee cur booise da my Yee dy kinjagh ayns y lieh eu, son grayse Yee t’er ny choyrt diu ayns Yeesey Creest;

2 Corinthianee 1:14

Myr ta shiuish myrgeddin ayns ayrn er n’ghoaill rooinyn, dy vel shin yn boggey eu, dy jarroo myr ta shiuish neesht yn boggey ainyn ayns laa yn Chiarn Yeesey.

2 Corinthianee 1:4

Ta gerjaghey shinyn ayns ooilley nyn seaghyn, dy vod mayd ve abyl dy gherjaghey adsyn ta fo seaghyn erbee, lesh y gerjaghey liorish ta Jee dy gherjaghey shin hene.

2 Corinthianee 10:8

Son ga dy jinnin boggyssagh ny‐sodjey jeh’n phooar ain (ta’n Chiarn er choyrt dooin son y vondeish, as cha nee son yn assee eu) cha beagh nearey orrym.

2 Corinthianee 11:21

Ta mee loayrt shoh myr mychione scammylt, myr dy beagh shin hene er ve annoon: ny‐yeih, ayns cre‐erbee s’loys da dooinney erbee ve dunnal (ta mee loayrt dy ommijagh) s’loys dooys ve dunnal myrgeddin.

2 Corinthianee 2:14

Nish booise dy row gys Jee, ta dy kinjagh coyrt dooin oyr yn varriaght ayns Creest, as ta skeayley soar millish yn tushtey jehsyn liorin ayns dy chooilley ynnyd.

2 Corinthianee 3:12

Fakin eisht dy vel ain lheid y treishteil, ta shin goaill orrin dy loayrt lesh slane reamys.

2 Corinthianee 7:14

Son my ren mee boggyssagh jiuish ayns nhee erbee rishyn, cha vel nearey orrym; agh myr ta shin loayrt dy chooilley nhee riu ayns firrinys, myr shen ta’n voggyssagh ain, ren mee fenish Titus, er ny gheddyn firrinagh.

2 Corinthianee 8:24

Shen‐y‐fa jeeagh‐jee dauesyn, as fenish ny kialteenyn, prowal jeh’n ghraih eu, as jeh’n voggyssagh ain er y lieh euish.

Philippianee 1:14

As ta ymmodee jeh ny braaraghyn ayns y Chiarn, er n’aase dunnal liorish my gheulaghyn’s, foddey s’creeoil dy loayrt yn goo fegooish aggle.

Philippianee 1:20

Cordail rish my yerkal jeean, as my hreishteil, nagh bee nearey orrym ayns nhee erbee, agh lesh dy chooilley ghunnallys, myr dy kinjagh, myr shen nish myrgeddin dy bee Creest er ny ghloyraghey ayns my chorp, edyr eh ve liorish bioys ny baase.

Philippianee 1:26

Dy vod yn boggey euish ve foddey smoo ayns Creest Yeesey er my hon’s, tra hig‐ym’s hiuish reesht.

Philippianee 2:17

As, dy jarroo, my vees m’uill’s er ny gheayrtey magh er oural as shirveish y chredjue euish, ta mee dy my gherjaghey, as goaill boggey mêriu ooilley.

Colossianee 1:24

Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

1 Thessalonianee 2:19

Son cre ta nyn dreishteil, ny nyn moggey, ny nyn attey dy ghennallys? nagh nee dy jarroo shiuish kionfenish nyn Jiarn Yeesey Creest, ec y cheet echey?

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y Jee ain, dy phreacheil diu sushtal Yee lesh lane streeu.

2 Thessalonianee 1:4

Myr shen dy vel shin hene boggyssagh ayns y lieh eu ayns kialteenyn Yee, son y meenid, as credjue eu, ayns ooilley’n tranlaase as y seaghyn ta shiu dy hurranse.

Philemon 1:7

Son ta boggey as gerjagh mooar ain ayns dty ghraih, er‐yn‐oyr dy vel yeearreeyn ny nooghyn femoil er nyn ooraghey liort’s, vraar.

Jamys 1:2

My vraaraghyn, jeeagh‐jee er myr oyr dy ard‐voggey tra huittys shiu ayns caghlaghyn dy heaghyn;