2 Corinthianee 7:11 - Yn Conaant Noa 1810

¹¹ Son cur‐my‐ner, yn red shoh hene, dy row shiu trimshagh lurg aght crauee, cre’n imnea ghooisht eh ayndiu, dy jarroo, cre’n seyrey j’iu hene, dy jarroo, cre’n jymmoose, dy jarroo, cre’n aggle, dy jarroo, cre’n yeearree aggindagh, dy jarroo, cre’n jeeanid, dy jarroo, cre’n kerraghey? ayns dy chooilley nhee ta shiu er phrowal shiu hene seyr ayns y chooish shoh.

Yn Vible Casherick 1775 1819

¹¹ Son cur-my-ner, yn red shoh hene, dy row shiu trimshagh lurg aght crauee, cre’n imnea ghooisht eh ayndiu, dy jarroo, cre’n seyrey j’iu hene, dy jarroo, cre’n jymmoose, dy jarroo, cre’n aggle, dy jarroo, cre’n yeearree aggindagh, dy jarroo, cre’n jeeanid, dy jarroo, cre’n kerraghey? ayns dy chooilley nhee ta shiu er phrowal shiu hene seyr ayns y chooish shoh.

2 Corinthianee 7:11 ပူးပေါင်းရင်းမြစ်များ

Noo Mark 3:5

As tra v’eh er yeeaghyn mygeayrt orroo lesh corree, ve’h seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley.

Noo Ean 2:17

As chooinee e ynseydee dy row eh scruit, Ta graih jeean dty hie er my chur‐mow.

Jannoo 17:16

Nish choud as va Paul farkiaght ec Athens, son ad dy heet, va e chree er ny ghreinnaghey cheu‐sthie jeh, tra honnick eh yn slane ard‐valley lhie ayns jalloonys.

Romanee 11:20

S’feer eh: v’adsyn brisht jeh kyndagh rish mee‐chredjue, as t’ou uss dy hassoo liorish credjue. Ny bee ard‐aignagh, agh gow aggle.

Romanee 14:18

Son t’eshyn ta shirveish Creest ayns ny reddyn shoh, ayns foayr rish Jee, as jeh goo mie mastey deiney.

Romanee 3:5

Agh myr ta’n neu‐ynrickys ainyn soilshaghey magh ynrickys Yee, cre jir mayd? Vel Jee neu‐chairagh ta goaill kerraghey? (ta mee loayrt myr dooinney)

1 Corinthianee 12:25

Nagh beagh scarrey erbee ayns y chorp: agh dy beagh ec ooilley ny oltyn yn chiarail cheddin yn derrey yeh son y jeh elley.

1 Corinthianee 5:13

Agh adsyn ta er cheu‐mooie, ta Jee dy vriwnys. Shen‐y‐fa cur‐jee ersooyl veih nyn mast’ eu yn persoon mee‐chrauee shen.

1 Corinthianee 5:2

As ta shiu sheidit lesh moyrn, tra by‐yeshey diu dy ghobberan, dy beagh eshyn t’er n’yannoo yn obbyr shoh, scarrit veih nyn mast’ eu.

2 Corinthianee 13:7

Nish yeearree‐ym er Jee‐nagh jean shiu veg yn olk; cha nee dy hoilshaghey yn phrowal shoh, agh dy jinnagh shiu shen ny ta mie, ga dy beagh shinyn myr dy beagh eh fegooish yn phrowal shoh.

2 Corinthianee 2:6

S’lioar da’n dooinney shen ta’n kerraghey shoh, hie er coyrt er kiongoyrt rish ymmodee.

2 Corinthianee 6:4

Agh ayns dy chooilley nhee soilshaghey shin hene magh myr shirveishee Yee, ayns lane meenid, ayns seaghyn, ayns êgin, ayns chennid,

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

2 Corinthianee 7:7

As cha nee ynrycan liorish y cheet echeysyn, agh liorish y gherjagh hooar eh ayndiu, tra dinsh eh dooin yn yeearree jean eu, yn dobberan eu, yn aigney graihagh eu hym’s; myr shen dy row my voggey ny smoo.

2 Corinthianee 7:9

Nish ta boggey orrym, cha nee son dy row shiuish jeant trimshagh, agh dy ren shiu trimshey gys arrys: son va shiu trimshagh lurg aght crauee, nagh beagh assee eu liorinyn ayns nhee erbee.

2 Corinthianee 9:2

Son ta fys aym er arryltys nyn aigney, jeh shen ta mee boggyssagh roosyn ta jeh Macedonia, dy row Achaia aarloo blein er‐dy‐henney; as ta’n ghraih jeean euish er ghreinnaghey ymmodee.

Ephesianee 4:26

My hig corree erriu, ny jean‐jee peccah. Ny lhig da’n ghrian lhie er y chorree eu:

Ephesianee 5:11

As ny lhig da sheshaght er bee ’ve eu rish obbraghyn neu‐vessoil y dorraghys, agh ny sleaie cur oghsan daue:

Philippianee 2:12

Shen‐y‐fa, my chaarjyn, myr ta shiu dy kinjagh er ve biallagh, cha nee myr ayns my enish ny‐lomarcan, agh nish foddey smoo myr ta mee veue; obbyr‐jee magh nyn saualtys hene lesh aggle as atchim.

1 Thessalonianee 4:6

Nagh lhisagh dooinney erbee vondeish y ghoaill er e vraar as eh y volley ayns cooish erbee: er‐yn‐oyr dy nee yn Chiarn ta goaill cooilleen er ooilley nyn lheid, myr ta shin er n’insh diu ro‐laue, as er hoilshaghey.

1 Timothy 5:20

Cur oghsan dauesyn ta cur rish peccah kiongoyrt rish ooilley, dy vod feallagh elley myrgeddin aggle y ghoaill.

2 Timothy 2:15

Bee uss imneagh dy phrowal oo hene firrinagh gys Jee, obbree nagh lhiass nearey ’ghoaill, rheynn dy kiart yn goo dy ynrickys.

Titus 3:8

Shoh raa firrinagh, as ny reddyn shoh saillym oo kinjagh, dy hionney orroo, dy vod adsyn ta er chredjal ayns Jee, ve kiaralagh dy hoilshaghey magh obbraghyn mie: ta ny reddyn shoh mie as vondeishagh da deiney.

Hebrewnee 4:1

Lhig dooin er‐y‐fa shen aggle y ghoaill, erreish da gialdyn ve faagit dooin dy gholl stiagh ’syn ea echey, dy darragh veg jiu giare jeh.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau‐jee earish nyn droailtys ayns shoh ayns aggle:

1 Peddyr 2:2

Myr oikanyn noa‐ruggit yeearree‐jee bainney spyrrydoil y ghoo, dy vod shiu gaase liorish:

Jude 1:23

As feallagh elley saue‐jee lesh aggle, myr dy beagh shiu dy hayrn ad ass yn aile; coyrt feoh ’eer da’n gharmad sollit liorish yn eill.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er‐y‐fa shen, as gow‐arrys.