2 Corinthianee 7:1 - Yn Conaant Noa 1810

¹ Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

Yn Vible Casherick 1775 1819

¹ Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

2 Corinthianee 7:1 ပူးပေါင်းရင်းမြစ်များ

Noo Mian 12:33

Edyr jean‐jee yn billey mie, as e vess mie; er‐nonney jean‐jee yn billey olk, as e vess olk: son liorish e vess, ta enney er ny choyrt er y villey.

Noo Mian 5:48

Bee‐jee shuish er‐y‐fa shen slane‐ynrick, eer myr ta nyn Ayr t’ayns niau slane‐ynrick.

Noo Mian 5:8

Bannit t’adsyn ta glen ayns cree: son ver ad Jee my‐ner.

Jannoo 9:31

Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Romanee 5:20

Agh haink y leigh stiagh, dy voddagh loght ve ny s’cronnal: agh raad vishee peccah, ren grayse bishaghey foddey smoo:

1 Corinthianee 6:20

Son ta shiu kionnit lesh price: shen‐y‐fa jean‐jee Jee y ghloyraghey ayns nyn gorp, as ayns nyn spyrryd, ta lesh.

2 Corinthianee 1:20

Son ta ooilley gialdynyn Yee aynsyn she, as aynsyn amen, gys gloyr Yee liorinyn.

Ephesianee 2:3

Ayndoo shoh ren shin ooilley myrgeddin beaghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

1 Thessalonianee 3:13

Gys y jerrey dy vod eh niartaghey ny creeaghyn eu gyn‐loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

1 Thessalonianee 4:7

Son cha vel Jee er n’eamagh orrin gys neu‐ghlennid, agh gys casherickys.

1 Thessalonianee 5:23

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest.

Hebrewnee 12:23

Gys y slane chaglym‐cooidjagh as agglish ny chied nooghyn, ta recortyssit ayns niau, as gys Jee yn briw harrish ooilley, as gys spyrrydyn deiney mie ayns flaunys,

Hebrewnee 12:28

Shen‐y‐fa fakin dy vel shinyn er gheddyn reeriaght nagh vod v’er ny scughey, lhig da grayse ve ain, liorish oddys mayd Jee y hirveish dy booisal, lesh arrym as aggle crauee.

Hebrewnee 4:1

Lhig dooin er‐y‐fa shen aggle y ghoaill, erreish da gialdyn ve faagit dooin dy gholl stiagh ’syn ea echey, dy darragh veg jiu giare jeh.

Hebrewnee 6:9

Agh chaarjyn, ta shin smooinaghtyn ny share jiuish, as reddyn ta bentyn gys saualtys, ga ta shin loayrt myr shoh.

Jamys 4:8

Tayrn‐jee er‐gerrey gys Jee, as tayrnee eshyn er gerrey diuish: niee jee nyn laueyn, shiuish pheccee, as glen‐jee nyn greeaghyn, shiuish dy aigney ghooble.

1 Peddyr 1:15

Agh myr ta eshyn ta er n’eamagh erriu casherick, myr shen bee‐jee shiuish casherick ayns nyn slane ymmyrkey‐bea.

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau‐jee earish nyn droailtys ayns shoh ayns aggle:

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

1 Ean 1:9

My ta shin goaill‐rish nyn beccaghyn, t’eshyn firrinagh as cairagh dy leih dooin nyn beccaghyn, as dy ghlenney shin veih dy chooilley neu‐ynrickys.

1 Ean 3:3

As ta dy chooilley ghooinney ta’n treishteil shoh echey ayn hene, glenney eh hene, dy jarroo myr t’eshyn glen.