2 Corinthianee 6:9 - Yn Conaant Noa 1810

⁹ Myr sleih nagh vel enney er ny choyrt orrin, as foast ta enney vie; myr goll dy baase, as cur‐my‐ner ta shin bio; myr smaghtit, as gyn v’er nyn goyrt dy baase;

Yn Vible Casherick 1775 1819

⁹ Myr sleih nagh vel enney er ny choyrt orrin, as foast ta enney vie; myr goll dy baase, as cur-my-ner ta shin bio; myr smaghtit, as gyn v’er nyn goyrt dy baase;

2 Corinthianee 6:9 ပူးပေါင်းရင်းမြစ်များ

Jannoo 17:18

Eisht hoie shiartanse jeh fir‐ynsee ny Epicureanee as ny Stoickyn er: as dooyrt paart jeu, Cre t’ec yn veealerey shoh dy ghra? Dooyrt feallagh elley, T’eh myr dy baillish goaill er‐dy hoiaghey seose Jeeghyn noa: er‐yn‐oyr dy row eh preacheil daue Yeesey, as yn irree‐seose‐reesht.

Jannoo 19:26

Marish shoh ta shiu fakin as clashtyn, dy vel Paul shoh, cha nee ynrycan ec Ephesus, agh faggys trooid ooilley Asia, er choyrlaghey as er hayrn ersooyl ymmodee sleih, gra, nagh nee Jeeghyn ad ta jeant lesh laueyn:

Jannoo 25:19

Agh va shiartanse dy whestionyn oc n’oï, mychione y chredjue oc hene, as mychione fer enmyssit Yeesey va marroo, agh va Paul shassoo er dy row eh bio.

Jannoo 25:26

As er‐y‐fa nagh vel shickyrys aym jeh nhee erbee oddym y scrieu gys my hiarn, ta mee er choyrt lhiam eh magh kiongoyrt riu, agh erskyn ooilley kiongoyrt rhyt’s, ree Agrippa, erreish da ve feyshtit, dy vod red ennagh ve aym dy scrieu.

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

Romanee 8:36

(Myr te scruit, Er dty ghraih ta shin ayns dangeyr baaish fey‐ny‐laa; ta shin coontit myr kirree ta pointit dy ve er nyn stroie)

1 Corinthianee 11:32

Agh tra ta shin er nyn mriwnys, ta shin er nyn smaghtaghey liorish y Chiarn, dy vod mayd gyn ve deyrit marish y seihll.

1 Corinthianee 15:31

Ta mee dy hickyraghey liorish y gerjagh t’ainyn ayns Creest Yeesey nyn Jiarn, dy vel mee geddyn vaaish gaghlaa.

1 Corinthianee 4:9

Son ta mee smooinaghtyn dy vel Jee er hoiaghey magh shinyn ny ostyllyn er‐jerrey ooilley, myr deiney faagit mooie son baase. Son ta shinyn shilley yindyssagh da’n seihll, as da ainleyn, as da deiney.

2 Corinthianee 11:6

Agh ga dy vel mee moal ayns glare, ny‐yeih cha vel mee myr shen ayns tushtey; agh ta shin er ve dy cronnal er ny hoilshaghey nyn mast’ eu ayns dy chooilley nhee.

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

2 Corinthianee 5:11

Toiggal er‐y‐fa shen atchim y Chiarn, ta shin coyrlaghey deiney; agh ta’n ynrickys ainyn er ny hoilshaghey gys Jee, as ta mee treishteil neesht, dy vel eh er ny hoilshaghey gys ny cooinsheanseyn euish.