2 Corinthianee 6:4 - Yn Conaant Noa 1810

⁴ Agh ayns dy chooilley nhee soilshaghey shin hene magh myr shirveishee Yee, ayns lane meenid, ayns seaghyn, ayns êgin, ayns chennid,

Yn Vible Casherick 1775 1819

⁴ Agh ayns dy chooilley nhee soilshaghey shin hene magh myr shirveishee Yee, ayns lane meenid, ayns seaghyn, ayns êgin, ayns chennid,

2 Corinthianee 6:4 ပူးပေါင်းရင်းမြစ်များ

Noo Luke 21:19

Fo ooilley nyn seaghyn cum‐jee seose nyn gree.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

Jannoo 2:22

Gheiney Israel, eaisht‐jee rish ny goan shoh; Yeesey dy Nazareth, dooinney ren Jee soiaghey jeh nyn mast’ eu, liorish mirrilyn, as yindyssyn as cowraghyn, dobbree Jee liorishyn ayns yn enish eu, myr s’mie fys myrgeddin eu hene:

Jannoo 20:34

Dy jarroo ta fys eu hene, dy nee ny laueyn shoh ren shirveish er my ymmyrch, as orroosyn va mârym.

Jannoo 9:16

Son soilshee‐yms da, cre ny seaghyn mooarey shegin da y hurranse son my ennym’s.

Romanee 14:18

Son t’eshyn ta shirveish Creest ayns ny reddyn shoh, ayns foayr rish Jee, as jeh goo mie mastey deiney.

Romanee 16:10

Bannee‐jee Apelles firrinagh ayns Creest. Bannee‐jee adsyn ta jeh lught thie Aristobulus.

Romanee 3:5

Agh myr ta’n neu‐ynrickys ainyn soilshaghey magh ynrickys Yee, cre jir mayd? Vel Jee neu‐chairagh ta goaill kerraghey? (ta mee loayrt myr dooinney)

Romanee 5:8

Agh ta Jee soilshaghey magh e ghraih hooinyn, choud as va shin foast nyn beccee, hur Creest baase er nyn son.

1 Corinthianee 3:5

Quoi eisht ta Paul, as quoi Apollos, agh shirveishee lioroo ren shiu credjal, dy jarroo myr ta’n Chiarn er choyrt da dagh unnane e ghioot hene?

1 Corinthianee 4:1

Lhig da dooinney myr shen soiaghey j’inyn, myr jeh shirveishee Chreest, as stiurtyn jeh folliaghtyn Yee.

1 Corinthianee 9:11

My ta shinyn er guirr diuish reddyn spyrrydoil, nee madyr mooar eh my nee mayd buinn ny nheeghyn seihltagh eu.

2 Corinthianee 11:23

Nee shirveishee Chreest ad? (ta mee loayrt myr ommydan) ta mish er‐nyn‐skyn: ayns tooilleilyn ny s’palchey, ayns surranse buillaghyn erskyn towse, ayns pryssoonyn ny s’menkey, ayns gaue baaish dy mennick.

2 Corinthianee 11:27

Ayns skeeys as doccar, ayns ve er my arrey dy mennick, ayns accyrys as paa, ayns trostey dy mennick, ayns feayraght as rooishtid:

2 Corinthianee 11:9

As tra va mee kionfenish mêriu, as ayns feme, cha dug mee dooinney erbee gys cost: agh shen ny va dy laccal orrym, ren ny braaraghyn haink veih Macedonia y yannoo magh: as ayns dy chooilley nhee ta mee er vreayll mee hene veih ve costyllagh diu, as shen myr nee’m mee hene y reayll.

2 Corinthianee 12:10

Shen‐y‐fa ta mee goaill boggey ayns annooinid, ayns oltooanyn, ayns êgin, ayns tranlaase, ayns chennid er graih Chreest: son tra ta mee annoon, eisht ta mee lajer.

2 Corinthianee 12:12

Dy firrinagh va cowraghyn jeh ostyl obbrit ny vud eu ayns dy chooilley hurranse, ayns cowraghyn as yindyssyn, as obbraghyn niartal.

2 Corinthianee 2:17

Son cha vel shin myr ymmodee, ta soiaghey magh goo Yee dy molteyragh: agh myr jeh’n ynrickys agh myr jeh Jee, ayns shilley Yee ta shin loayrt ayns Creest.

2 Corinthianee 3:6

Eh ta myrgeddin er n’yannoo shin shirveishee cooie jeh’n chonaant noa; cha nee jeh’n leigh, agh jeh’n spyrryd: son ta’n leigh gobbraghey baase, agh ta’n spyrryd coyrt bioys.

2 Corinthianee 4:17

Son ta’n seaghyn eddrym ain, nagh vel agh son shallid, gobbraghey nyn gour towse erskyn earroo foddey smoo as dy bragh farraghtyn dy ghloyr;

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

2 Corinthianee 4:8

Ta shin seaghnit er dagh cheu, agh cha vel shin ayns chennid: ta shin êginit, agh cha vel shin fo mee‐hreishteil;

2 Corinthianee 7:11

Son cur‐my‐ner, yn red shoh hene, dy row shiu trimshagh lurg aght crauee, cre’n imnea ghooisht eh ayndiu, dy jarroo, cre’n seyrey j’iu hene, dy jarroo, cre’n jymmoose, dy jarroo, cre’n aggle, dy jarroo, cre’n yeearree aggindagh, dy jarroo, cre’n jeeanid, dy jarroo, cre’n kerraghey? ayns dy chooilley nhee ta shiu er phrowal shiu hene seyr ayns y chooish shoh.

Colossianee 1:11

Er nyn niartaghey lesh slane troshid, cordail rish y phooar gloyroil echeysyn, gys dy chooilley veenid as surranse‐foddey, lesh gennallys;

Colossianee 1:24

Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

1 Thessalonianee 3:7

Shen‐y‐fa, vraaraghyn, va shin er nyn gherjaghey my‐nyn‐gione ayns ooilley nyn seaghyn as êgin liorish y chredjue eu:

1 Thessalonianee 5:14

Nish ta shin guee erriu, vraaraghyn, cur‐jee raaue dauesyn ta mee‐reiltagh, jean‐jee gerjaghey adsyn ta lhag‐chreeagh, ymmyrk‐jee lesh ny annooinee, bee‐jee surransagh rish dy chooilley ghooinney.

1 Timothy 2:15

Foast, bee ee er ny hauail ayns gymmyrkey‐lhiannoo, my nee ad tannaghtyn ayns credjue as graih, as craueeaght lesh sheeltys.

1 Timothy 4:6

My nee oo ny braaraghyn y choyrt ayns cooinaghtyn jeh ny reddyn shoh, bee oo dty hirveishagh vie dy Yeesey Creest, troggit ayns goan y chredjue, as ynsagh mie, huggey t’ou er roshtyn.

1 Timothy 6:11

Agh uss, O ghooinney dy Yee, chea veih ny reddyn shoh: as eiyr da ynrickys, craueeaght, credjue, graih, surranse, meenid.

2 Timothy 1:8

Ny bee nearey ort er‐y‐fa shen jeh recortys nyn Jiarn, ny jeem’s e phryssoonagh: agh gow uss ayrn mârym’s ayns seaghyn y tushtal, cordail rish pooar Yee;

2 Timothy 2:24

As cha nhegin da sharvaant y Chiarn ve streeuagh: agh ve meen rish dy chooilley ghooinney, aarloo dy ynsaghey, surransagh.

2 Timothy 4:5

Agh bee uss er dty arrey ayns dy chooilley nhee, bee surransagh fo seaghyn, cooilleen obbyr sushtallagh, cur slane prowal jeh dty oik.

Hebrewnee 12:1

Shen‐y‐fa fakin dy vel shinyn myrgeddin combaasit mygeayrt lesh lheid yn earroo [ooasle] dy eanishyn, lhig dooin cur voïn dy chooilley hrimmid, as y peccah shen ta cha aarloo dy nyn lhiettal, as lhig dooin dy jeean roie yn race ta soit kiongoyrt rooin,

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.

Ashlish 3:10

Er‐yn‐oyr dy vel oo er vreayll goo my hurranse, freill‐yms uss myrgeddin veih’n oor dy hrial, ta ry‐hoi cheet er ooilley’n seihll, dy phrowal adsyn ta baghey er y thalloo.