2 Corinthianee 6:3 - Yn Conaant Noa 1810

³ Ny lhig dooin oyr dy scammylt y choyrt ayns nhee erbee, nagh bee cômys er ny choyrt da’n oik ain:

Yn Vible Casherick 1775 1819

³ Ny lhig dooin oyr dy scammylt y choyrt ayns nhee erbee, nagh bee cômys er ny choyrt da’n oik ain:

2 Corinthianee 6:3 ပူးပေါင်းရင်းမြစ်များ

Noo Mian 17:27

Ny‐yeih, son nagh bee cômys er ny chur hooin, immee uss gys y cheayn, as lhig sheese dooan, as trog y chied eeast hig hood: as tra vees oo er vosley e veeal yiow peesh dy argid ayn; shen gow, as eeck eh er my hon’s as er dty hon hene.

Noo Mian 18:6

Agh quoi‐erbee ver oyr da unnane jeh’n vooinjer veggey shoh ta credjal aynym’s dy huittym [veih’n chredjue] veagh eh ny baare da dy beagh clagh‐wyllin er ve croghit mysh e wannal, as eh dy ve baiht ayns diunid ny marrey.

Jannoo 19:27

Myr shen dy vel, cha nee ny lomarcan yn cheird shoh ain ayns dangeyr dy ve mee‐lowit; agh myrgeddin chiamble yn ven‐jee vooar Diana dy ve beg soit jeh, as yn ard‐ooashley eck dy ve er ny stroie, jeeish ta ooilley Asia as y seihll cur ooashley.

Romanee 14:13

Ny lhig dooin er‐y‐fa shen briwnys y cheilley ny sodjey: agh kiarail y ghoaill, nagh der dooinney erbee ribbey, ny oyr tuittym ayns raad e vraar.

1 Corinthianee 9:12

Myr ta fir‐ynsee elley er ghoaill y phooar shoh harriu, nagh vel eh ny s’cooie dooinyn? Ny‐yeih, cha vel shin er n’yannoo ymmyd jeh’n phooar shoh; agh ta shin er hurranse dy chooilley chreoghys, er‐aggle dy jinnagh shin sushtal Chreest y lhiettal.

1 Corinthianee 9:22

Dauesyn ta faase‐chredjuagh, haink mee dy ve myr faase‐chredjuagh, dy voddin yn vooinjer faase chredjuagh y chosney: dy chooilley aght ta mee er m’ymmyrkey hene gys dy chooilley ghooinney, dy voddin liorish dy chooilly haase paart y hauail.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 8:20

Shaghney shoh, nagh der dooinney erbee cômys hooin ayns y phalchey shoh t’er ny hirveish liorin: