2 Corinthianee 5:10 - Yn Conaant Noa 1810

¹⁰ Son shegin dooin ooilley shassoo fenish stoyl‐briwnys Chreest, dy vod dy chooilley unnane ve cooilleenit son ny reddyn ta jeant ayns y challin, cordail rish shen ny t’eh er n’yannoo, lhig eh ve mie ny sie.

Yn Vible Casherick 1775 1819

¹⁰ Son shegin dooin ooilley shassoo fenish stoyl-briwnys Chreest, dy vod dy chooilley unnane ve cooilleenit son ny reddyn ta jeant ayns y challin, cordail rish shen ny t’eh er n’yannoo, lhig eh ve mie ny sie.

2 Corinthianee 5:10 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Jannoo 10:42

As hug eh sarey dooin dy phreacheil gys y pobble, as dy ymmyrkey feanish dy nee eshyn, liorish oardagh Yee, ta dy ve briw ny bioee as ny merriu.

Jannoo 17:31

Er‐yn‐oyr dy vel eh er n’oardaghey laa ry‐hoi yn seihll y vriwnys ayns cairys, liorish y dooinney shen t’eh er phointeil; as jeh shoh t’eh er chur shickyrys da dy chooilley ghooinney, ayns dy vel eh er hroggal eshyn veih ny merriu.

Romanee 2:16

Ayns y laa tra nee Jee folliaghtyn gheiney y vriwnys liorish Yeesey Creest, cordail rish y sushtal fo my churrym.

Romanee 6:19

Ta mee loayrt lurg cliaghtey deiney, er coontey annooinid yn eill eu: son ’naght myr ta shiu er livrey seose ny oltyn eu dy ve sharvaantyn gys neu‐ghlennid, as veih mee‐chairys gys mee‐chairys; myr shen jean‐jee nish livrey seose ny oltyn eu sharvaantyn dy ynrickys, gys casherickys.

1 Corinthianee 4:5

Shen‐y‐fa ny jean‐jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Corinthianee 7:3

Cha vel mee loayrt shoh dy gheyrey shiu: son ta mee roïe er ghra, dy vel shiu ayns nyn gree, dy ve mêriu ayns baase ny bioys.

Ephesianee 6:8

Toiggal shoh, mie erbee dy vel dooinney dy yannoo, lheid cheddin yiow eh veih’n Chiarn, edyr eh ve sharvaant ny seyr.

Hebrewnee 9:27

As ’naght myr te er ny phointeil da deiney dy gheddyn baase un cheayrt, agh lurg shoh yn vriwnys:

1 Peddyr 4:5

Shegin coontey choyrt dasyn ta aarloo dy vriwnys ny bioee as ny merriu.

Ashlish 2:23

As stroie‐ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver‐yms da dagh unnane eu cordail rish nyn obbraghyn.

Ashlish 22:12

As cur‐my‐ner, ta mee cheet dy tappee; as ta my leagh mârym, dy choyrt da dy chooilley ghooinney cordail rish e obbraghyn.