2 Corinthianee 5:1 - Yn Conaant Noa 1810

¹ Son ta fys ain, dy beagh y thie thallooinagh ain jeh’n chabbane shoh er ny choyrt naardey, dy vel ynnyd‐vaghee ain veih Jee, thie nagh vel jeant lesh laueyn, dy bragh farraghtyn ayns ny niaughyn.

Yn Vible Casherick 1775 1819

¹ Son ta fys ain, dy beagh y thie thallooinagh ain jeh’n chabbane shoh er ny choyrt naardey, dy vel ynnyd-vaghee ain veih Jee, thie nagh vel jeant lesh laueyn, dy bragh farraghtyn ayns ny niaughyn.

2 Corinthianee 5:1 ပူးပေါင်းရင်းမြစ်များ

Noo Mark 14:58

Cheayll shin eh gra, Lhieg‐yms y chiamble shoh ta jeant lesh laueyn, as cheu‐sthie jeh three laa, trog‐ym chiamble elley vees jeant fegooish laueyn.

Jannoo 7:48

Ny‐yeih cha vel y Jee smoo ard cummal ayns chiambyllyn troggit lesh laueyn; myr ta’n phadeyr gra,

1 Corinthianee 3:9

Son ta shinyn co‐obbreeyn fo Jee: ta shiuish farrysthie Yee, shiuish troggal Yee.

2 Corinthianee 4:7

Agh ta’n verchys shoh ainyn ayns siyn craie, dy vod ard‐ooashley yn phooar ve veih Jee, as cha nee voïnyn.

2 Corinthianee 5:4

Son ta shinyn t’ayns y chabbane shoh osnaghey, fo errey: cha nee dy baillhien ve gyn coamrey, agh coamrit harrish, dy voddagh y stayd baasoil ve sluggit seose ayns bioys.

Colossianee 2:11

Aynsyn ta shiuish myrgeddin er nyn ghiarey‐chymmylt lesh y ghiarey‐chymmylt jeant fegooish laueyn, ayns coyrt ersooyl corp peccaghyn yn eill, liorish giarey‐chymmylt Chreest:

2 Timothy 1:12

Er‐yn‐oyr cheddin ta mee myrgeddin surranse ny reddyn shoh, ny‐yeih cha vel nearey orrym: son shione dou eshyn ayn ta mee er credjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

Hebrewnee 11:10

Son v’eh jerkal rish ard‐valley er undinyn [shickyr], jeant as troggit liorish Jee.

Hebrewnee 9:11

Agh ta Creest er jeet dy ve ny ard‐saggyrt jeh reddyn mie ry‐heet, liorish cabbane‐agglish smoo as s’fondee, cha nee jeant lesh laueyn, ta shen dy ghra, cha nee jeh’n troggal shoh;

Hebrewnee 9:24

Son cha vel Creest er n’gholl stiagh ayns ny ynnydyn casherick jeant lesh laueyn, ta co‐chaslyslyn jeh’n ynnyd firrinagh; agh ayns niau hene, nish dy hassoo ayns fenish Yee er nyn son:

1 Peddyr 1:4

Gys eiraght shickyr as casherick, as nagh vel lheïe ersooyl, kiarit ayns niau nyn gour euish.

2 Peddyr 3:11

Fakin eisht dy jean ooilley ny reddyn shoh lheïe ersooyl, cre’n sorch dy phersoonyn lhisagh shiuish y ve ayns dy chooilley ymmyrkey crauee as casherickys!

1 Ean 3:14

Ta fys ain dy vel shin caghlaait veih baase gys bea, er‐yn‐oyr dy nhynney lhien ny braaraghyn: eshyn nagh nhynney lesh e vraar, t’eh tannaghtyn ayns baase.

1 Ean 3:19

As liorish shoh ta fys ain er dy vel shin jeh’n irriney, as bee shickyrys ec nyn greeaghyn kiongoyrt rish,

1 Ean 3:2

My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll rishyn; son nee mayd fakin eh myr t’eh.