2 Corinthianee 4:4 - Yn Conaant Noa 1810

⁴ Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

Yn Vible Casherick 1775 1819

⁴ Ny-vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co-chaslys Yee, soilshean hucsyn.

2 Corinthianee 4:4 ပူးပေါင်းရင်းမြစ်များ

Noo Mian 13:22

Eshyn myrgeddin ghow yn rass mastey ny drineyn, yn fer ta chlashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu‐vessoil.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 1:18

Cha vel unnane erbee er vakin Jee ec traa erbee; yn ynrican Mac v’er‐ny‐gheddyn, ta ayns oghrish yn Ayr, eshyn t’er hoilshaghey eh.

Noo Ean 12:31

Nish ta briwnys y theihll shoh: nish vees prince y theihll shoh er ny hilgey magh.

Noo Ean 12:35

Eisht dooyrt Yeesey roo, Foast tammylt beg ta’n soilshey mêriu: shooill‐jee choud as ta’n soilshey eu, er‐aggle dy jig y dorraghys erriu: son cha vel fys echeysyn ta shooyll ayns y dorraghys c’raad t’eh goll.

Noo Ean 12:40

T’eh er lhiggey lhieu dolley ny sooillyn oc, as creoghey nyn gree; nagh vaikagh ad lesh nyn sooillyn, as nagh doighagh ad lesh nyn gree, dy beagh ad er nyn jyndaa, as dy jinnin ad y lheihys.

Noo Ean 12:45

As eshyn ta dy my akin, t’eh fakin eshyn t’er my choyrt.

Noo Ean 14:30

Veih shoh magh cha loayr‐ym cooidvooar riu: son ta prince y theihll shoh cheet, as cha vel nhee erbee echey aynym’s.

Noo Ean 15:24

Mannagh beign’s er n’yannoo nyn mast’ oc lheid ny obbraghyn as nagh ren rieau dooinney erbee elley, cha beagh peccah er ve oc: agh nish t’ad er vakin as er chur dwoaie chammah dooys as da my Ayr.

Noo Ean 16:11

Mychione briwnys, son dy vel prince y theihll shoh er ny vriwnys.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooyllee eh ayns y dorraghys, agh bee echeysyn soilshey yn vea.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Jannoo 26:23

Dy row Creest dy hurranse, as dy nee eh veagh y chied er yinnagh girree veih ny merriu, as soilshey y skeayley magh er y pobble, as er ny Ashoonee.

1 Corinthianee 10:20

Agh ta mee gra, dy vel ny ourallyn ta ny Ashoonyn‐quaagh dy hebbal, chebbit gys drogh‐spyrrydyn, as cha nee gys Jee: as cha baillym shiu dy ghoaill commee marish drogh‐spyrrydyn.

2 Corinthianee 2:11

Er‐aggle dy voghe yn Noid‐anmey vondeish orrin: son cha vel e chialgyn gyn‐yss dooin.

2 Corinthianee 2:12

Ny‐sodjey, tra haink mee gys Troas dy phreacheil sushtal Chreest, as dy row dorrys er ny osley dou ayns y Chiarn.

2 Corinthianee 3:11

Son my va shen t’er ny choyrt naardey gloyroil, foddey smoo ta shen ta farraghtyn gloyroil.

2 Corinthianee 3:14

Agh va nyn aignaghyn dollit: son gys y laa t’ayn jiu ta’n coodagh cheddin er‐mayrn orroo, ayns lhaih yn chenn chonaant; yn coodagh cheddin ta goit jeh ayns Creest.

2 Corinthianee 3:18

Agh shinynooilley lesh eddin foshlit, cur‐my‐ner myr ayns gless gloyr y Chiarn, ta shin er nyn gaghlaa gys y chaslys cheddin, veih gloyr gys gloyr, myr liorish Spyrryd y Chiarn.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

Galatianee 1:4

Ren eh‐hene y choyrt son nyn beccaghyn, dy livrey shin veih’n drogh heihll t’ayn nish, cordail rish aigney Yee as nyn Ayr:

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Ephesianee 6:12

Son cha vel shin gleck noi feill as fuill, agh noi ard‐reilltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er‐nyn‐skyn.

Philippianee 2:6

Quoi, myr v’eh ayns cummey Yee, nagh smooinee eh eh roosteyrys erbee dy ve corrym rish Jee:

Colossianee 1:15

Eshyn ta co‐chaslys yn Jee nagh vod ve er ny akin, yn chied‐er‐ny‐gheddyn jeh dy chooilley chretoor:

Colossianee 1:27

Dauesyn ve aigney Yee dy hoilshaghey cre ta’n verchys ghloyroil jeh’n folliaght shoh mastey ny Ashoonee; ta shen Creest ayndiuish, yn treishteil dy ghloyr:

1 Timothy 1:11

Cordail rish sushtal gloyroil yn Jee bannit, va er ny choyrt gys my churrym.

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Hebrewnee 1:3

Myr v’eh sollyssid e ghloyr, as eer co‐chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard‐ooashley ayns yn yrjid:

Hebrewnee 6:4

Son te erskyn towse doillee dauesyn va un cheayrt er nyn soilshaghey, as t’er vlashtyn yn gioot flaunyssagh, as va goaill ayrn jeh’n Spyrryd Noo,

2 Peddyr 1:19

Ta ain myrgeddin goo shickyree dy adeyrys; gys shen ta shiu jannoo dy mie dy der shiu tastey, myr da soilshey ta soilshean ayns ynnyd dorraghey, derrey ta’n laa brishey, as rollage y voghrey girree ayns nyn greeaghyn:

1 Ean 2:11

Agh eshyn ta feoh echey er e vraar, t’eh ayns dorraghys, as shooyl ’sy dorraghys, as cha vel fys echey cre’n raad t’eh goll, son dy vel dorraghys er gholley e hooillyn.

1 Ean 2:8

Reesht, anney noa ta mee scrieu hiu, red ta firrinagh aynsyn as ayndiuish: er‐y‐fa dy vel y dorraghys er n’gholl shaghey, as dy vel yn soilshey firrinagh hannah er jeet rish.

1 Ean 5:19

As ta fys ain dy vel shin veih Jee, as dy vel ooilley yn seihll ny lhie ayns mee‐chraueeaght.