2 Corinthianee 4:16 - Yn Conaant Noa 1810

¹⁶ Son yn oyr shen cha vel shin lhiggey nyn gree voïn, agh ga dy vel y dooinney ain er cheumooie goll naardey, foast ta’n dooinney er cheu‐sthie er ny niartaghey laa lurg laa.

Yn Vible Casherick 1775 1819

¹⁶ Son yn oyr shen cha vel shin lhiggey nyn gree voïn, agh ga dy vel y dooinney ain er cheu-mooie goll naardey, foast ta’n dooinney er cheu-sthie er ny niartaghey laa lurg laa.

2 Corinthianee 4:16 ပူးပေါင်းရင်းမြစ်များ

Noo Luke 11:3

Cur dooin laa lurg laa nyn arran gagh laa.

Romanee 12:2

As ny jean‐jee shiu hene y chummey gys y theihll shoh; agh bee‐jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

Romanee 7:22

Son ta taitnys aym ayns leigh Yee, cordail rish y dooinney er cheu‐sthie.

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

2 Corinthianee 12:15

As dy feer arryltagh nee’m baarail, as bee’m er my vaarail er nyn son eu; ga myr smoo dy mooar ta mish graihagh erriuish, sloo dy ghraih t’euish orrym.

2 Corinthianee 4:1

Fakin er‐y‐fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

Ephesianee 3:16

Dy jinnagh eh coyrt diuish, cordail rish berchys e ghloyr, dy ve er nyn niartaghey lesh pooar liorish e Spyrryd ayns y dooinney er cheu‐sthie;

Ephesianee 4:23

As bee‐jee er nyn yannoo ass‐y‐noa ayns spyrryd nyn aigney;

Colossianee 3:10

As dy vel shiu er chur erriu yn dooinney noa, ta er ny yannoo ass‐y‐noa ayns tushtey, lurg y co‐chaslys echeysyn ren eshyn y chroo.

Titus 3:5

Cha nee liorish obbraghyn dy chairys, ta shin er n’yannoo, agh cordail rish e vyghin t’eh er hauail shin liorish niee yn aa‐ghiennaghtyn [ayns bashtey], as jannoo shin ass‐y‐noa liorish y Spyrryd Noo;

1 Peddyr 3:4

Agh lhig da ve yn dooinney follit ’sy chree, ayns shen nagh jed naardey, dy jarroo yn coamrey dy spyrryd meen as feagh, ta mooar soit jeh ayns shilley Yee.

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.