2 Corinthianee 4:1 - Yn Conaant Noa 1810

¹ Fakin er‐y‐fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

Yn Vible Casherick 1775 1819

¹ Fakin er-y-fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

2 Corinthianee 4:1 ပူးပေါင်းရင်းမြစ်များ

Noo Luke 18:1

As loayr eh coraa‐dorraghey roo, dy lhisagh deiney kinjagh padjer y ghoaill, as gyn ad y ve lhiastey;

1 Corinthianee 3:5

Quoi eisht ta Paul, as quoi Apollos, agh shirveishee lioroo ren shiu credjal, dy jarroo myr ta’n Chiarn er choyrt da dagh unnane e ghioot hene?

1 Corinthianee 7:25

Nish mychione moidynyn, cha vel sarey erbee aym veih’n Chiarn: ny‐yeih ta mee livrey my smooinaghtyn hene, myr fer ta er gheddyn foayr veih yn Chiarn dy ve firrinagh.

2 Corinthianee 3:12

Fakin eisht dy vel ain lheid y treishteil, ta shin goaill orrin dy loayrt lesh slane reamys.

2 Corinthianee 3:6

Eh ta myrgeddin er n’yannoo shin shirveishee cooie jeh’n chonaant noa; cha nee jeh’n leigh, agh jeh’n spyrryd: son ta’n leigh gobbraghey baase, agh ta’n spyrryd coyrt bioys.

2 Corinthianee 4:16

Son yn oyr shen cha vel shin lhiggey nyn gree voïn, agh ga dy vel y dooinney ain er cheumooie goll naardey, foast ta’n dooinney er cheu‐sthie er ny niartaghey laa lurg laa.

2 Corinthianee 5:18

As ta dy chooilley nhee veih Jee, ta er choardail shinyn rish hene liorish Yeesey Creest, as ta er livrey dooin shirveish y choardail;

Galatianee 6:9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd lhiastey.

Ephesianee 3:13

Shen‐y‐fa ta mee guee erriu ny lhig shiu nyn gree veue; son ny ta mish dy uilliaghtyn ayns y lieh euish, ta shoh yn ghloyr eu.

Philippianee 4:13

Foddym dy chooilley nhee y yannoo trooid Creest ta dy my niartaghey.

2 Thessalonianee 3:13

Agh shiuish, vraaraghyn, ny bee‐jee liastey ayns jannoo mie.

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er‐yn‐oyr dy ren mee eh dy neu‐hushtagh, ayns mee‐chredjue:

Hebrewnee 12:3

Son smooinee‐jee ersyn ren gymmyrkey lheid ny oltooanyn veih peccee n’oï hene, er aggle dy jean shiu lhaggaghey er y raad, as coayl nyn gree.

1 Peddyr 2:10

Ayns traa dy row nagh nee pobble va shiu, agh ta shiu nish pobble Yee: nagh row er gheddyn myghin, agh ta shiu nish er gheddyn myghin.

Ashlish 2:3

As t’ou er n’ymmyrkey yn errey, as ta ayd meenid, as er graih my ennym t’ou er hooilleil, as cha vel oo er choayl dty chree.