2 Corinthianee 3:8 - Yn Conaant Noa 1810

⁸ Kys nagh bee shirveish y spyrryd ny smoo gloyroil?

Yn Vible Casherick 1775 1819

⁸ Kys nagh bee shirveish y spyrryd ny smoo gloyroil?

2 Corinthianee 3:8 ပူးပေါင်းရင်းမြစ်များ

Noo Ean 1:17

Son va’n leigh er ny choyrt liorish Moses, agh haink grayse as firrinys liorish Yeesey Creest.

Noo Ean 7:39

(Agh shoh loayr eh jeh’n Spyrryd, v’adsyn va credjal ayn ry‐hoi gheddyn: son cha row yn Spyrryd Noo foast er ny choyrt, er‐yn‐oyr nagh row Yeesey foast er ny ghloyraghey.)

1 Corinthianee 3:16

Nagh vel fys eu dy nee shiuish chiamble Yee, as dy vel Spyrryd Yee baghey ayndiu?

2 Corinthianee 11:4

Son my t’eshyn ta cheet, preacheil Yeesey elley nagh vel shinyn er phreacheil, ny my ta shiu geddyn spyrryd elley, nagh vel shiu [hannah] er gheddyn, ny sushtal elley, nagh vel shiu er ghoaill rish, oddagh shiu dy mie gymmyrkey lesh.

2 Corinthianee 3:17

Nish she’n Chiarn yn Spyrsyd shen: as raad ta Spyrryd y Chiarn, shen y raad ta reamys.

2 Corinthianee 3:6

Eh ta myrgeddin er n’yannoo shin shirveishee cooie jeh’n chonaant noa; cha nee jeh’n leigh, agh jeh’n spyrryd: son ta’n leigh gobbraghey baase, agh ta’n spyrryd coyrt bioys.

2 Corinthianee 3:7

Agh my va shirveish y vaaish, scruit as grainnit er claghyn, gloyroil; myr shen nagh voddagh cloan Israel jeeaghyn dy gyere er eddin Voses, son sollyssid e eddin, yn sollyssid cheddin va dy lheïe ersooyl.

2 Corinthianee 3:9

Son my va shirveish yn deyrey gloyroil, foddey smoo ta’n chirveish dy ynrickys er‐e‐skyn ayns gloyr.

Galatianee 3:14

Dy voddagh bannaght Abraham cheet er ny Ashoonee trooid Yeesey Creest: dy voddagh shin gialdyn yn Spyrryd y chosney trooid credjue.

Galatianee 5:5

Son ta shinyn trooid y Spyrryd farkiaght son y treishteil dy chairys liorish credjue.

Ephesianee 2:18

Son ny hrooidsyn ta kied ain ny‐neesht dy hayrn er‐gerrey gys yn Ayr liorish un Spyrryd.

2 Thessalonianee 2:13

Agh ta shin kianlt dy chur booise kinjagh da Jee er nyn son, vraaraghyn, graihagh ayns y Chiarn son dy vel Jee er‐dyn toshiaght er reih shiu gys saualtys, trooid casherickys y Spyrryd, as credjue jeh’n irriney:

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.