2 Corinthianee 3:5 - Yn Conaant Noa 1810

⁵ Cha nee dy vel shin fondagh j’in hene dy smooinaghtyn nhee erbee myr j’in hene; agh ta’n phooar ain veih Jee.

Yn Vible Casherick 1775 1819

⁵ Cha nee dy vel shin fondagh j’in hene dy smooinaghtyn nhee erbee myr j’in hene; agh ta’n phooar ain veih Jee.

2 Corinthianee 3:5 ပူးပေါင်းရင်းမြစ်များ

Noo Luke 21:15

Son ver‐yms diu beeal as creenaght, nagh bee ooilley nyn noidyn son loayrt ny shassoo magh n’oï.

Noo Luke 24:49

As cur‐my‐ner, ver‐yms hiu gialdyn my Ayrey: agh fuirree‐jee ayns ard‐valley Yerusalem, derrey vees shiu coamrit lesh pooar veih’n yrjid.

Noo Ean 15:5

Mish y billey‐feeyney, shiuish ny banglaneyn: eshyn ta tannaghtyn aynym’s, as mish aynsyn, t’eh shoh cur magh mooarane mess: son scarrit voym’s cha vod shiu jannoo monney dy vie.

Romanee 15:18

Son cha goym orrym dy loayrt jeh veg jeh ny reddyn shen nagh vel Creest er n’obbraghey liorym, ayns tayrn ny Ashoonee gys biallys, liorish raa as jannoo.

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

1 Corinthianee 3:10

Cordail rish grayse Yee t’er ny choyrt dooys, myr ard‐vasoonagh creeney, ta mee er hoiaghey yn undin, as ta fer elley troggal er. Agh lhig da dy chooilley ghooinney kiarail y ghoaill kys t’eh troggal er.

1 Corinthianee 3:6

Ta mish er hoiaghey, ren Apollos gushtaghey, agh Jee ren bishaghey.

2 Corinthianee 12:9

As dooyrt eh rhym, Ta’n ghrayse aym’s fondagh er dty hon: son ta’n niart aym’s dy slane er ny hoilshaghey ayns annooinid. Ny s’arryltee er‐y‐fa shen neem’s boggyssagh ayns my annooinidyn, dy vod pooar Chreest ve breeoil aynym.

2 Corinthianee 2:16

Da’n derrey yeh ta shin blass y vaaish gys baase; as da’n jeh elley ta shin blass y vea gys bea: as quoi ta fondagh son ny reddyn shoh?

2 Corinthianee 4:7

Agh ta’n verchys shoh ainyn ayns siyn craie, dy vod ard‐ooashley yn phooar ve veih Jee, as cha nee voïnyn.

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney mie hene.

Philippianee 4:13

Foddym dy chooilley nhee y yannoo trooid Creest ta dy my niartaghey.

2 Timothy 2:2

As ny reddyn t’ou er chlashtyn voym’s roish ymmodee feanishyn, cur uss ayns treishteil deiney firrinagh, vees fondagh dy ynsaghey feallagh elley myrgeddin.

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.