2 Corinthianee 2:11 - Yn Conaant Noa 1810

¹¹ Er‐aggle dy voghe yn Noid‐anmey vondeish orrin: son cha vel e chialgyn gyn‐yss dooin.

Yn Vible Casherick 1775 1819

¹¹ Er-aggle dy voghe yn Noid-anmey vondeish orrin: son cha vel e chialgyn gyn-yss dooin.

2 Corinthianee 2:11 ပူးပေါင်းရင်းမြစ်များ

Noo Mian 4:10

Eisht dooyrt Yeesey rish, Ass my enish oo, Noid‐ny‐hanmey: son te scruit, Ver oo ooashley da’n Chiarn dty Yee, as eshyn ynrycan nee oo shirveish.

Noo Luke 22:31

As dooyrt y Chiarn, Simon, Simon, cur‐my‐ner, ta Satan er yeearree shiuish y ghoaill, dy chree‐arey shiu myr curnaght:

Noo Ean 13:2

As myr v’ad gee nyn shibber (va’n drogh‐spyrryd nish er choyrt eh ayns cree Yuaase Iscariot mac Simon, dy vrah eh)

Jannoo 1:25

Dy ghoaill ayrn jeh’n chirveish as yn ostyllys shoh, veih ta Yuaase liorish e pheccah er duittym, as er n’gholl gys e ynnyd hene.

1 Corinthianee 7:5

Ny treig‐jee y cheilley, agh lesh coardail son traa, dy vod caa ve eu son trostey as padjer; as dy heet cooidjagh reesht, nagh miolee yn drogh‐spyrryd shiu son nyn neu‐heeltys.

2 Corinthianee 11:14

As cha nee yindys erbee eh; son ta Satan hene goaill er cummey ainle dy hoilshey.

2 Corinthianee 11:3

Agh ta aggle orrym, myr ren yn ard‐nieu Aue y volley liorish e chialgyn, myr shen dy beagh ny aignaghyn cuish liorish saaseyn erbee er nyn gleaynaghey veih’n ônid shen t’ayns Creest.

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

2 Timothy 2:25

Ayns meenid gynsageey adsyn ta shassoo magh; my saillish Jee arrys y chur daue gys goaill‐rish yn irriney;

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie:

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 2:24

Agh riuish ta mee gra, as rish y vooinjer elley ta ayns Thyatira, Whilleen as nagh vel yn ynsagh shoh oc, as nagh vel er doiggal croutyn dowiney yn Drogh spyrryd, myr jir ad, cha der ym erriu errey erbee sodjey.