2 Corinthianee 13:5 - Yn Conaant Noa 1810

⁵ Feysht‐jee shiu hene, vel shiu ayns y chredjue; prow‐jee shiu hene: nagh vel fys euish shiu hene, dy vel Yeesey Creest ayndiu; mannagh vel, ta shiu mee‐lowit?

Yn Vible Casherick 1775 1819

⁵ Feysht-jee shiu hene, vel shiu ayns y chredjue; prow-jee shiu hene: nagh vel fys euish shiu hene, dy vel Yeesey Creest ayndiu; mannagh vel, ta shiu mee-lowit?

2 Corinthianee 13:5 ပူးပေါင်းရင်းမြစ်များ

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Noo Ean 15:4

Jean‐jee tannaghtyn aynym’s, as mish ayndiuish. Myr nagh vod y banglane mess y ymmyrkey jeh hene, mannagh vel eh tannaghtyn ayns y villey‐feeyney: chamoo oddys shiuish, mannagh jean shiu tannaghtyn aynym’s.

Noo Ean 17:23

Mish ayndoosyn, as uss aynym’s, dy vod ad ve jeant slane firrinagh ayns unnaneys, as dy vod fys ve ec y seihll dy vel oo er my choyrt, as dy vel oo er ve graihagh orroosyn, myr t’ou er ve graihagh orrym’s.

Noo Ean 17:26

As ta mee er hoilshaghey daue dt’ennym’s, as nee’m y hoilshaghey eh: dy vod y graih, liorish t’ou er ve graihagh orrym’s, ve ayndoo, as mish ayndoosyn.

Noo Ean 6:56

Eshyn ta gee my eill as giu my uill, t’eh baghey aynym’s, as mish aynsyn.

Noo Ean 6:6

(As shoh dooyrt eh dy phrowal eh: son v’eh hene kiarit cre dy yannoo.)

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

Romanee 8:10

As my ta Creest ayndiu, ta’n corp marroo, kyndagh rish peccah; agh ta’n spyrryd bea, liorish cairys.

1 Corinthianee 11:28

Agh lhig da dooinney eh hene y eysht; as myr shen lhig da gee jeh’n arran shen, as giu jeh’n chappan shen.

1 Corinthianee 11:31

Son dy jinnagh shin shin‐hene y vriwnys, cha beagh shin er nyn mriwnys.

1 Corinthianee 3:16

Nagh vel fys eu dy nee shiuish chiamble Yee, as dy vel Spyrryd Yee baghey ayndiu?

1 Corinthianee 6:15

Nagh vel fys eu, dy vel ny kirp eu oltyn Chreest? jeanym eisht oltyn Chreest y ghoaill, as ad y yannoo oltyn streebagh? Ny lhig eh Jee.

1 Corinthianee 6:19

Cre, nagh vel fys eu dy vel y corp eu chiamble y Spyrryd Noo ta ayndiu, ta eu veih Jee, as cha vel shiu lhieu hene?

1 Corinthianee 6:2

Nagh vel fys eu dy jean ny nooghyn yn seihll y vriwnys? as my vees yn seihll er ny vriwnys lieriuish, vel shiuish neu‐feeu dy vriwnys ny cooishyn s’fardalee?

1 Corinthianee 9:24

Nagh vel fys eu hene, dy vel adsyn ta roie ayns race, ooilley roie, agh dy nee unnane ta geddyn yn leagh? Roie‐jee shiuish er lheid yn aght, dy vod shiu cosney.

1 Corinthianee 9:27

Agh ta mee freayll my chorp fo, as dy smaghtaghey eh; er‐aggle liorish aght erbee, erreish dooys v’er breacheil da feallagh elley, dy beign’s mee hene tilgit jeh.

2 Corinthianee 6:16

As cre’n chaarjys t’ec chiamble Yee rish jallooyn? son ta shiuish chiamble yn Jee bio; myr ta Jee er ghra, Neem’s beaghey ayndoo, as gimmeeaght mâroo; as beem’s yn Jee ocsyn, as bee adsyn yn pobble aym’s.

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Galatianee 4:19

My chloan veggey, j’iuish ta mee reesht myr ayns pianyn troailt, derrey vees Creest er ny chummey ayndiu.

Galatianee 6:4

Agh lhig da dy chooilley ghooinney e obbyr hene y phrowal, as eisht vees echey oyr boggey ayn hene ny lomarcan, as cha nee ayns fer elley.

Ephesianee 3:17

Dy vod Creest baghey ayns ny creeaghyn eu liorish credjue; dy vod shiuish liorish ve fraueit es gruntit ayns graih.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:27

Dauesyn ve aigney Yee dy hoilshaghey cre ta’n verchys ghloyroil jeh’n folliaght shoh mastey ny Ashoonee; ta shen Creest ayndiuish, yn treishteil dy ghloyr:

Colossianee 2:19

As cha nee cummal gys y chione, voish myr ta’n slane corp liorish juntyn as kianglaghyn er ny hirveish as sniemmit cooidjagh, te cheet er y hoshiaght lesh bishagh Yee.

Colossianee 2:7

Fraueit as troggit seose aynsyn, as er nyn niartaghey ayns y chredjue, myr ta shiu er ve ynsit, bishaghey ayn lesh toyrt‐booise.

1 Timothy 2:15

Foast, bee ee er ny hauail ayns gymmyrkey‐lhiannoo, my nee ad tannaghtyn ayns credjue as graih, as craueeaght lesh sheeltys.

2 Timothy 3:8

Nish myr ren Jannes as Jambres girree noi Moses, myr shen t’ad shoh neesht shassoo magh noi’n irriney: deiney jeh aighnaghyn mee‐chrauee, caillit gys y chredjue.

Titus 1:13

Ta’n feanish shoh firrinagh, shen‐y‐fa cur oghsan gyere daue dy vod ad ve shickyr ’sy chredjue.

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee‐viallagh, as noi dy chooilley obbyr vie er nyn greoghey.

Titus 2:2

Dy bee ny shenn gheiney fudagh, soccaragh, sheelt, fondagh ’sy chredjue, ayns giastyllys, ayns meenid:

Hebrewnee 12:15

Jeeaghyn dy imneagh, nagh duitt dooinney erbee giare jeh grayse Yee; er‐aggle dy jean fraue erbee dy herriuid gaase seose, shiu y voirrey, as ymmodee liorish shen er nyn byshooney:

Hebrewnee 4:1

Lhig dooin er‐y‐fa shen aggle y ghoaill, erreish da gialdyn ve faagit dooin dy gholl stiagh ’syn ea echey, dy darragh veg jiu giare jeh.

Hebrewnee 6:8

Agh ta shen ta gymmyrkey drineyn as dressyn, faagit mooie, as faggys da mollaght; ta’n jerrey echey dy ve losht.

Jamys 4:4

Shiuish gheiney as vraane maarderee [spyrrydoil,] nagh vel fys eu dy vel caarjys y theihll noidys rish Jee? quoi‐erbee er‐y‐fa shen saillish ve ny charrey da’n seihll, t’eh noid Yee.

1 Peddyr 5:9

N’oï shass‐jee dy shickyr ayns y chredjue; myr ta toiggal eu dy vel ny seaghyn cheddin er ny ymmyrkey liorish ny braaraghyn eu t’ayns y theihll.

Ashlish 2:5

Cooinee er‐y‐fa shen cre voish t’ou er duittym, as gow arrys, as jean dty chied obbraghyn; er‐nonney higym hood dy tappee, as scugh‐ym dty chainleyr ass e ynnyd, mannagh gow arrys.