2 Corinthianee 13:4 - Yn Conaant Noa 1810

⁴ Son ga dy row eh er ny chrossey trooid annooinid, ny‐yeih t’eh bio liorish pooar Yee: Son ta shinyn myrgeddin annoon aynsyn, agh bee mayd bio mârishyn liorish pooar Yee soilshit diuish.

Yn Vible Casherick 1775 1819

⁴ Son ga dy row eh er ny chrossey trooid annooinid, ny-yeih t’eh bio liorish pooar Yee: Son ta shinyn myrgeddin annoon aynsyn, agh bee mayd bio mârishyn liorish pooar Yee soilshit diuish.

2 Corinthianee 13:4 ပူးပေါင်းရင်းမြစ်များ

Noo Ean 10:18

Cha vel dooinney erbee dy ghoaill voym eh, agh m’aigney hene eh dy scarrey rish: Ta pooar aym dy scarrey rish, as ta pooar aym dy ghoaill reesht eh. Yn sarey shoh hooar mee veih my Ayr.

Jannoo 2:36

Shen‐y‐fa lhig da ooilley lught‐thie Israel as fys y ve oc ayns shickyrys, dy vel Jee er n’yannoo Yeesey shen ta shiuish er chrossey, chammah Chiarn as Creest.

Jannoo 3:16

As yn ennym echeysyn trooid credjue ayns yn ennym cheddin t’er chur niart da’n dooinney shoh, ta shiu dy akin, as er ta enney eu: dy jarroo, she credjue aynsyn t’er n’obbraghey yn couyr breeoil shoh ersyn ’syn enish eu ooilley.

Romanee 1:4

As soilshit dy ve Mac Yee lesh pooar, cordail rish y spyrryd dy chasherickys, liorish yn irree‐seose‐reesht veih ny merriu;

Romanee 14:9

Son er‐y‐fa shoh hooar Creest chammah baase, as dirree eh, as vio‐ee eh reesht, dy voddagh eh ve Chiarn chammah ny bio as ny merriu.

Romanee 6:4

Shen‐y‐fa ta shin oanluckit mârishyn liorish bashtey gys baase; ’naght myr va Creest troggit seose veih ny merriu liorish gloyr yn Ayr, dy jarroo myr shen lhisagh shin myrgeddin gimmeeaght ayns bea noa.

1 Corinthianee 1:25

Son ta shen t’adsyn genmys ommijys Yee ny s’creeney na deiney; as annooinid Yee ny s’troshey na deiney.

1 Corinthianee 15:43

Te er ny chuirr ayns mee‐ooashley; te troggit seose ayns gloyr: Te er ny chuirr ayns annooinid; te troggit seose ayns pooar:

1 Corinthianee 2:3

As va mee nyn mast’ eu ayns annooinid, as ayns lane aggle, as er‐creau.

1 Corinthianee 6:14

As ta Jee chammah er hroggal seose y Chiarn, as nee eh myrgeddin shinyn y hroggal seose liorish e phooar hene.

2 Corinthianee 10:10

Son ta ny screeunyn echey (jir adsyn) breeoil as niartal, agh dy yeeaghyn er y dooinney hene t’eh annoon, as e ghlare dyn bree.

2 Corinthianee 12:10

Shen‐y‐fa ta mee goaill boggey ayns annooinid, ayns oltooanyn, ayns êgin, ayns tranlaase, ayns chennid er graih Chreest: son tra ta mee annoon, eisht ta mee lajer.

2 Corinthianee 13:9

Son ta boggey orrin tra ta shinyn annoon, as shiuish lajer: as shoh myrgeddin ta shin geearree, dy jarroo yn slane lhiassaghey bea eu.

Philippianee 3:10

Dy vod enney ’ve aym ersyn, as toiggal pooar yn irree‐seose reesht echey, as yn ayrn t’aym’s ayns e hurranse, dy ve er my yannoo casley rishyn ayns e vaase;

Hebrewnee 5:7

Ayns laghyn e ghooghys‐foalley, tra v’eh er hebbal padjeryn as aghinyn, lesh eam jeean as jeir, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

1 Peddyr 3:18

Son ta Creest myrgeddin er hurranse un cheayrt son peccaghyn, yn fer‐cairagh son ny mee‐chairee, (dy voddagh eh shiu y chur lesh gys Jee,) v’eh er ny choyrt gy‐baase ayns yn eill, agh er ny vioghey liorish y Spyrryd:

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.