2 Corinthianee 11:7 - Yn Conaant Noa 1810

⁷ Vel mee er n’yannoo foill liorish mee hene y injillaghey, dy vod shiuish v’er nyn soiaghey seose, er‐y‐fa dy vel mee er phreacheil diuish sushtal Yee nastee?

Yn Vible Casherick 1775 1819

⁷ Vel mee er n’yannoo foill liorish mee hene y injillaghey, dy vod shiuish v’er nyn soiaghey seose, er-y-fa dy vel mee er phreacheil diuish sushtal Yee nastee?

2 Corinthianee 11:7 ပူးပေါင်းရင်းမြစ်များ

Jannoo 20:33

Cha vel mee er chur saynt da argid, ny airh, ny cooid ghooinney erbee.

Jannoo 20:34

Dy jarroo ta fys eu hene, dy nee ny laueyn shoh ren shirveish er my ymmyrch, as orroosyn va mârym.

Romanee 1:1

Paul sharvaant Yeesey Creest, er ny eam dy ve ny ostyl, soit er‐lheh gys sushtal Yee;

1 Corinthianee 9:12

Myr ta fir‐ynsee elley er ghoaill y phooar shoh harriu, nagh vel eh ny s’cooie dooinyn? Ny‐yeih, cha vel shin er n’yannoo ymmyd jeh’n phooar shoh; agh ta shin er hurranse dy chooilley chreoghys, er‐aggle dy jinnagh shin sushtal Chreest y lhiettal.

1 Corinthianee 9:6

Ny nee mish as Barnabas ny lomarcan nagh vel ee nyn reamys dy chur nyn geird dy lhiattee?

2 Corinthianee 10:1

Nish ta mish Paul mee hene guee erriu, liorish meenid as meiyghys Chreest, mish ta dy yeeaghyn orrym pene fardalagh nyn mast’ eu, agh dunnal tra ta mee veue.

2 Corinthianee 10:16

Dy phreacheil y sushtal ayns ny cheeraghyn er cheu elley j’iu, as cha nee dy ve boggyssagh ayns rule dooinney elley, jeh reddyn jeant aarloo gys nyn laue.

2 Corinthianee 12:13

Son cre eh, ayn va shiuish ergooyl rish kialteenyn elley, mannagh row eh son nagh dug mee shiu gys cost? leih‐jee dou yn aggair shoh.

2 Corinthianee 2:12

Ny‐sodjey, tra haink mee gys Troas dy phreacheil sushtal Chreest, as dy row dorrys er ny osley dou ayns y Chiarn.

1 Thessalonianee 2:9

Son ta cooinaghtyn eu, vraaraghyn, er y tooilleil as y deinys ain: son gobbraghey oie as laa, er‐yn‐oyr nagh jinnagh shin currym er veg eu, ren shin sushtal Yee y phreacheil diu.

2 Thessalonianee 3:8

Chamoo d’ee shin arran dooinney erbee nastee; agh ren shin gobbraghey lesh deinys as tooilleil oie as laa, son nagh beagh shin costyllagh da veg eu: