2 Corinthianee 11:2 - Yn Conaant Noa 1810

² Son ta mee eadolagh harrishdiu lesh eadolys chrauee: son ta mee er nastey shiu rish un heshey, dy voddym shiu y hebbal myr moidyn ghlen da Creest.

Yn Vible Casherick 1775 1819

² Son ta mee eadolagh harrishdiu lesh eadolys chrauee, son ta mee er nastey shiu rish un heshey, dy voddym shiu y hebbal myr moidyn ghlen da Creest.

2 Corinthianee 11:2 ပူးပေါင်းရင်းမြစ်များ

Noo Ean 3:29

Eshyn dooinney yn phoosee ta ben y phoosey echey: agh ta carrey dooinney yn phoosee, ta ny hassoo as geaishtagh rish, goaill boggey mooar jeh coraa yn dooinney poosee: ta shoh my voggey’s er‐y‐fa shen jeant magh.

Romanee 7:4

Shen‐y‐fa, my vraaraghyn, ta shiuish myrgeddin marroo gys y leigh liorish corp Chreest; dy voddagh shiu ve poost rish fer elley, dy jarroo rishyn ta troggit veih ny merriu, dy voddagh shin mess y ymmyrkey magh da Jee.

1 Corinthianee 4:15

Son ga dy vel eu jeih thousane fir‐ynsee ayns Creest, foast cha nhimmey ayr t’eu: son ayns Creest Yeesey ta mish er gheddyn shiu trooid y sushtal.

2 Corinthianee 4:14

Toiggal dy jean eshyn hrog seose y Chiarn Yeesey, shinyn myrgeddin y hroggal liorish Yeesey, as shinyn y ghoaill stiagh mêriu.

Galatianee 4:11

Ta mee goaill aggle j’iu, dy vel mee er vaarail erriu obbyr ayns fardail.

Philippianee 1:8

Son Jee my eanish, cre cha jeean as ta mee goaill foddeeaght nyn yeï eu ooilley ayns meiyghys Yeesey Creest.

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

1 Thessalonianee 2:11

Myr ta fys eu, kys ren shin coyrlaghey as gherjaghey, as currymaghey dagh unnane eu (myr ta ayr e chloan)

Ashlish 14:4

Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr va’d ny chied messyn da Jee as da’n Eayn.