2 Corinthianee 10:8 - Yn Conaant Noa 1810

⁸ Son ga dy jinnin boggyssagh ny‐sodjey jeh’n phooar ain (ta’n Chiarn er choyrt dooin son y vondeish, as cha nee son yn assee eu) cha beagh nearey orrym.

Yn Vible Casherick 1775 1819

⁸ Son ga dy jinnin boggyssagh ny-sodjey jeh’n phooar ain (ta’n Chiarn er choyrt dooin son y vondeish, as cha nee son yn assee eu) cha beagh nearey orrym.

2 Corinthianee 10:8 ပူးပေါင်းရင်းမြစ်များ

2 Corinthianee 1:24

Cha nee dy vel shin gymmyrkey reill harrish nyn gredjue, agh ta shin fir‐choonee dy vishaghey nyn moggey: son liorish credjue ta shiu shassoo.

2 Corinthianee 10:4

(Son cha vel ny greinyn‐caggee ain jeh stoo foalley, agh niartal trooid Jee dy lhieggal sheese tooryn lajer)

2 Corinthianee 10:9

Nagh goghe shiu mee myr dy baillym shiu y agglaghey lesh screeunyn.

2 Corinthianee 12:19

Reesht, vel shiu smooinaghtyn dy vel shin jannoo leshtallyn? ta shin loayrt fenish Yee ayns Creest: agh ta shin jannoo dy chooilley nhee, chaarjyn ennoil, dy chur tushtey sodjey diu.

2 Corinthianee 12:6

Son ga dy beagh aigney aym dy voggyssagh, cha bee’m my ommydan; son loayr‐ym yn irriney: agh nish ta mee lhiggey shaghey, er aggle dy jinnagh dooinney erbee smooinaghtyn jee’m erskyn ny t’eh fakin mee dy ve, ny shen t’eh dy chlashtyn jee’m.

2 Corinthianee 13:10

Shen‐y‐fa ta mee scrieu ny reddyn shoh, tra nagh vel mee mêriu, er‐aggle tra hig‐ym hiu, dy jean‐ym shiu y smaghtaghey dy gyere, cordail rish y phooar ta’n Chiarn er choyrt dooys son y vondeish [spyrrydoil], as cha nee son yn assee eu.

2 Corinthianee 13:8

Son cha vod shin veg y yannoo noi’n irriney, agh son yn irriney.

2 Corinthianee 7:14

Son my ren mee boggyssagh jiuish ayns nhee erbee rishyn, cha vel nearey orrym; agh myr ta shin loayrt dy chooilley nhee riu ayns firrinys, myr shen ta’n voggyssagh ain, ren mee fenish Titus, er ny gheddyn firrinagh.

2 Corinthianee 7:4

S’mooar ta reamys my ghlare hiuish, s’mooar ta my voggyssagh jiuish: ta mee lhieent lesh gerjagh, ta mee goaill boggey erskyn towse ayns ooilley yn seaghyn ain.

Galatianee 1:1

Paul ny ostyl (cha nee veih deiney, chamoo liorish dooinney, agh liorish Yeesey Creest, as Jee yn Ayr, ren eshyn y hroggal veih ny merriu)

2 Timothy 1:12

Er‐yn‐oyr cheddin ta mee myrgeddin surranse ny reddyn shoh, ny‐yeih cha vel nearey orrym: son shione dou eshyn ayn ta mee er credjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.